Antah dima takalimbunnyo, kini, wakatu mambaco posting Inal ko, baru tampak tabaco tulisan Angku AZ tantang LPM Marapalam : Penggemukan Sapi Simental & Indukan Simmental. Tarimo kasih Angku Inal sahinggo MakNgah dapek mambaco postiang Angku Armen nantun.
Dari postiang Angku Armen nan panjang nantun, tamasuak topografi nan mambukakkan mato dan dengan idea usaho nan rasonhyo dapek dilaksanakan, tampak di ambo referensi peta: http://peta.sijunjung.go.id/ Dicubo mancaliaknyo di google, tapi indak mangkuih, ado nan mangecekkan kanai hack bagai. Tapi dalammalukihkan arah (matoangin) Rimbo Lisun mungkin takuliciak saketek Angku Armen, bukan arah barat, "sisi barat" tapi sabananyo paralu ditulih "sisi timur" dalam kalimat: "> Pado sisi barat perkampungan dipisahkan oleh perbukitan nan dibaliaknyo tadapek rimbo gadang nan disabuik dengan namo Rimbo Lisun Rimbo Lisun nan ko wilayahnyo sangaik laweh & memanjang dari wilayah Unggan sampai ka hilia di Mangganti taruih ka Nagari Durian Gadang.." Kalau dicaliak dari "Kincia" -- pondok MakNgah jo kawan-kawan sisuak -- di Lubuak Pandakian Batang Sami, Rimbo Lisun nanko dapek ditelusur manuju arah ka hulu Batang Sami. Katu kami mangikuti kudo baban saisuak dari Sumpu ka Durian Gadang di selatan, kami tahu arah Rimbo Lisun tu di arah kida kami, arah timur. Aaa, mantun lo du... Sudah tu, sakadar parhatian dalam mancaliak peta Google Earth, Lokasi Nagari Sumpur Kudus, jan sampai takaliruan jo latak label "Sumpur Kudus" di Google Earth nantun. Label tu indak talatak di koordinat Nagari Sumpur Kudus doh, tapi satantang Kumanih. Nagari Sumpur Kudus jauah ka dalam, Northeast dari Nagari Kumanih nantun. Ciek lai tacaliak, antah sia nan malatak-latakan gambar foto ado gambar Harau ciek disalekannyo di koordinat Nagari Unggan. Mudah-mudahan idea dan usaho nan dipaparkan angku Armen nantun dapek tarealisir nanti. Dalam jangko panjang lah tambayang hasia nan dengan usaho dan doa insyaAllah dapek terkaksana dengan gemilang. Salam, -- MakNgah Sjamsir Sjarif Rang Bunian Rimbo Sumpu --- In rantau...@yahoogroups.com, Afrinaldi Nal <rinal_spk@...> wrote: > > Dunsanak di RN kasadonyo, > > Program smcam ko sngat elok manuruik ambo. Semoga program ko bs trlksana. > Aamiin > > Afrinaldi Sumpur > > > > ________________________________ > Dari: Armen Zulkarnain <emeneschoobie@...> > Kepada: jun aidi <malinbasa2003@...> > Cc: Dutamardin Umar <dutamardin@...>; Saafroedin Bahar Kampuang Dalam > <saaf10leo@...>; Hilman Mahyuddin <hilman.mahyuddin@...>; Abraham Ilyas > Tanjuang <abrahamilyas@...>; Darwin Chalidi <dchalidi@...>; Rahyus Salim > <rahyussalim@...>; "nasirwandomo@..." <nasirwandomo@...>; > "rantaunet@googlegroups.com" <rantaunet@googlegroups.com> > Dikirim: Minggu, 15 Juli 2012 2:20 > Judul: Bls: [R@ntau-Net] Bls: LPM Marapalam : Penggemukan Sapi Simental & > Indukan Simmental > > > > > Tarimo kasih pak Junaidi, > > Mengenai nomor rekening alun bisa dilewakan, sabab kito tunggu daulu agak > babarapo wakatu sambia manunggu respon dari nan lain. Kaba nan ko ambo cc kan > ka wali nagari Sumpur Kudus, Nasirwan Domo, Inyiak Sunguik alah babarapo kali > bakirim email jo baliau. Kalau alah tibo masonyo akan kito kabakan baliak. > > wasalam > > AZ/lk/34th/caniago > Padangpanjang > > asa nagari Kubang, 50 Koto > babako ka Canduang Koto Laweh, Agam > > > > ________________________________ > Dari: jun aidi <malinbasa2003@...