Tanggapan ambo untuak penulis pak Akhmad Sahal adolah, baliau ko agak paniang, sabab FPI mantun indak mengganggu ketertiban umum di negara ko. Ambo alun tahu sajak 20 tahun terakhir ko apokah ado masonyo negara awak ko sabana taratik. Antah kok mungkin iyo jaman pak Saaf masih mamacik ataupun pak Mochtar masih sebagai dosen daulu kutiko ambo alun baraka lai.
Mengenai tulisan pak Mochtar ado bananyo, sabab kito musti yakin dengan ajaran agamo lahia jo bathin. Apo nan jadi bangkalai dari founding father negara nan ko - nan sabahagian besar urang minang mantun - tantu harus taruih dilanjuikan. Namun angku, mamak, bundo sarato dunsanak sapalanta, nan karajo mantun indak bisa samudah mambaliakan tapak tangan. Indak pulo hanyo jo caro seminar ka seminar sajo. Harus dibuek contohnyo dalam skala nan labiah kaciak daripado sebuah negara. Kok inyo indaj sabateh 'mangecat ka mengecat' sajo, Sumbar ko tasabuik adagiumnyo adolah Adat Basandi Syarak, Syarak Basandi Kitabullah. Untuak itu paralu diaplikasikan daulu manyo nan disabuik Islam sebagai rahmatan lil alamin mantun di ranah minangkabau sahinggo tabukti bana, bagalanggang rami urang sa Indonesia mancaliaknyo sahinggo yakin Islam sebagai dasar negara. Sabab sejarah alah manyabuikan, dimaso Bani Abbasiyah & Bani Fatimiyah Islam dipakai sebagai azas negara, nan non muslim tatap bisa hiduik damai dalam negara Islam mantun. Ambo kiro hal itu bisa pulo dilakukan pulo di ranah minang. Dek karano itu, benahi daulu Tatanan Adat nan kacau balau, sahinggo Limbago Adat di nagari bisa bafungsi, sahinggo Urang Nan Ampek Jinih bisa bakarajo, Tungku Nan Tigo Sajarangan bisa bafungsi mangko dek itu Syarak bisa bajalan nan basandi ka Kitabullah. Adolah kewajiban seluruh anak nagari minangkabau dimano sajo barado untuak managakan limbago adat nagarinyo, sahinggo limbago bisa dituang & seluruh nagari bisa bakarajosamo membentuk provinsi Sumbar nan ABS SBK. Kalau urang Mentawai nan non muslim bisa hidup di ranah minang nan ABS SBK samo sejahteranyo jo nan urang minang, akan bagalanggan mato urang rami sa Indonesia mancaliak manyo Islam nan Kaffah tu. Tipak ambo sebagai urang mudo, saat kini hanyo bisa membantu di nagari- nagari mendampingi pemerintahan membangun website nagarinyo, sahinggo komunikasi jo organisasi perantaunyo bisa di 'manage' labiah samparono, sahinggo limbago adat bisa bafungsi baliak, mudah-mudahan seluruh nagari dimaso nan kadatang bisa saiyo sakato untuak ba ABS SBK mantun. Angku, mamak, bundo sarato dunsanak sapalanta. Hal iko indak bisa hanyo sekedar mengecek ka mengecek sajo doh, bisa bisa pulo sekedar mandukuang atau mandoakan sajo, sabab sia jo lai kok indak awak nan ka mambangun nagari masing-masing? Kok nan cadiak pandai sarupo angku, mamak, bundo sarato dunsanak sapalanta sajo anggan mambangkikan batang tarandam, konon pulo nan lai. wasalam AZ/lk/34/caniago Pauah, Lubuaksikapiang Pasaman asa nagari Kubang, 50 Koto babako ka Canduang Koto Laweh, Agam **** Kulik bajagek tau batang Batang bakunci tau akhie Urek tatunggang ateh bumi Pucuaknyo nyato bahantaran Batangnyo sandi andiko Dahannyo cupak jo gantang Rantiangnyo babarih balabeh Dimano ko alua jo patuikan Ingek dek kaji nan paratamo Dimano ko lauik manyatokan Ingek di hati nan paratamo Dimano ko Allah manciptakan Kok jo adaik pandai jo raso Kok jo syarak pandai babarito Kok di alif tingga di alam Di jantuang kito patauikan Kok indak pandai usah curito Kok nan pandai bilangan nan cadiak Urang adaik bisa picayo Disiko kito bamufakaik Saiyo sakato, sahilia samudiak Kurang tukuak manukuak Senteang bilai mambilai Satukan iman jo tawakal Baru kito nan basamo Kok indak katakah itu Usahlah adaik minang ka dibaco -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
