Mak kani, sanang mambaco carito mamak. Tagalak surang hanifah. Tabayang pulo
parangai jo kawan2 ktk di kampuang. Nan paliang acok dilakukan padusi adolah
mampatalikan talakuang sabarih di balakang ktk sadang sumbayang bakaum. Iko
tajadi kalau guru lengah. Sadang asyik, beko ado nan mandorong jo pingguano shg
barisandun rabah. He he he oh ya salamaik hari rayo aji. Salam. hanifah nan
sadang di rmh mintuo nan lg baduka. Sakaligus kami ngungsi dr bkl yg gelisah
syaukani yusup wrote:
> Assalamualaikumww Hanifah baa kaba? Lah lamolo awak indak maota lah
> taragaklo ambo nak maagiah komentar puisi Hanifahko buliah ndak? Judul nan
> Hanifah katangahkan mambuek ambo takana kenangan manih maso paja2 di kampuang
> dulu. ambo masuak Didikan Subuah, alias mangaji pondok. Biasono kami akan
> sampai sakitar ampia2 magrib,salapeh magrib mulolah mandanga caramah guru dan
> salapeh Isyak bamulolah mangaji bakalompok2 sasuai jo paringkek masiang2 ado
> nan masih baco Surek Ama alias alih ba ta ado nan lah mulo ka Kur an, biasono
> abih dalam pukua 10.30 mlm, diwajibkan harus lalok indak buliah babunyi lai
> dari pukua 11.00. Guru pulang kasarang nan kami bagaluguak lalok dipondok.
> Suatu hari kami maadokan pesta mamasak bubua nasi, undang2 tatap indak
> barubah,pukua 11.00 harus lalok,guru lah baliak karumah, pengawas baliak pulo
> jadi bebaslah kami nan tingga di pondok sekitar 10urang,mancaliak guru jo
> pengawas lah ilang kami geng 3urang lah
> mulo manciroang kapalo masiang2 bamulolah ota nan kabanyakannyo nan mambao
> galak,bilo galak lah agak takareh adolah kawan nan ma hep kan, garik tadanga
> sampai karumah guru disabalah pondok sajo. Ota ka ota ari lah pukua 12.00
> malam, kami batigo masih jago,nan batujuah lah lalok. Kawan ambo si Eri
> namonyo memang agak nakal, mulo2 nyo pareso satu persatu, ado nan bakaruah
> adolo nan bamalo salero batabua sampai mailia katalingo, dapek deknyo idea,
> nyo cari arang paro jo minyak manih mako kami batigo mulo mamproses arang jo
> minyak tadi untuak dijadikan serbuk baminyak,salapeh siap persediaan mako
> proses mambuek sisunguikpun bamulo, mangso tantulah nan batujuah tadi,
> pokoknyo bakoreang2 dek masing2 bertaraf palukih indak propesional lai jadi
> bantuak lukisan sisunguik taditu berbagai2 fesyen, pokoknyo ampia saabih muko
> bakoreang arang, ado nan ujuangnyo kateh ado pulo nan kabawah, buatan si Eri
> nan paliang manggili hati,dek ujuang sisunguik
> buatannyo ciek kateh ciek kabawah. Lah abih arang ditangan lah padiah mato
> dek mangantuak mako tabalengkonglah kami batigo. Apo nan tajadi bisuak
> subuah???? Dek kami limbur malamtu jadi talaek pulolah tajago subuahtu,antah
> apo nan tajadi samaso kami lalok indaklah kami tau, nan jaleh bilo kami lah
> dijagokan, guru jo pengawas lah hadir di pondok, guru jo pengawaspun indak
> dapek marasiokan parasaan gelinyo, sambia maariak mananyokan sia punyo
> karajoko? tapi bibianyo mangulum senyum juo, nan kanai koreang pulo galak
> manggalakkan, nan kami batigo masih tapana2 dek lalok indak cukuik, lalu guru
> jo pengawas maampiai kami lalu batanyo sia punyo karajo? mulo2 indak ado nan
> mangakudoh tapi dek nakal indak baraja caro, muko kami batigo sajo nan indak
> basisunguik dek karano sisunguik lakek ditangan sahlah kami batigo nan punyo
> angkaro, apolai...... tunggulah pembalasan. Kami batigo disuruah
> mambarasiahkan baliak muko kawan nan
> batujuahtu sampai batua2 hilang,salapehtu pengawas manyuruah kami mancari
> arang jo minyak labiah banyak dan disuruah mambuek serbuk baminyak baliak
> disaksikan kawan2 nan batujuah tadi, bilo persediaan serbuk baminyak salasai
> mako kami batigo disuruah bukak baju, mako calon pelukis batujuah nan indak
> bapangalaman tadi mamulokan acara mangoreang kami pulo sacaro bebas dari muko
> sampai kapusek lukisan nan paliang buruak dianggap pemenang pertandingan,
> guru pengawas situjuah dan kaum ibu ketek bebas manggalakkan sitigo. Onde
> mak oiii.... masotu malu indak tabado tapi kadipangakan,awak mangoreang kawan
> sadang lalok,awak pulo dikoreang kawan sadang jago,kabangih ko situjuah dapek
> kebenaran dari guru jo pengawas, salapeh salasai koreang mangoreang kami
> batigo disuruah masuak kadalam kolah barasiahkan badan tanpa sabun, selagi
> adojuo arang dibadan indak buliah kalua kulah. Mako kami batigo bakonsi
> gosok manggosok manggunokan tanah, onde mak oi.... lah
> ampia 2jam alun juo lai salasai, dikampuang ambo udaro dingin,manggigia
> sampai mangarucuik kampia2. Kini kami batigo masih iduik tapi lah baserak2
> cuma si Eri sajo nan jadi supareh batu di kampuang. Kini si Eri nan banyak
> idea nakaltu lah jadi Pangulu dikampuang, danga carito,inyo masih nakal juo
> cuma iramanyo sajo nan lah lain. Nan ambo pulo .... rabab sajolah nan
> manyampaikan. Nan pantiang pambaco jan ditirulo nakal kami,tapi kok
> taragaklo nak mancubo,indak paralu mancari arang paro lai doh,nan paliang
> santiang ambo cadangkan pakai cat sajo,guno cat nan bakilek,tes ka urang
> rumah dulu, tapi ambo indak batangguang jawab doh........he..he... Tamat.
> hanifah daman <[EMAIL PROTECTED]> wrote: Alhamdulillah, lai ado nan
> mambaco puisi hanifah.
> Mudah-mudahan indak kanai bangih awak di urang kampuang, karano pangatahuan
> awak salingka nagari sennoh. Sia tau di tampek lain indak mantun, dan
> mudah-mudahan indak mantun. Oh iyo bu iraf, hanifah indak ahli matematika
> doh. Cito-cito iyo nak jadi ahli matematika, tapi indak kasampaian... dan
> tacampak ka bidang nan lain nan labiah dinamis ilmuno.
> Never miss a thing. Make Yahoo your homepage.
>
____________________________________________________________________________________
Looking for last minute shopping deals?
Find them fast with Yahoo! Search.
http://tools.search.yahoo.com/newsearch/category.php?category=shopping
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
https://www.google.com/accounts/NewAccount
===============================================================
-~----------~----~----~----~------~----~------~--~---