> > Kepada: "emeneschoobie@..." <emeneschoobie@...> > Cc: Dutamardin Umar <dutamardin@...>; Saafroedin Bahar Kampuang Dalam > <saaf10leo@...>; Hilman Mahyuddin <hilman.mahyuddin@...>; Abraham Ilyas > Tanjuang <abrahamilyas@...>; Darwin Chalidi <dchalidi@...>; Rahyus Salim > <rahyussalim@...> > Dikirim: Sabtu, 14 Juli 2012 9:05 > Judul: Re: [R@ntau-Net] Bls: LPM Marapalam : Penggemukan Sapi Simental & > Indukan Simmental > > > Sanak Armen, > > Insya Allah ambo sato sikua. kama ka dikirim pitihno > > wassalam > > Junaidi, kandang singo > > From: Armen Zulkarnain <emeneschoobie@...> > To: "rantaunet@googlegroups.com" <rantaunet@googlegroups.com> > Cc: Dutamardin Umar <dutamardin@...>; Saafroedin Bahar Kampuang Dalam > <saaf10leo@...>; Hilman Mahyuddin <hilman.mahyuddin@...>; Abraham Ilyas > Tanjuang <abrahamilyas@...>; Darwin Chalidi <dchalidi@...>; Rahyus Salim > <rahyussalim@...> > Sent: Saturday, July 14, 2012 7:23 AM > Subject: [R@ntau-Net] Bls: LPM Marapalam : Penggemukan Sapi Simental & > Indukan Simmental > > > > > Insya Allah mak Duta, > > Pagi ko ambo barangkek ka Padang, dek ado mahasiswa nan ka mangontrak > paviliun rumah di Padang. Pitih mantun nan akan dipakai untuak pambali jawi. > Walaupun respon di palanta RN indak ado, akan kito ansua-ansua taruih. > > wasalam > > AZ/lk/34th/caniago > Sumpur Kudus - Sijunjuang > > asa nagari Kubang, 50 Koto > babako ka Canduang Koto Laweh Agam > > > Dari: "dutamardin@..." <dutamardin@...> > Kepada: Armen Zulkarnain <emeneschoobie@...>; "rantaunet@googlegroups.com" > <rantaunet@googlegroups.com> > Cc: Saafroedin Bahar Kampuang Dalam <saaf10leo@...>; Hilman Mahyuddin > <hilman.mahyuddin@...>; Abraham Ilyas Tanjuang <abrahamilyas@...>; Darwin > Chalidi <dchalidi@...>; Rahyus Salim <rahyussalim@...> > Dikirim: Sabtu, 14 Juli 2012 5:55 > Judul: Re: LPM Marapalam : Penggemukan Sapi Simental & Indukan Simmental > > > Nakan Armen, > > Kalaulah sadonyo kito satu paliang kurang saikua. Alah bara ikua tu. Mamak > insya Allah satu pulo. > Sent via BlackBerry from T-Mobile > From: Armen Zulkarnain <emeneschoobie@...> > Date: Sat, 14 Jul 2012 03:35:45 +0800 (SGT) > To: rantaunet@googlegroups.com<rantaunet@googlegroups.com> > ReplyTo: Armen Zulkarnain <emeneschoobie@...> > Cc: Saafroedin Bahar Kampuang Dalam<saaf10leo@...>; Hilman > Mahyuddin<hilman.mahyuddin@...>; Dutamardin Umar<dutamardin@...>; Abraham > Ilyas Tanjuang<abrahamilyas@...>; Darwin Chalidi<dchalidi@...>; Rahyus > Salim<rahyussalim@...> > Subject: LPM Marapalam : Penggemukan Sapi Simental & Indukan Simmental > > > > Assalamualaikum wr wb > > Angku, mamak, bundo sarato dunsanak sapalanta dimano sajo barado nan ambo > hormati, > > Sambia taruih melakukan pelatihan & pengumpulan data untuak dokumentasi > website nagari Sumpur Kudus nan sadang kito lakukan di Kanagarian Sumpu > Kudus, ambo seperti biaso kutiko melakukan pendampingan selalu bajalan > bakuliliang subalik nagari di Sumpur Kudus nan ko. Perlu diketahui Kanagarian > Sumpur Kudus nan ko babeda jo Kec. Sumpur Kudus. Kecamatan Sumpur kalau kito > caliak dari pembagian wilayahnyo, terdiri 3 wilayah nan terpisah dek sabab > kontur tofografi perbukitan nan mambuek 11 pemerintahan nagari dengan 8 > Kanagarian dipisahkan oleh perbukitan nan cukuik terjal. 