Assalamualaikum ww. Angku, datuak, Uda, Uni, adiak, anak, kamanakan kasodyo! Bukan mukasuik ati malawan ka urang tuo, malecehkan nan mudo, dan bukan karano indak maharagoi usaho mamak jo dunsanak sadonyo baik nan di palantako maupun nan indak. Mohon ma'af kalau ambo banyak talongsong dalam mangecek, namun ambo hanyo ingin manyampaikan nan manuruik ambo senjang. Sagalo tu tantu tasarah ba'a dunsanak nan ka manilai. Dalam hal ko nan dapek ambo ingekan kalau manuruik adat "Tau jo ereang jo gendeang". ndak asa tabik suga sajo. Kalau salah diingekan, indak paralu manapuak dado di ran rami. Diingek juo urang Minang banyak bapantangan. Disitu paralu raso jo pareso. Namun nan jadi panyakik urang Minang kini banyak nan santiang surang. Ndak ado lai manurun, mandaki, mandata jo malereang alah samo rato sajo kasadonyo. Baitu juo pamarentah di nagari kito. Kabanyakan mereka kan pemangku adat juo tapi alah bakacomato kudo. Kamanakannyo sajo indak tampak lai dek inyo ba'a pulo ka mampatenggangkan urang kampuang. Bak pepatah Adat "Alun takilek lah takalam ikan dilauik lah tantu jantan batinonyo." Ba'a jo Kanyatoannyo, nan ado alah co patuih urang mamakiak indak juo mangarati.
Dari ati nan jujur kalau masalah adat bagi ambo sangek barek dan kadang-kadang ambo tampak malawan adat bukan karano ambo indak ingin melestarikan adat Minangkabau, Ambo yo ndak punyo kamampuan untuak itu, karano itu ndak talok dek ambo untuak manarimo gala pamangku adat. Manuruik ambo itu labiah elok dari pado ambo manjadi datuak kalera. Jeritan perasaan yang sangek kecewa jo budaya minang dan indak sejalan lai jo adat minang itu sendiri. Lah jauh panggang dari api. Sahinggo batanyo kamanakan kito "Apo fungsi datuak kini?..." Sabananyo indak paralu ado tanyo bantuak tu. karano Adat indak lakang dek paneh ndak lapuak dek ujan. tapi bara banyak pemegang adat kini nan mangarati jo Adat Minang. Nan di mato ambo banyak bana nan pantas mandapek gala "Datuak Kalera". karano inyo ndak mampu managakan adat tu di Ranah Minang. Iko tamasuak kemunafikan. Jadi masalahnyo bukan apo fungsi datuak kini, tapi datuak kini indak manjalankan fungsinyo. Dimaso ambo ketek, kalau ado sangketo di nagari ambo, itu bukan urusan polisi. Aratinyo kedudukan polisi dibawah kedudukan masyarakat adat. Disitu peran datuak jo mamak. nyo bakarajo untuk kepentingan kaumnyo adolah karano tangguangjawab bukan karano imbalan. Untuak manyalasaikan masalah ndak ado sogok manyogok.Tapi kini barabuik untuak manjadi datuak dan ndak saketek pulo silang sangketo hanyo untuak tuah. Caro adat "Adat dipakai limbago dituang" tingga seremoni sajo lai. Indak tatutuik kamungkinan pemangku adat untuak ma huni kandang situmbin. Karano martabat seorang datuak lah tarandam pulo. Kegagalan pariwisata sendiri adolah akibat pengengkaran terhadap adat Minang. Pemerintah ba'a kalamak dek inyo sajo. Kedudukan masyarakat adat dipandang sabalah mato. Ba'a ka indak, Bulando sajo nan jaleh-jaleh penjajah, bisa menghargai adat Minangkabau. Mereka tidak mampu menghancurkan masyarakat adat sehingga berbalik menghomatinya tapi kini tatanan kehidupan di Ranah Minang porak-poranda dek orang Minang itu sendiri. Soal badiplomasi urang Minang ko santiang kasadonyo, paratianlah carito di lapau randah jo carito banuansa adat lainnyo. Ndak surang juo nan bodoh. Namun pamangku adat indak juo mangarati. Pernah juo ambo baco "Minang ndak samo jo Bali" Iko apo nan di mukasuik. Hebatkah urang Minang dari pado Urang Bali?... Nan tampak dek ambo urang Bali jauh labiah hebat dari Pado Urang Minang. Pariwisatanyo berhasil tanpa perusakan terhadap masyarakat adat nyo. Lah bamacam-macam