Maa Angku Anwar Djambak, Pak Dt. Rajo Malano nan ambo kenal dahulu (Juli 1958) baliau adolah Kapalo Penerangan PRRI Daerah Limopuluah Kota Utara. Di Padang Jopang baliau maakomodasi Pak M. Natsir wakatu itu. Wakatu ambo dari Daerah Kamang marancah rimbo suayan mancari Pak Natsir ka Pek Ten, kami bauo di Puncak Bukik di sabalah Suayan jo Taratak Kubang. Di Puncak Bukik tu kami (batigo sarombongan malaporkan pajalanan kami ka palembang nan baliau tugehkan di Bukittinggi Bulan April 1958. Baliau manugehkan kami taruihlah ka Pek Ten dan manapek ka Pak Dt. Rajo Malano di Padang Jopang. Surek ketek ko, kecek baliau,lah tamasuak check dan akmomodasi sagalo di dalamnyo. Jadi, Pak Dt Rajo Malano lah nan jadi tepatan kami salamo sabulan di Padang Jopang. Wakatu itu nanbaliautuehkan untuk logistik kami adolah Uni Rostika (saurang Guru nan suaminyo pemilik Toko parabot Rapi di Payokumbuah).
Indak tahu apokoh Pak Dt. Rajo Malano ko nan samo kito bicarokan -- nan indak pulang-pulang sajak sasudah PRRI tu -- ataukoh ado nan saroman gala baliau tu. Kok iyo, iyo ambo dan ateh namo kawan-kawan (kami batigo, duo lah maningga, 1. Sjofjan Asnawi, 2. Ridwan Asky dari Fakultas Pertanian Payokumbuah) iyo samo-samo mintak maaf ka baliau lahia dan batin. Sabab, sasudah Bukik Andiang di Suliki ditembaki Pusat dari kapatabang nan sempat kami caliak dari Padang Jopang, kami indak sempat lai baliak ka tompek Pak Dt.Rajo Malano di Padang Jopang, indak ado koba sajak itu. Salam, -- MakNgah Sjamsir Sjarif --- In rantau...@yahoogroups.com, "AnwarDjambak" <alhaqirwalfaqir@...> wrote: > > Mak Ngah nan sabana Caring... > > Anak rumah baliau nan ambo tau lai di Simpang Sugiran juo, antah kok ba bini > lo liau di Pd. Jopang tu ambo ndak tau dow Mak Ngah, antah kok mailak ka > manyabuik kampuang sabananyo, antahlah. > > Baliau ko banamo ketek, Abdul Rahman bagala Dt Rajo Malano umua kini labiah > kurang 92 thn > > Bagak liau ko saisuak...hehehe > > > Kini lah tabariang sajonyo Mak, indak tolok manga lai.... > > Kok iyo Liau nan Mak Ngah kenal bari Maaf sagalo kasalahan Liau yo Mak baitu > juo jo sanak2 nan lain nan lai mangenali baliau Mamak kami tu.. > > Sangenek pulo utk Mak Ngah, > > Alhaqirwalfaqir-AnwarDjambak44-, kamanakan Dt. Rajo Malano (Maulana) > Pyk-Mudiak,,KL, > "Maminteh Sabalun Hanyuik!" -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/