Kakanda yang dihormati sarato dunsanak kasadonyo yang Insya Allah dimuliakan Allah swt. Assalaamu'alaikum. w.w. Tarimo kasih kanda dek alah basusah payah manulihkan baliak pakaro nan 7 tu untuak kito basamo. Kok lai copy paste sajo dari PDF file nan diagiah Ari Ginajar tu, lai murah tu mah. Mari kito diskusikan apo nan lah diagiah dek Ari Ginanjar ko, buliah nak jaleh hitam diateh putiahnyo. Dari apo nan kanda sampaikan, mari kito liek. Nan partamo, perihal urang banyak ikuik di training ESQ ko, bukanlah sesuatu yang manjalehkan ka kito buruak atau baiak sesuatu. Sabab dalam Islam suara terbanyak belum tentu kebenaran, aratinyo tidak semua bentuk demokrasi tu tapakai. Baa dek bitu ?, dek karano dalam Islam kelompok kecil bisa mengalahkan yang besar selama berada di atas kebenaran (peristiwa Badar). "Agree to disagree" tidak selamanya berlaku karena suatu saat semuanya harus "Agree" bila ia adalah kebenaran dari Allah swt. Dan di awak sebagai urang Minang berlaku pameo dondong aia dondong dadak, yang pameo ko sabananyo indak buliah dipabuek. Hal yang sangat disayangkan adolah urang labiah banyak ikuik terlibat pado hal-hal yang mereka indak mamahami sabananyo apo itu dek karano kurangnyo pengetahuan tantang agamo Islam dan maleh baraja. Tanpa usut periksa ikut.
Nan kaduo, urang nan masuak Islam dek ESQ juo alun bisa dijadikan pegangan dek karano urusan tu sabananyo adolah urusan hidayah Allah swt. Dan bisa sajo avonturir seseorang taradok suatu agamo. Contoh, di Amerika jo Eropa, indak sadonyo urang-urang nan masuak Islam tu golongan ahlus sunnah wal jamaah do, tapi banyak juo nan terpesona jo Ahmadiyah. Dan begitu menyesal katiko mereka tahu bahaso nan sabananyo bukan itu, dan itu terjadi pado diri Malcom X sendiri. Tibo di Makkah baru tau, bahaso Islam nan sabananyo indak itu do. Nan katigo, urusan 7 belenggu hitam nan jadi pokok pangka. Kok dibaco salinteh, iyo sangat menarik dan barasa dari sumber Islam tu sendiri. Tapi cubo baliak ka pangka. Istilah atau "term" GOD SPOT (namo Allah swt. disadur untuak iko) dari maa dapek dek yang terhormat saudara Ari Ginanjar ko ?. Surat Fusilat dicocokkan jo itu, tapi sumber pengambilan indak samo. Ambo ulang tanyo ambo, dima dapek sitilah "GOD SPOT" ko dek Sdr. Ari Ginanjar ko ?. apokah murni hasil pemikiran inyo atau saduran dari yang lain ?. Kalau saduran dari maa sumbernyo ?. Singan itu sajo dulu kanda Kami tunggu jawaban kanda Wassalam St. Sinaro ________________________________ From: Asmardi Arbi <asmardi.a...@rantaunet.org> To: Sutan Sinaro <stsin...@yahoo.com> Sent: Thursday, 12 July 2012 11:11 PM Subject: Re: Mari kito mangaji(2) Add Sutan Sinaro nan shaleh dan kritis, Alhamdulillah add masih namuah badiskusi jo batuka info tantang Training Leadership ESQ nan diprakarsai dan dipimpin pak Ari Ginanjar. Kanda ko kan Asmardi, jan salah ketik yo jadi Asmaradi, sangek setuju jo saran sanak JB nan juo alumni Training ESQ, sarancaknyo add. sempatkan ikuik Training ESQ tsb. Bak papatah lamo , "ndak kenal mako ndak cinto, ndak cinto mako ndak sayang" Paliang tidak singgah dan sigi Menara 165 nan dibangun dari himpunan waqaf para alumni, tidak menonjolkan Islam dari lua tapi suasana didalam Gedung bernuansa Islam. Sabulan sakali ado training, paliang saketek diikuti 500 urang, tidak hanyo nan baagamo Islam tapi juo non Muslim. Kini alumni ESQ alah hampia bajumlah 3 juta urang, tamasuak nan di Malaysia, Brunai, Jepang, Belanda, AS dll. Pernah sakali ado urang tuo nan alah baumua 70 tahun nan sajak ketek manganut Katholik, pado hari kaduo maikuti Training, baliau minta di Syahadat kan. dan jadi mu'alaf, mangakui Islam agama nan bana. Ado pulo