3 Wilayah mantun > adolah sebagai berikut : > 1. Nagari Kumanih, Nagari Tanjuang Bonai Aua & Nagari Tanjuang Bonai > Aua Selatan. > Merupakan pusat pemerintahan kecamatan Sumpur Kudus nan talatak di Nagari > Kumanih. Di Nagari Kumanih nan ko pulo tadapek pasa sarikat 8 Kanagarian nan > hari balainyo adolah hari Salasa. Sajak saisuak, penduduk di 8 Kanagarian > selalu ramai mengunjungi pasa sarikat nan ko. Wilayahnyo basubalahan jo > nagari-nagari di kec. Lintau Buo, yaitu Nagari Taluak & Nagari Tigo Jangko. > Lokasi kaduo nagari nan ko indak jauah dari jalan lintas Muaro Sijunjuang - > Pikumbuah, sekitar 3 km & 7 km. Kanagarian Kumanih jo Kanagarian Tanjuang > Bonai Aua wilayahnyo dipisahkan oleh batang Sinama (Sinamar) nan bahulu di > Koto Tinggi daerah mudiak luhak 50 Koto. > > > 2. Nagari Tamparugo, Nagari Tanjuang Labuah & Nagari Sisawah > Diwilayah nan ko terdapat 2 Kanagarian, dimano nagari Tanjuang Labuah adolah > pemekaran dari Nagari Tamparungo.Kaduo pemerintahan nagari nan ko adolah 1 > kanagarian yaitu Kanagarian Tamparungo. Jarak antaro Kanagarian Sisawah jo > Kanagarian Tamparngo + 7 km. Diwilayah nan ko banyak terdapat bukik karang > nan kalau dicaliak sacaro geologis adolah perbukitan kapur & marmer. Di > wilayah iko bisa dijumpoi banyak ngalau-ngalau saroman nagari Silokek Kec. > Sijunjuang. Jarak dari Tamparungo ka Kumanih sekitar + 12 km. > > > 3. Nagari Unggan, Nagari Silantai, Nagari Sumpur Kudus, Nagari Sumpur > Kudus Selatan & Nagari Mangganti. > Wilayah di nagari-nagari nan ko dipisahkan oleh bukik Lontiak dengan wilayah > Kanagarian Tamparungo & Kanagarian Sisawah. Jenis tanah di bukik Lontiak > marupokan perbukitan tanah potsolit merah kuning (PMK) dengan campuran pasir. > Pado lapisan nan bacampua jo kasiak nan ko acok menyebabkan lereng di > perbukitan nan ko tamban/longsor. Jaraknyo dari Kumanih + 30 km. Jarak dari > Unggan ka Sumpur Kudus sekitar 7 km, baitu pulo jarak antaro Sumpur Kudus > dengan Mangganti sekitar 7 km pulo. > > http://peta.sijunjung.go.id/ > > > Umumnyo masyarakat di Sijunjuang memiliki matapencaharian 2 macam, yaitu > bacocok tanam padi & baladang varietas karet/gatah (Havea Brazillensis). > Penamaman karet alah dilakukan sajak maso kolonial Bulando. Dimano dari > penuturan urang-urang tuo disiko bibit tanaman diperoleh dari wilayah > Lintau.Oleh karano itu, pabilo kito bakunjuang ka Sumpur Kudus, sajauah mato > mamandang akan dapek dicaliak hamparan sawah didataran & tanaman karet > diwilayah perbukitan. > > Pado sisi barat perkampungan dipisahkan oleh perbukitan nan dibaliaknyo > tadapek rimbo gadang nan disabuik dengan namo Rimbo Lisun. Rimbo Lisun nan ko > wilayahnyo sangaik laweh & memanjang dari wilayah Unggan sampai ka hilia di > Mangganti