pengaruh budaya masuak kasitu namun budaya aslinyo tetap tampak kokoh. Kalau di kito adat tingga seremoni sajo. Ado nan manyabuik adat Minang dipasimpangan jalan, kito indak pulo namuah manarimo. Dari ketek lah ambo ingek bana Kato "Pambangkik Batang Tarandam" namun kini tapuruak samakin dalam, bilo pulo katarapuangnyo kalau hanyo badiplomasi sajo. Kito banyanyi "Panduduaknyo nan elok nan suko bagotong Royong, Sakik sanang samo diraso", urang lain mangecekan urang Minang ndak sopan, caliah, panipu, pamaleh. langkok sado alae. Sabananyo kito masiang-masiang lai bausaho untuk ranah tacinto, namum kito bajalan surang-surang. Mamak jo kamanakan indak sajalan lai. kalau sajalan tantunyo mamak-mamak nan la diate 60 taun tu tinggah menikmati maso tuonyo, ndak paralu lai pai ka galangang rami. cukuik saluang sajo nan manyampaikan. ******** Kalau kito urang Minang indak ingin kehilangan identitas diri! Kito latakan baliak Adat dalam tata kehidupan di ranah Minang. Tugasko indak ringan. tapi kalau angku, datuak, uda, adik, anak, kamanakan kasadonyo, ingin kalua dari bayang-bayang kejayaan maso lalu, ciptakan replika maso lalu tu di maso kini. Untuak itu seluruh lapisan masayarakat minang harus mangarati jo adat Minang ko. Diseluruh tingkek pendidikan mulai dari TK alah ado pelajaran wajib tentang adat Minang. Bangkik Batang Tarandam Pewaris kerajaan pagaruyung harus dikembalikan ke posisi yang terhormat. Bondo kanduang harus kembali ke hati masyarakat Minangkabau. Kebanggaan kito sadonyo Buka kacomato kudo nan dipasang pamarentah daerah kito. Wassalam, Zulidamel ----- Original Message ----- From: chaidir latief To: RantauNet@googlegroups.com Sent: Friday, January 25, 2008 3:09 PM Subject: [EMAIL PROTECTED] Re: Gerbong KEPRESIDENAN Agar Tak Angek-Angek Cik Ayam Kem Zul Damel yang baik dan para dunsanak Lebih baik kito mulai dengan apo yang kito sepakat dan sependirian Pertama tama kito amat ketinggalan dan kito ingin perubahan Angek angek cirik ayam juga hasil kajian kami di Bandung sebagai pengakuan yang jujur dari responden Banyak yang harus kito lakukan yang dalam situasi seperti ini tidak mungkin alon alon asal kelakon Tapi kan harus dipilah pilah Ambo ambiek contoh MAPPAS adalah karena masalah pariwisata hangat dimana mana Semua darerah berusaha mempromosikan daerahnya MAPPAS memang non prpfit sepertihanyo MPKAS dan begitu banyak LSM ( walau MPKAS~ dan MAPPAS bukan LSM ) Tapi ambo saksikan sendiri jo mato kepalo ambo sendiri Dengan uang sendiri mereka kemana mana dan membiayai kegiatan Bakarajo tanpa pamrih dan ambisi pribadi Apa ini tidak pantas kita hargai ----- Original Message ---- From: Zulidamel <[EMAIL PROTECTED]> To: RantauNet@googlegroups.com Sent: Thursday, January 24, 2008 12:17:33 PM Subject: [EMAIL PROTECTED] Re: Gerbong KEPRESIDENAN Agar Tak Angek-Angek Cik Ayam Assalamualaikum w.w Ambo lah banyak mambaco tulisan mamak Saaf , sakalipun ambo indak merespon karano bagi ambo masalah adatko barek. Dari posting mamak nan ambo baco ambo salut, masih ado urang minang nan gigih berjuang dalam rangka melestarikan adat kito di usia lanjut, samantaro ambo manyarah. Aratinyo ambo indak dapek babuek apo-apo, namun ambo paralu juo manyampaikan apo nan manuruik ambo senjang. --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK DIPERHATIKAN: - Mematuhi Peraturan Palanta RantauNet, lihat di http://groups.google.com/group/RantauNet/web/peraturan-rantaunet - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Peraturan yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di https://www.google.com/accounts/NewAccount -~----------~----~----~----~------~----~------~--~---