surang peserta dari Pejabat di Sulsel, menyerahkan kunci rumah mewah jo mobil mewah pribadinyo nan diakuinyo didapek dari korupsi. Training Leadership ESQ ko alah banyak diikuti berbagai pejabat Lembaga/Instansi dari level Eksekutif Pemerintah/Menteri, BUMN, Pengusaha, Jaksa ,MA, MPR/DPR RI, TNI /POLRI, Pendidik, Pejabat Medis, Lembaga Pemasyarakatan dan Parpol. Masalah Belenggu Hitam ,add agaknyo salah tangkok akan maknanyo. Belenggu arti nyo tali pa ikek, pangabek atau borgol, bahaso Inggerisnyo handcuff. Hitam konotasinyo negatif yaitu sagalo sifat/sikap nan buruak, jaek, dilarang agamo dst. Lawannyo tantu Belenggu Putiah walaupun pak Ari Ginanjar ndak manyabuiknyo. Istilah Belenggu Putiah Itu karangan kanda sajo untuak manjalehkan ka add. tapi salah paham pulo nan tajadi. Belenggu Hitam di ilustrasikan dek pak Ari Ginanjar sarupo Lingkaran roda hitam nan membelenggu/menghalangi manusia menuju/mencapai/mendekati Titik Bulat Putih ditangah lingkaran nan dinamokannyo GOD SPOT ( Allah SWT ). Lingkaran Roda Hitam itu dibagi 7 segmen belenggu ( yang harus dibuang/ dibersihkan oleh nanusia dari dalam dirinya) yaitu: 1. Prasangka Buruk, hindari prasangka buruk, upayakan berprasangka baik pada orang lain. 2. Pengaruh Negatif Prinsip Hidup, berprinsiplah selalu kepada firman Allah Yang Maha Suci. 3. Pengaruh Pengalaman Buruk, bebaskan diri dari pengalaman-pengalaman yang membelenggu pikiran, berpikirlah merdeka. 4. Pengaruh Kepentingan, dengarkan suara hati , peganglah prinsip "karena Allah" , berpikirlah melingkar sebelum menentukan kepentingan. 5. Pengaruh Sudut Pandang, melihatlah dari semua sudut pandang secara bijaksana berdasarkan suara hati yang bersumber dari Asma'ul Husna. 6. Pengaruh Pembanding, periksalah pikiran anda terlebih dahulu sebelum menilai segala sesuatu. 7. Pengaruh Literatur, ingatlah bahwa semua Ilmu Pengetahuan bersumber dari Allah SWT Referensi pak Ari Ginanjar : Q.S.41 Fusilat :5 dan Ilmu Pengetahuan &Teknologi yang dipelajarinya tentang Leadership, khusus soal Belenggu Hitam. Mudah-mudahan penjelasan belenggu hitam ko dapek ditangkok maknanyo dan dinda ndak salah paham lai jo Training ESQ. Wassalam, AA120712 ________________________________ From: Sutan Sinaro <stsin...@yahoo.com> To: "rantaunet@googlegroups.com" <rantaunet@googlegroups.com> Sent: Wednesday, 11 July 2012 12:01 PM Subject: Re: [R@ntau-Net] Mari kito mangaji(2) Wa'alaikum salam. w.w. Maa nyo kakanda Asmaradi nan dihormati. Konsekwensi dari kalimat apakah isinyo atau nadanyo bisa mambuek urang tapesong jalan. Istilah "belenggu hitam" adolah isitlah negatif terhadap sesuatu, yang menunjukkan sesuatu tu harus dibuang. Walaupun dipelokkan manjadi "Belenggu putiah", tapi kato "belenggu" tu sesuatu yang mambuek urang takabek indak merdeka dan harus dibuang. Kalau baitu bunyi nadanyo tantu indak sasuai lai jo nan diperintahkan dek Allah swt. atau Nabi saw. Nah, kalau lah baitu, bagi ambo Islam ko sederhana, kalau lah batolak belakang jo Allah swt. atau Nabi saw. berarti sasek. Sederhana kan ?. (Allah swt. manyuruah berpegang teguh kepada tali Allah, Nabi saw. manyuruah berpegang teguh kepada Qur-an dan sunnahku, iko disabuik "belenggu" ?). Persoalannyo kini, apakah kanda yang kurang hati-hati melapehkan ciek kaliamaik dalam thread tu, atau memang iyo sarupo itu Ari Ginanjar ko. Mengenai di Malaysia, informasi dari sanak Idris Talu nan ado di sinan tadi, manjalehkan ka kito baa penerimaan urang Malaysia taradok ESQ ko. Atau takah iko, let's take a look, cubo Kanda jalehkan bana baa sabananyo "belenggu hitam" nan dimukasuik dek Ari Ginanjar ko dengan ESQ nyo tu, buliah samo kito kunyah-kunyah pulo. Kito "pause" dulu mangaji kito ko. Wassalam St. Sinaro ________________________________ From: Asmardi Arbi <asmardi.a...