pak Saf yang baik
Apo yang pak Saf lakukan salamoko rasonya alah satangah jalan Bagaimanapun
taraf sampai ABSSBK telah kita lalui Batamunyo adat dan agama Islam Iko suatu
peristiwa penting dan jan sampai mudur lagi kebelakang Nan alun tuntas kan
pelaksanaannyo Masih ado perbedaan pendapat Alah begitu banyak diadakan apakah
seminanr diskusi loka karta dll Kesepakatan inilah nan manuruik amo paralu
dituang dan disepakati
Kalau urang lain pulo mulai pulo dari baru Selagi masih sehat manuruik ambo jan
sampai badebat kan lain pulo
Chaidir N Latief
----- Original Message ----
From: Dr.Saafroedin BAHAR <[EMAIL PROTECTED]>
To: RantauNet@googlegroups.com
Cc: Ilhamdi TAUFIK <[EMAIL PROTECTED]>; Warni DARWIS <[EMAIL PROTECTED]>; "Dra.
Adriyetti AMIR, SU" <[EMAIL PROTECTED]>; H. Mas'oed ABIDIN <[EMAIL PROTECTED]>;
Dr Zulyani HIDAYAH <[EMAIL PROTECTED]>; Zulfan Tadjoeddin <[EMAIL PROTECTED]>
Sent: Tuesday, December 18, 2007 9:23:24 PM
Subject: [EMAIL PROTECTED] Re: dikaji baiak-buruaknyo
Assalamualaikum w.w. Sanak Suryadi,
Sakali lai, tarimo kasih ateh paratian Sanak. Kini kito masuak masalah nan
labiah teknis yuridis. Ambo alah mambicarokan hal ko jo Sanak Kurnia Warman SH,
MH, dari Fakultas Hukum Unand, dan didapek gagasan samantaro sabagai barikuik.
1) Bidang nan bisa diatur dek Kompilasi Hukum ABS SBK ko hanyolah bidang
hukum perdata, saparati hukum perkawinan, hukum kekerabatan, hukum kewarisan
dan hal-hal nan sarupo tu. Bisa juo dimasuakkan masalah-masalah nan timbua
kudian ko, saparati masalah alah tajuanyo tanah ulayat sasudah disertifikatkan
dalam rangko Prona dulu ; masalah silsilah dan ranji; masalah keluarga inti dan
mandiri manuruik Undang-undang Perkawinan th 1974, nan tadiri dari bapak,ibu,
dan anak-anaknyo; masalah anak nan indak basuku, nan bapaknyo Minang induaknyo
non Minang; hubungan perantau dan Ranah; posisi katurunan rajo-rajo Minangkabau
saisuak, sarupo katurunan Pagaruyuang; atau masalah maagiah gala sangsako
kapado tokoh-tokoh nasional, dan lain-lain sabagainyo.
2) Kalau masih ado nan batantangan antaro norma adat jo norma agamo, jiko
memang sabana indak dapek kasapakatan lai, urang bisa malakukan pilihan hukum
['rechtskeuze'] antaro hukum adat dan hukum syarak. Hal iko panah tajadi dalam
hukum adat Batak, wakatu padusi Batak nan indak mandapek hak waris manuruik
adat Batak, mambao pakaronyo ka Pengadilan Negeri.
3) Ado duo caro nan bisa dipiliah untuak manyusun draft Kompilasi Hukum ABS
SBK tu, yaitu: a) sacaro deduktif, sarupo nan Sanak tanyokan; dan b) sacaro
induktif, malalui manyusun samacam DIM (Daftar Inventarisasi Masalah), sarupo
nan biaso dipraktekkan DPR RI dalam manyusun rancangan undang-undang (RUU).
Sacaro pribadi ambo condong ka caro kaduo ko, dima tiok urang Minang atau tiok
kalompok berhak manyampaikan masalah-masalah apo sajo nan dirasonyo paralu
untuak dimasuakkan dan diatur dalam Kompilasi Hukum ABS SBK tu, tamasuak apo
saran parumusannyo dalam kalimat hukum nan jaleh.
4) Sasuai jo kesepakatan bahaso adat basandi syarak, syarak basandi Kitabullah
(ABS SBK) adolah 'jati diri Minangkabau', manganai sisi syaraknyo kan alah ado
bahan, yaitu Kompilasi Hukum Islam, tahun 1991.Untuak malangkoki draftnyo,
tingga manambah sisi adatnyo, diambiak norma-norma nan balaku umum dan dapek
ditarimo dek saluruah urang Minangkabau, di Ranah dan di Rantau.
5) Nan berhak dan tapek mangesahkan atau indak mengesahkan draft Kompilasi
Hukum ABS SBK tu tantu saluruah urang Minangkabau, kalau bisa dalam suatu
Kongres Minangkabau. Dalam gambaran ambo,Kongres Minangkabau tu diadokan sacaro
batingkek, kalau di Ranah malalui rapek nagari, dan kalau di Rantau malalui
rapek IKM-IKM. Kalau ditarimo dek sabagian gadang rapek nagari atau rapek
IKM-IKM mako disahkan, kalau indak atau alun ditarimo, ditangguhkan dulu.
