Assalaamu'alaikum. w.w. Dunsanak kasadonyo yang Insya Allah dimuliakan Allah swt., kito sambuang baliak nan tabangkalai kapatang. .... Taruihkan nan kapatang Sutan, dari sekulerisme ... He he he, ndak nio dari maambuih lilin do yo .... Indak Sutan, banyak kanai ambo beko ... Hi hi, kanai ndak kanai nan jaleh itu jalan orang-orang yang sesat kecek awak tu. Baiklah, memang urusan tu lah pernah dibahas di palanta ko urusan merayakan hari ulang tahun, urusan tahun baru, urusan valentin day nan manimbuakan pro dan kontra. Nan jaleh baa ka baa juo kasadonyo tu adolah caro-caro urang Kristen nan awak sabuik sasek tadi. Kiniko kito liek apo nan sekulerisme tu. ...Tunggu dulu Sutan, baa dek dikaitkan jo Kristen pulo Sekulerisme ko ? .... Iyo lah dek karano mereka nan menggagas, mambuek, dan menjalankan paham iko. Mari kito simak sacaro singkek baa sijarah munculnyo paham sekularisme ko. ... Tunggu dulu Sutan, .. walaupun lah jadi buah bibia, nan sekularisme tu bana apo ?. Aii yayai, alun mangarati ruponyo lai. Baiaklah, Sekularisme adolah paham yang memisahkan urusan agama jo urusan negara. Agama bak kato agama, negara bak kato negara indak buliah bacampua. Labiah jauah lai Sekularisme adolah sebuah gerakan nan menyeru kapado kehidupan duniawi tanpa campur tangan agama. .... Sutan kok tibo diurusan nan batantangan antaro kaduonyo baa ?... Negara dimenangkan dek karano nyo punyo kuaso. Agama ndak punyo kuaso apo-apo. ... Ooo bitu ... Nah, manuruik sejarah paham ko timbua katiko rakyat ndak katuju lai jo putusan gereja. Katiko Jane de arc dihukum baka, lai tahu Jane de arc ?. ... Lai Sutan ... Kok lai kito taruih. Katiko Jane de arc dihukum baka, Kaisar masih basamo-samo jo pihak gereja memutuskan hukuman. Tapi lamo-lamo peran gereja dinilai dek rakyat indak jujur lai katiko pihak gereja mengadakan upacara agama nan dianggap berlawanan jo nilai pemikiran dan moral. "surat pengampunan dosa" dipajua balikan jo harago tinggi dan urang nan mambali dijamin masuak sarugo walaupun babuek jaek di dunia ko. Rakyat mulai protes dan labiah marak katiko bersentuhan jo ilmu pengetahuan (science). ... baa jo ilmu pengetahuan ko Sutan ... Agamo Kristen memang indak bisa manampuang pemikiran dalam Ilmu pengetahuan dek karano banyak ayat-ayat bible tu nan indak sasuai jo ilmupengetahuan. ... aa contohnyo Sutan, agak ciek se jadih ... Contohnyo, Bible manggap bumi ko data. ...Ha ha ha ha ... Sutan bagarah ka kami ... Eh, baa kok galak ? ... iyo lah, lah sajaleh-jaleh tu bumi ko bulek dan lah banyak bukti, pai ka tapi lauik se awak lah nampak dari kapa nan ka tibo .... Eh itu kan kini, tapi dulu urang-urang tu maanggap bumi ko data. Nah, katiko Galileo, Copernicus, dan Gradano mangamukokan hasil penelitian saintifik mereka, hasilnyo balawanan jo ajaran gereja. ... haa tu baa lai Sutan ... Mereka dihukum gereja dek karano mancubo malawan dogma agama. Akibat dari itu muncul gerakan revolusi rakyat Eropa nan menentang pihak agama dan gereja dimuloi dek Martin Luther, Roussieu dan Spinoza. .... kasudahannyo Sutan ? ... Kasudahannyo tahun 1789M, Perancis manjadi negara partamo nan bangun jo sistem politik tanpa intervensi agamo. Urusan agamo lain urusan pemerintahan lain. Dan mereka sukses jo iko sahinggo paham ko berkembang ka seluruh Eropa sampai ka Indonesia, dengan munculnyo zaman Renaissance. .... kan rancak tu Sutan ... ha ha,... disikolah punco kanai nyo ko. Kalau urang Kristen maju sasudah mereka meninggalkan agama mereka, ndak samo jo di awak do. Di awak urang Islam ko malah kebalikan nan ka dapek, tapi dek ari lah laruik pulo, dan lah panjang pulo kaji kito ko, kito tulih baliak (Bersambung) Bilaahil hidayah wat taufiq Wassalam St. Sinaro
-- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
