Sabana santiang, Sanak Yanto Jambak. Tarimo kasih. Wassalam, SB. Saafroedin Bahar. Taqdir di tangan Allah swt, nasib di tangan kita.
-----Original Message----- From: yanto jambak <yantojam...@gmail.com> Sender: rantaunet@googlegroups.com Date: Sun, 24 Jun 2012 11:01:15 To: RantauNet<RantauNet@googlegroups.com> Reply-To: rantaunet@googlegroups.com Subject: [R@ntau-Net] GURINDAM KATO HATI Indak balabihan doh rasonyo Kalau hati sadang sanang Jauah silang jo sangketo Lenggang lapeh langkah pun panjang Indak aral malintang Luruih rasonyo jalan Banyak talompek kato sayang Rela jo ma’af baserakkan Muluik manih kucindan murah Baso elok laku katuju Sanjuang jatua puji tatumpah Budi marangkak tiok bulu Mabuak bagarah bakucikak Gilo bagurau bakucindan Galak urang galak awak Walaupun awak nan urang galakkan Duduak surang menyengeang juo Kononlah pulo barami-rami Kok datang upek caci jo caco Dapek malam lah hilang pagi Baitu bana lapangnyo dado Indak doh ciek nan manyingguang Kafilah balalu juo Bialah anjiang nak manggonggong Walau karajo basimbah paluah Barek tak kunjuang di raso Makan lamak lalok bakaruah Ka balakang lasuah pulo Kurang sehat taraso badan Sakuih balakang kampih pulo Jo galak rusuah bahalaukan Hilang jo garah sapaduo Lamah lambuik kato di muluik Lunak gigi pado lidah Sasek malangkah capek suruik Bialah salangkah kalah Tapi… kok hati sadang sampik Sasak rasonyo dunia Mancaliak urang sabalik Rasonyo sadang mancabia Lenggang tangguang langkah tak sampai Angan lalu paham tatumbuak Tiok di awai tagurajai Bak tapacik kayu lapuak Duduak antah tagak pun antah Di bao lalok antah juo Angguak salah manggeleang salah Urang aniang salah juo Urang batanyo elok-elok Sumbang juo tadanganyo Tabik gigia kalua gagok Di talanjangi urang badan rasonyo Labiah bak cando sakik gigi Indak nan elok ciek juo Mandanga urang banyanyi Rasonyo baturo-turo Tasingguang labiah bak kanai Talinteh labiah talendo Bara bana urang manjujai Cimeeh juo nan taraso Salah urang sabijo bayam Taraso sagadang kundua Tabik banci timbua dandam Raso tak mungkin dandan di lipua Makan didulang duduak dikasua Galeh lah untuang lipek duo Litak tak kanyang ikua malatua Rugi juo nan taraso Itulah ibarat jo umpamo Indak dapek kito pungkiri Sifat kito rato-rato Baitu bana nan tajadi Dihati latak latak kuncinyo Caminan diri manusia Elok jo buruak kok tasuo Disitu bayang kalua Kalau hati nan lah rusak Kamuko mambayang rono Bak bacamin di kaco ratak Haram nan rancak ka basuo Rusak anggoto kasadonyo Kalau hati nan lah sakik Mato kabua pakak talingo Saluruih badan rangkik-rangkik Dek sabab karano itu Usah manjadi pamikiran Anggap sajo angin lalu Palapeh palak badan Iyokan nan di urang lalukan nan di awak Nanti ka malu surang Kalau karajo lai rancak Usah turuik kan raso emosi Itu tak labiah suaro syetan Mohon pitunjuak pado Illahi Mintak dibari kamudahan Disangko bulek daun nipah Kironyo picak bapasagi Dek awak ka ganti garah Dek urang masuak hati Kini datang isuak pun datang Tak guno lawan dicari Kalau kakok mangupalang Bak bungo kambang tak jadi Kato nan alah takatokan Bapantang babaliak suruik Ameh ka jadi padahan Santano kito tadoroang muluik Urang pandorong capek kanai Urang pancameh mati hanyuik Langkahkan kaki bak si Sabai Langkah nan ganjua ganjua suruik Balayie biduak rang tiku Balayie sambia manungkuik Basilang kayu ditungku Disinan api mangkonyo hiduik. Nyampang tabao masuak hati Anggap sajo patai jo jariang Kaluakan baliak bisuak pagi Sisonyo, kok lai jadi dagiang Ciek tunjuak ka urang Ampek jari ka awak Nan bana Rasulullah surang Nan salah umat nan banyak. Wss..08062011.Y.Jambak -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