6) Kongres Minangkabau nan diadokan sasudah rapek nagari di Ranah dan rapek
IKM-IKM di Rantau, dihadiri dek para utusan/jurubicara nagari dan
utusan/jurubicara IKM-IKM; bisa diadokan di tampek nan basajarah, misalnyo di
Bukik Marapalam, dakek Batusangka, kabupaten Tanah Datar. Kalau biayanyo taraso
gadang bana, bisa dilakukan malalui suatu 'teleconference' sajo. Sudah barang
tantu, draft Kompilasi tu paralu disebarluaskan dulu sabalunnyo, antaro lain
malalui internet nan kini alah mulai tajangkau dima ado kabel tilpon. Dima nan
alun ado, yo disebarkan sacaro tatulih atau malalui televisi, surek kaba, dan
atau radio.
7) Kalau alah ado kasapakatan taradok draft, kasaluruhan isi Kompilasi Hukum
ABS SBK nan tamasuak hukum perdata tu bisa dituangkan sabagai lampiran dari
peraturan daerah kabupaten, sasuai jo katantuan Undang-undang Nomor 32 Tahun
2004 tantang Pemerintahan Daerah, sahinggo mampunyoi kakuatan hukum dan bisa
ditagakkan dalam pengadilan. [Tantu bisa juo dalam peraturan daerah provinsi].
8) Supayo jaleh kamajuannyo dari wakatu ka wakatu, paralu dibuek jadwal
panyalasaian draft partamo nan akan dibahas, dan bilo pulo akan diadokan
Kongres Minangkabau nan akan mansahkannyo.
9) Tantang pertanyaan Sanak sia nan kamanagakkan Kompilasi Hukum ABS SBK tu
bisa ditantukan dalam peraturan daerah kabupaten, misalnyo dek Kerapatan Adat
Nagari yang diperluas, atau dalam limbago lain nan diatur dalam undang-undang
tentang perlindungan hak masyarakat hukum adat nan akan disusun di maso datang.
Atau, sasuai jo hukum positif kito kini, Kompilasi Hukum ABS SBK tu bisa
ditagakkan langsuang dek Pengadilan Negeri dalam mengadili sangketo antaro
sasamo urang Minangkabau.
Sudah barang tantu, caro di ateh bukan mutlak. Kalau ado caro nan labiah baiak,
tantu harus kito tarimo. Nan penting, jan sampai balanjuik kakosongan hukum
['rechtsvacuum'] adat+syarak di ateh tingkek nagari dan atau lintas nagari,
sarupo kini.
Sahubungan jo partanyaan Sanak ' APOKOH KALAU KOMPILASI TU TAWUJUD, PERSOALAN
MINANGKABAU KO BISA TERATASI?' ambo ulangi jawaban ambo sabalunnyo bahaso BISA,
INSYA ALLAH. Kito salamo ko lego pagai karano iko bana nan indak ado, kito
jadinyo bak kato kito surang-surang.
Wassalam,
Saafroedin Bahar.
Lies Suryadi <[EMAIL PROTECTED]> wrote:
Menarik uraian dari Pak Saafroedin Bahar. Sekalian
alah jaleh pulo bagi kito bahaso ado landasan hukum
nan memberi kemungkinan bagi kito manyusun kompilasi
ABS-SBK tu.
Apokoh Pak Saafroedin dapek mengeksplisitkan saketek
kiro2 dalam bidang apo sajo cakupan kompilasi tu
nantiknyo? Kalau soal warisan salamo ko kan alah ado
pidomannyo (ambo ndak tahu apokoh alah ado kompilasi
tatulihnyo): BAHASO PUSAKO TINGGI DIWARISKAN MANURUIK
ADAIK, NAN PUSAKO RANDAH MANURUIK HUKUM AGAMO
[walaupun demikian toh ado juo nan manjua tanah
pusako]. Aspek2 nan lain baa? Dek sifat adat jo agamo
kito tu batulak balakang (walaupun acok dibantah dek
urang pandai2) mako apokoh ndak sulik beko manyusun
kompilasi tu nan bisa manyanangkan jo mamanuhi
kainginan kaduo balah pihak [dari suduik adaik dan
agamo]? Ciek lai: kalau kompilasi ko lah ado, sia nan
punyo otoritas mangawasinyo? Apokoh akan ado samacam
[lembaga] hukum di bawah hukum nasional, sabantuak nan
di Aceh kini? Kalau ado nan malangga apokoh ado nanti
pangadilan adat (jo aparatnyo samo sakali). Jan2 beko
pangadilan adat ko dijadikan pulo tampek jua bali
hukum. Batmabh jadinyo pinyakik masyarakat kito. Kito
tantu harus ingek sabalun kanai, bakulimek sabalun
abih.
Apo nan ingin ambo katokan adolah: APOKOH KALAU
KOMPILASI TU TAWUJUD, PERSOALAN MINANGKABAU KO BISA
TERATASI?
Tolonglah jawek dek Pak Saafroedin dan sanak2 nan lain
nan ahli hukum. Dek ambo agak rabun soal hukum-mahukum
ko.
Salam,
Suryadi
Looking for last minute shopping deals? Find them fast with Yahoo! Search.
____________________________________________________________________________________
Be a better friend, newshound, and
know-it-all with Yahoo! Mobile. Try it now.
http://mobile.yahoo.com/;_ylt=Ahu06i62sR8HDtDypao8Wcj9tAcJ
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
https://www.google.com/accounts/NewAccount
===============================================================
-~----------~----~----~----~------~----~------~--~---
