Batua sakali, Nanda Suryadi. Nan Nanda jalehkan itu, di Barat sikap romantisme
itu dikaikkan jo sikap realisme, jo caro mamanfaatkan artifak maso lampau untuk
mancari pitih untuak maso kini malalui turisme. Kok di awak romantisme tu kan
dalam alam khayal sajo, mangana-ngana 'wakatu gunuang Marapi sagadang talua
ayam', 'niniak muyang kito katurunan Iskandar Zulkainain', dan nan sarupo itu.
Indak ado pamaliharoan bangunan kuno, indak ado reproduksi lukisan [lukisan apo
nan ado di awak?], indak ado kincia lai, dan indak ado urang manyeo pakaian
adat untuak bakodak. Turisme? Walah, dima-dima nan tumbuah subur adolah tukang
palak, nan nampaknyo dipabiakan sajo.
Baliak ambo ka pertanyaan dasar: apo sababnyo mako baitu? Sia koh nan
batangguang jawab mameloki keadaan sarupo tu ? Ka dipabiakan sajo taruih
saroman tu? Sakadar manganakan sajo: "Tuhan tidak akan mengubah nasib suatu
kaum kalau bukan kaum itu yang mengubahnya".
Wassalam,
Saafroedin Bahar
Lies Suryadi <[EMAIL PROTECTED]> wrote:
Urang Barat mamanfaatkan romantisme maso lampaunyo tu untuak iduik
hari ko. Nyo paliharo bangunan2 kuno, kekayaan folklornyo nyo paliharo juo
elok2, nyo reproduksi foto2 Rembrand, Gaudi, dll. , juo lukisan2nyo, nyo
kambang biakkan imago tentang masa lalu tu dalam bentuk macam2--mulai dari
kartu pos, macam2 cendera mata..... sampai ka gambar di sarawa kotok. Di
babarapo tampaik di Balando kincia kayu babaliang2 angin tu masih manumbuak
gandum juo baru lai....indak ado nan barubah...bakecuik2 buninyo....basalingkik
turih mancaliak ka atehnyo...nan pitih banyak saketek e jaleh tingga.
Ongelofelijk! Di Volendam urang mambayia 40 Eruro untuak mancibo pakaian urang
Ulando abad saisuak. Itu nan nyo bali dan dicubo dek turih2 dari seluruh duya
tu (tamasuak urang2 kayo Indonesia ko) pabilo mereka balibur ka Eropa ko.
Jadi, tagantuang baa maliek romantisme tu dari segi kekinian kito. Ambo raso
awak mandudu bana maju ka muko.... mungkin iko nan dinamokan dek salah seorang
peneliti..."mabuk modern"dan "gila barat". Eh.....lah tibo di barat ko baru
ambo tahu...memang ado batua kironyo. Jarang mbo liek direktur atau urang kayo
di siko nan mamacik HP sagadang tembok tu, kadang2 duo bula pulo: ciek di suok
ciek di kida..
Wassalam,
Syd
----- Pesan Asli ----
Dari: Dr.Saafroedin BAHAR <[EMAIL PROTECTED]>
Kepada: RantauNet@googlegroups.com
Terkirim: Selasa, 11 Desember, 2007 1:47:55
Topik: [EMAIL PROTECTED] Re: PULANG KAMPUNG - Pareman...?
Assalamualaikum w.w. Sanak St Lembang Alam dan Rahmatullah Sjamsudin,
Ambo marasokan alah mulai timbua nada putuih aso tiok kito mangecek soal
Ranah ko.Masalahnyo sabana bakapiek, kok kusuik alah ampia kusuik sarang
tampuo, indak tantu lai ujuang jo pangka.
Manuruik Prof Azyumardi Azra, ado duo sikap taradok ruwetnyo masalah
Minangkabau, nan baliau namokan sikap romantisme dan sikap realisme. Sikap
romantisme tabanam dalam alam khayal maso lampau dan indak amuah mancaliak
kaadaan nyato, sadangkan sikap realisme bausaho mancaliak kaadaan sanyatonyo.
Ambo kiro duo sikap ko takaik jo duo caro bapikia, yaitu caro bapikia positif
nan salalu bausaho mancaliak paluang dan cara bapikia negatif nan salalu
mancaliak nan buruak-buruak sajo.
Rasonyo nan paralu kito kambangkan adalah sikap realisme ditambah jo bapikia
positif, supayo kita kaji baa kaadaan, apo panyabab dan akar masalahnyo, baa
jalan kaluanyo, dan apo nan ka kito karajokan.
Nan paliang susah adolah campuran antaro sikap romantisme bacampua jo caro
bapikia negatif, suko bakhayal tantang maso lampau dan hanyo mancaliak nan
buruak-buruak sajo tantang kaadaan kini. Kok ado gagasan atau prakarsa urang,
inyo curiga dulu, kalau urang sukses inyo bingik dan mancemeeh.
Ingin ambo batanyo ka kito sakalian: di urang awak kini ma nan banyak
kalompok nan maanuik sikap realisme+bapikia positif atau kalompok nan maanuik
sikap romantisme+ bapikia negatif ? Takaik jo itu, manuruik pandapek ambo
dalam mamacahkan masalah basamo, wacana tu jaleh paralu, kecuali kalau kito
ingin batindak tanpa bapikia dulu atau batindak bak kandak awak surang-suang
sajo.
Wassalam,
Saafroedin Bahar
---------------------------------
Kunjungi halaman depan Yahoo! Indonesia yang baru!
---------------------------------
Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
https://www.google.com/accounts/NewAccount
===============================================================
-~----------~----~----~----~------~----~------~--~---