taruih ka Nagari Durian Gadang Kec. Sijunjuang & Nagari Padang > Tarok di Kec. Kamang Baru. Rimbo Lisun nan ko berbatasan lansuang jo wilayah > Provinsi Riau nan wilayah adminitrasinyo adolah Kabupaten Kuantan Sengigi > (pusat pemerintahan di Taluak Kuantan). Dek Karano tofografi perbukitan nan > terjal, sampai kini akses jalan ka Rimbo Lisun hanyolah jalan setapak. Dari > informasi nan diperoleh niniak mamak Kanagarian Sumpur Kudus, dalam 3 bulan > terakhir ditamui pemukiman urang Kubu di Rimbo Lisun nan acok turun ka > Mangganti untuak manjua hasil hutannyo. Pemkab. Sijunjuang & Pemprov Sumbar > kini sadang maansua-ansua akses jalan ka Rimbo Lisun dengan mambuek wilayah > transmigrasi di perbatasan nagari Padang Tarok Kec. Kamang Baru & > dalam perencanaanyo akan membangun jembatan di batang Kuantan untuak > pemukiman transmugrasi nan ko. > > Dari hasil pengamatan nan alah dilakukan, kebetulan kami alah ka Sumpur Kudus > sabanyak 7 kali dalam satahun terahir, mandapek kesimpulan bahasonyo > matapencaharian masyarakat di Sumpur Kudus dapek ditingkekan. Hal iko > mancaliak dari nan alah kito sigi sacaro labiah teliti dilapangan. Sabab, > saindak-indaknyo, masyarakat di nagari nan frofesinyo adolah petani harus > memiliki paliang tidak 4 sumber penghasilan. Nan ado kini hanyo bersumber > dari padi sawah & tanaman karet sajo. Hasil bercocok tanam dari padi sawah > hanyo dipakai untuak kebutuhan sendiri, sabab produktivitas tanaman padi > disiko agak randah, sekitar 2-3 to per hektar. Hal iko disababkan jenis tanah > nan bukan termasuk tanah vulkanik saroman di Sungai Tarab, Pariangan, > Batipuah X Koto, Agam Tuo, Salingka danau Maninjau, Solok, Alahan Panjang > ataupun di Talu Sinuruik. > > Hasil tanaman karet marupokan tulang punggung pendapatan masyarakat nagari > disiko. Dimano hasil ladang karet nan ko nan samato-mato menjadi penghasilan > tetap masyarakat nagari. Kisaran harago karet kini sekitar Rp. 8.500 - Rp > 9.000 per kg. Samanjak tsunami Japan tahun lalu, harago karet dunia memang > jatuah dari harago Rp. 20.000 per kg. Aktifitas baladang karet nan ko setelah > kito amati indak memakan wakatu sahari panuah. Masyarakat nagari mulai pai ka > ladang sajak salasai shalat Shubuah, nan salasai pado pukua 11.00 wib. > Setelah ba'da Zhuhur kegiatan masyarakat nagari dilanjuikan pado mengelola > ternak. Ternak nan umum disiko adolah jawi/sapi & kabau. Selain itu, kaum ibu > juo melakukan kegiatan penenunan kain songket Unggan sarato bordir. Untuak > kain songket hasilnyo dibali lansuang oleh pemkab Sijunjuang untuak kebutuhan > pakaian dinas. Sadangkan untuak bordir alah ado pulo pedagang-pedagan nan > babaliak ka nagari untuak mangumpuakannyo. > > Setelah kito inok manuangi, potensi nan bisa dikambangkan adolah sektor > peternakan. Yaitu penggemukan sapi & peternakan ayam petelur. di 5 nagari/4 > Kanagarian nan ko jumlah penduduknyo sekitar 18.000 jiwa. Sampai kini > talua-talua ayam nan masuak ka nagari barasa dari Pikumbuah. Dijua dengan > harago saketek labiah maha sabab biaya transportnyo iyo agak gadang dek > termasuk wilayah pelosok pulo. Mungkin ado dari