@rantaunet.org> To: rantaunet <rantaunet@googlegroups.com> Sent: Tuesday, 10 July 2012 8:28 PM Subject: Re: [R@ntau-Net] Mari kito mangaji(2) Wa'alaikumussalam add Sutan, Dek karano nan manyampaikan istilah Belenggu Hitam dari ESQ nyo Arie Ginanjar ambo, mako supaya ndak salah paham ambo cubo mampajalehnyo. Kalau manjalehkan istilah bahaso Arab al Qur'an add Sutan iyo padek bana. Tapi dalam mamahami istilah Belenggu Hitam, add Sutan nampak kurang arif bijaksano. Dalam halko add lah kanai Belenggu Hitam nan ciek lai dari 7 belenggu nan diketemukan pak Ari Ginajar dalam mencari kebenaran Ilahi yaitu Prasangka Negatif, nan mahujat urang jo istilah sasek... Cubolah dalami istilah Belenggu jo istilah Hitam, nan add jalehkan kasanak dipalanta ko iyolah Belenggu Putiah, jadi tantu ndak nyambuang kan? Padohal nan dijalehkan pak Arie Ginanjar jo Belenggu Hitam tu hampia sajalan jo nan dijalehkan add Sutan soal suduik pandang/tampek tagak/tampek bapacik karano referensinyo samo iyolah nan indak sasuai jo al Qur'an jo hadist, nan baliau pakuek jo penemuan Ilmu Pengetahuan jo Teknologi universal nan juo alah dinfokan dalam Al Qur'an jauah sabalun ilmu Pengetahuan itu didapek. Sebagai info tambahan untuak add Sutan, Pemerintah Malaysia malah sudah mamarentahkan semua eselon satu kaateh Malaysia mengikuti Training ESQ nya Arie Ginajar dan kalau ndak salah alah 4 Menteri Malaysia nan ikuik Training, terakhir Menteri Pertahanan Malaysia nan ikuik meresmikan Gedung. Training ESQ juga berhasil mambangun Menara dengan dana waqaf dari para alumni ESQ nan diagiah namo MENARA 165 dijln TB Simatupang Jaksel. Menara 165, adalah simbul dari : 1 = Ikhsan, 6 = Rukun Iman, 5 = Rukun Islam. Terdiri dari 25 lantai, nan diagiah namo-namo dari 25 Nabi, Puncaknyo babantuak piramida nan diwaktu malam hari nampak lampu nan ba tulisan Allah. Ruangan-ruangan diagiah namo-namo nan bernuansa Islami. Cubolah singgah disinan untuak manambah wawasan dan supayo ndak salah paham. Jadi saran ambo , niek baiak Sutan dalam manaruihkan pangajian ko ,cubolah agak arif bijaksano, jaan talampau capek mahujat urang sasek , amalkanlah pasan adat raso jo pareso sahinggo ndak ado dunsanak nan taluko atau dilukoi. Awak kan samo2 mapajuangkan syari'at, hanyo caronyo sajo nan kadang2 babeda pandapek. Wassalam, AA 10 07 12 From: Sutan Sinaro Sent: Tuesday, July 10, 2012 2:21 AM To: rantaunet Subject: [R@ntau-Net] Mari kito mangaji(2) Dunsanak kasadonyo, mari kito taruihkan mangaji-ngaji ko manjalang bulan puaso. Kito sambuang nan tabangkalai kapatang. Assalamu'alaikum. w.w. ...Iyo Sutan tu baa lai ?... ...tagantuang patang, patang Sutan manyabuik sampai ka sekuler bagai ... Eh tunggu dulu, jan takaja bana. Ado nan paralu ciek di jalan ko atau dalam bajalan ko. ...apo tu Sutan ...? Nan paralu katiko bajalan paratikan langkah, bak kecek rang bule watch your step. Katiko malangkah ko caliak dima kaki tu ka tibo, jan sampai tibo di dalam lubang beko. Aratinyo dicaliak bana tampek basitumpu tu, atau tampek bapijak. Salah tampek bapijak sansaro badan. Tampek bapijak ko manjadi tampek bapacik katiko manyubarang. Sacaro kiasnyo kecek urang kini cara pandang, tampek bapijak atau tampek bapacik. Hati-hati jo apo nan dipacikkan. Kok kayu lapuak nan tapacikkan cilako tibo. ... paralu tu Sutan ?... Eh paralu la, baa lo indak pulo. ...Tapi Sutan manuruik Ari Ginanjar jo ESQ nyo, cara pandang, atau tampek bapijak atau tampek bapacik kecek Sutan tadi adolah salah satu dari belenggu hitam nan harus dibuang untuak mancapai kebenaran Ilahiah.... ...ai