Assalamu'alaikum Ww Rangkayo Aswita (CMIIW)..
Dek rumah ambo di tapi rimbo kelok 44 Maninjau, dan maso sapuluah-limo baleh tahun nan lampau sato juo baburu babi tsb , ambo cubo maagiah pandangan dan mohon maaf kalau indak sapanuahnyo manjawek tanyo uni. Baburu babi tsb sacaro garih gadang dibagi duo : a. Baburu salek : Biasonyo dilakukan lokal dalam satu kampuang sajo dan area baburunyo biasonyo bateh antaro sawah dan ladang di sekitar kampuang. Dan biasonyo dilakukan agak spontan sajo, mungkasuiknyo (kalau di Maninjau) tiok hari salasa sasudah luhua dan jumaaik sasudah shalat jumaaik , bakumpua lah di Kelok 1 dan disinanlah baru area dan strategi baburu di bicarokan sacaro singkek sajo....., misalnyo daerah Kandang Harimau ... bara urang nan manyisia dari Simalungkiang .,. bara urang nan maminteh dari Buluah Apo dan bara urang nan mamburu dari Pulau... Dan Penanggung jawab-nyo Tuo Buru setempat.... Dek iko rutin marupokan olah raga anak nagari , Wali Nagari-Wali Jorong dan Niniak Mamak batangguang jawab di sisi moral sajo. b. Baburu Gadang : Baburu gadang iko marupokan alek buru nan maundang urang paburu dari daerah lain ( Sampai Propinsi lain) dan direncanakan dan ado agenda nyo di PORBI (Persatuan Olah Raga Berburu Indonesia) dan biasonyo ketuanyo Ex Officio adolah Petinggi Kepolisian di daerah tsb, Kalau Kecamatan - Kapolsek, kalau kabupaten - Kapolres.. Sabalun baburu gadang iko dibuek suatu kepanitiaan dan dibuek suatu tampek komisariat nan dinamokan PAUNAN BURU. Kepanitiaan dibantuak sasuai jo bara garang alek buru nan ka dilakukan dan sia nan ka diundang , misalnyo ka maundang Gubernur tantu babeda jo ka maundang Bupati sajo. Wakatunyo biasonyo sasudah musim manyabik (Di Maninjau) dan sabalum musim tanam. Dan event nan paliang Gadang biasonyo minggu terakhir Sabalum Ramadhan. Wakatu baburu gadang iko biasonyo Hari Minggu , dan pado saminggu sabalun hari H para Panitia dan para Tuo Buru akan mambuek area dan strategi nan ka dilakukan .... Untuak area buru di bateh-bateh kegiatan buru jo kampuang-sawah-ladang panitia akan mamasang bendera warno MERAH nan aratinyo indak buliah mamasuki area tsb , tampek istirahat diarea buru diagiah bendera warno PUTIAH, daerah buruan diagiah warno KUNIANG... Dan panitia kalau di Maninjau biasonyo juo manyusun area Parkir, tampek jualan nasi dll, peturasan, dan tampek shalat....dengan tenda-tenda batalion. Dari duo jenis kegiatan buru babi tsb ado babarapo adab baburu babi : Misalnyo mamatuhi perintah dari Tuo Buru : biasonyo dari sorak... Misalnyo "Pinteh di baruah......" dll Tidak memasuki area nan bapaga , area perumahan, area sawah dan parak dll , dan area berbendera merah (Buru Gadang) Tidak pulang sebelum waktunya. Tidak menembak-menombak-menikam sebelum aman. dll Itu sakileh tantang Buru Babi... Jadi Rangkayo rancaknyo manuruik Tuo Buru-nyo, untuak maminta pertanggungjawaban atau ke Panitia Buru tsb jika ba Buru gadang.. Wassalam Z Chaniago - Palai Rinuak Pada tanggal 26/11/07, Wita Abdin <[EMAIL PROTECTED]> menulis: > > Assalaamu'alaikum wa rahmatullahi wa barakaatuhu, > > Dunsanak Yth, > > Ambo mohon info tantang kegiatan buru babi di kebanyakan kampuang2 kito, > sarupo di Sawahlunto Sijunjuang, dlsbg. Sajauh ma kegiatan ko diizinkan oleh > pemerintah untuak beroperasi, apokah ado PERDAnyo atau badan hukum sagalanyo > nan mandukuangnyo. Apokah kelompok nan ikuik buru babi itu dibuliahkan > mamasuki pekarangan rumah urang nan bapaga, tanpa maminta izin dulu ka nan > punyo rumah. Dima2 sajo kelompok iko dizinkan baoperasi, apokah dilingkungan > rumah penduduk atau ditampek2 nan masih agak barimbo nan dipakirokan banyak > kandiaknyo disitu. > > Terakhir patanyaan ambo, kalau tajadi persengketaan antaro urang punyo > rumah jo babarapo urang tertentu nan ikuik buru babi tu, kama sabaiaknyo > malapor, apo ka Kades, ka Polisi,? Persengketaan disiko maksudnyo, salah > satu anggota rumah ndak setuju dengan adonyo buru babi dirumahnyo tanpo > minta izin dulu. Lalu kelompok urang2 nan sato buru babi tu, berang > sajadi2nyo, sampai malempa rumah jo batu gadang, tapi alhamdulillah lai ndak > ado korban doh. Apo sabananyo tangguang jawab kades thd PBB iko > Tarimo kasih sabalunnyo. > > Wassalam > > > Aswita > > > > > > > > > -- Z Chaniago - Palai Rinuak Ka ganti sawah jo ladang : --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di https://www.google.com/accounts/NewAccount =============================================================== -~----------~----~----~----~------~----~------~--~---