angku, mamak. bundo sarato > dunsanak nan tertarik mambuek usaho peternakan ayam petelur di Sumpur Kudus. > Hal iko alah kito bicarakan dengan pemerintahan nagari. Alhamdulillah > disambuik baiak oleh masyarakat disiko. Mengenai lahan, bahan baku kandang > saroman kayu jo batuang/bambu tasadio di nagari. Tinggga mausahokan atok jo > kawek sarato bibit ayam petelur & pakannyo. Untuak tenaga kerja banyak nan > tasadio di nagari. Umumnyo di Mudiak 50 Koto nan marupokan sentra penghasil > telur di Sumbar, satiok pekerja dibayia jo upah Rp. 2.000.000/bulan + > sakaruang > bareh. Pabilo ado nan berminat silahkan hubungi LPM Marapalam & akan kito > bantu untuak mampasamokannyo jo pemerintahan nagari basarato KAN Sumpur Kudus. > > Selain itu, kami juo berencana untuak mambuek usaho penggemukan & indukan > sapi Simmental di nagari Sumpur Kudus. Jam karajo petani karet disiko nan > hanyo satangah hari (dari jam 06.00 wib - 11.00 wib) bisa labiah diberdayakan > untuak usaho penggemukan & indukan sapi. Selain itu, pado ladang-ladang karet > rakyat nan ado bisa dilakukan penanaman rumput untuak pakan ternak. Pado > wilayah nan agak data bisa dijadikan padang pengembalaan & pado nan labiah > miriang akan dilakukan dengan caro manyabit. > > Manuruik penutura masyarakat di Sumpur Kudus, sistem mampaduokan jawi di > nagari nan ko pembagiannyo adolah 50% - 50%. Sebagai contoh, anakan jawi > dibali dengan harago 8 juta di pasa taranak nagari Palangki. Setelah > dilakukan penggemukan salamo 1 tahun bisa dijua saharago 16 jt. Hasil > barasiah mantun nan akan dibagi manjadi 50% - 50%. Sadangkan nan mamaliharo > jawi untuak indukan, setiap lahia anak, setelah lapeh susu (6 bulan) nilainyo > akan dipatuik, dari nilai mantun akan dibagi satangah untuak petani nan > maurus jawi & satangah lai adolah hak dari pemilik jawi. Anakan jawi nan > lahia bisa dijua pabilo jantan & nan batino bisa digadangkan taruih untuak > dijadikan indukan. > > Untuak pembuatan kandang, bahan-bahan ditangguang pemilik jawi, sadang > pekerja dilakukan oleh petani. Dek karano kito di LPM Marapalam dianjurkan > babuek daripado hanyo marancang-rancang sajo, insya Allah ambo akan sato > dalam usaho penggemukan nan ko, paliang indak saikua jawi dek pitih ambo > indak pulo ado bana. > > Mungkin kapado angku, mamak, bundo sarato dunsanak ado nan ka ikuik? Silahkan > hubungi LPM Marapalam insya Allah akan kito buek kandang basamo & dibuek > pulo perjanjian tertulisnyo jo petani, pemerintahan nagari sarato niniak > mamak Kanagarian Sumpur Kudus. > > Mungkin itu sajo nan bisa ambo sampaikan, mano tahu ado dari kito di palanta > nan ko nan akan ikuik sato. Email nan ko ambo cc kan pulo ka inisiator LPM > Marapalam, yaitu pak Saafroedin Bahar, mak Dutamardin Umar, mak doto Hilman > Mahyudin, pak Abraham Ilyas, mak Darwin Chalidi & pak doto Rahyussalim. > > wasalam > > AZ/lk/34th/caniago > Sumpur Kudus - Sijunjung > > asa nagari Kubang, 50 Koto > babako ka Canduang Koto Laweh, Agam > > > http://lpmmarapalam.wordpress.com/ > > http://armenzulkarnain.wordpress.com/ > mobile : +6281275441828 -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