yayai, dunsanak, kok ka urang kapia nyo sabuik takah itu ndak baa do, ado juo batuanyo tu, tapi ka urang Islam dikecekkan takah itu, iyo keliru namonyo tu kok indak buliah dikecekkan sasek. ...eh ESQ tu Sutan, sasek baa lo ko ...? ESQ sih ESQ, tapi kalau malawan suruhan Allah swt.... ambo kecekkan sasek tu. ...Eh sasek baa ko Sutan,... bedo kaji ko,... berang urang ka awak beko... Kalau tampek bapijak atau tampek bapacik nan disuruah buang,... Penguasa jagad raya ko manyuruah awak mamacik arek-arek tampek bapacik tu, dek karano alah ditunjuakkan tampek bapijak atau bapacik nan sabananyo. Cubo danga ayat ko. "Wa'tashimu bi hablillaahi jami'a wala tafaraquu..." "Dan berpegang teguh lah kamu kepada tali Allah dan jangan berpecah belah". Carilah di Qur-an ayat bara nyo. Allah swt. bana nan manyuruah bapacik arek-arek, indak buliah lapeh. Iko pulo nan disuruah buang,... aaii iyo balain bana kaji ESQ ko mah. Antah dek iko bagai Mufti Perak Malaysia indak mambuliahkan Ari Ginanjar maaja ESQ di sinan. ... ndak sato ambo tu do Sutan,... ambo takuik urang berang ... Eh, jan sato pulo,... nan ka iyo nan ka dibuek. Allah manyuruah bapacik arek, arek, bapijak di nan batua, tali Allah atau jalan Allah swt. Jan bapacah balah, aratinyo bertentangan sajo awak di urusan tali Allah ko indak buliah do, kunun pulo dibuang,... ndak sasek namonyo tu. .... ndak pandai ambo tu do Sutan, kito taruihkan kaji ko rancak... Baiak, ..baliak kito ka urusan nan batanyokan tadi.... Urusan tu ado di ayat barikuiknyo urusan jalan nan luruih ko.. ... Ooo itu, ghairil maghduu bi 'alaiHim, waladh dhaaalin ..tu Sutan. Iyo, kan lai mangarati urusan tu ?. ...Lai Sutan, bukan jalan orang-orang yang engkau murkai, dan bukan pula jalan orang-orang yang sesat. Aa... sia nan dimurkai tu ? dan sia pulo nan sasek ?. ... Sia tu Sutan nan dimukasuik...? Danga elok-elok... Urang-urang yang dimurkai dek Allah swt. adolah kaum Yahudi. Baa mangko dimurkai .. aaa... panjang caritonyo... Mulai dari mengingkari Nabi Musa as, manyambah patuang anak jawi, sudah tu disuruah mancari jawi kuniang, sampai ka indak namuah pai parang. .... ooo baitu Sutan ... Iyo, Tuhan berang ka mereka ko sahinggo dikutuak, padahal dahulunyo bangsa pilihan, tapi sudah tu jadi bangsa kutukan. ... Co itu bana Sutan ... Iyo, itu makonyo jalan takah urang-urang ko kito mintak hindarkan ka Allah swt. Jalan urang-urang Yahudi. Aratinyo caro-caro urang Yahudi. .... bantuak aa tu Sutan ?... Banyak kok disabuik,... mulai dari mamparanakkan pitih, interest atau bungo bank,.. sampai ka Indonesian Idol nan barasa dari American Idol. ...eh urang suko tu Sutan ... Iyo dek urang indak bi mangarati. Manyuruah anak gadih awak balenggang lenggok manyanyi-nyanyi di muko urang rami jo pakaian minim untuak dipuja-puja dek urang, itu se lah salah tu. Lai ado nan bajilbab nan jadi Idol tu ?. ... antah lah Sutan indak tau ambo tu do... Eh, nan Idol tu lai mangarati apo arati kato tu ?. ... Idol tu dek urang awak, idola Sutan ... Aii yayai,... Idol tu bahaso Inggirih, aratinyo bisa patuang, bisa anak patuang, atau boneka mainan anak-anak. Tau ndak apo bahaso Inggirihnyo urang nan manyambah patuang ?. ...Idolator.. Sutan. Haa kan,... disuruah anak gadih awak manjadi patuang nan kadipuja-puja urang, disambah-sambah urang, digandrungi anak-anak mudo sahingo lupo sumbayang, sampai ka lupo jo agamo. Itu nan dibuek dek awak ?. ... Itu jalan Yahudi tu Sutan ... Itu contoh nan nampak kasat mata, banyak nan lain... Tapi dek ari lah laruik pulo, kito sambuang kaji ko bisuak... kito tulih baliak (Bersambung). Billahil hidayah wat taufiq. Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
