Alaikum salam warahmatullahi wabarakatuhu,
Ondee, Angku Basyal, sabana padek Caro Minangnyo, santiang pulo bapantun. Sabana "kerek" ambo [Caro Japang nan awak pakai katu ketek-ketek saisuak]; indak disangko-sangko pasiah Caro Awaknyo. Walaupun acok takona tabayang-bayang Tanah Mandahiling Natal, Ambo cuma dapek mangecek Horaaas... Sabana sanang ambo awak dapek basuo jo email sabalun Puaso ko. Lah tigopuluah tahun sajak awak bapisah di New York City, lalok di rumah Pak Hasjim Djalal. Sadangkan Dino Patti anaknyo nan baru tammat SMA wakatu itu, kini lah jadi Duta Gadang di Amerika.... Lai basuo kapatang ko di San Francisco wakatu mambicarokan acara Diaspora Indonesia. Mudah-mudahan Angku Basyiral lai juo basuo jo Pak Hasjim Djalal di Jakarta. Aambo pun lah gaek pulo tapi alun bacucu lai, anak baduo,sikua jantan sikua batino ( 22, 17). Alhamdulillah, iyo lai sehat-sehat sajo, baru physical check minggu lalu, laporan dotor elok. mato baru pulo salasai operasi katarak, nan kida 6 Juni, nan suok 22 Juni 2012. Kini lah nyalang pancaliakan. Lah tarang dunia baliak, lah buliah lo baliak manyetir malam hari. Mudah-mudahan lai ka dapek taruih batarawiah di Bulan Puaso ko. Sumbayang Tarawiah ambo di Musajik MCA Santa Clara agak jauah jaraknyo 40 miles dari Santa Cruz malaui jalan baliku-liku banyak tikungan babahayo malentehi Santa Cruz Mountain. Sakitulah dahulu mudah-mudahan, insyaallah, dapek kito jalankan Ibadah Puaso kito di Bulan suci nan kito nanti-nanti. Ambl cckan email ko ka Lapau,namo julukankami untuk Mailing List Rantaunet, untuak dimaklumi Rang Lapau, Angku Basyral Harahap rancak Caro Minangnyo. Tarimo kasih. Salam, Sjamsir Sjarif ________________________________ From: Basyral Hamidy Harahap <basyral.hamidy.hara...@gmail.com> To: Hambo Ciek <hamboc...@yahoo.com> Cc: [diapuih] Sent: Tuesday, July 17, 2012 5:05 PM Subject: Re: Fw: [R@ntau-Net] Menanti Bulan Suci Assalamu'alaikum wr. wb., Hallo Angku Sjamsir. Ambo sanang mandanga Angku dalam kaadaan sihat wal 'afiat. Iyo bana, bulan puaso, bulan suci Ramadhan adolah bulan nan kito tunggu-tungu sapanjang hiduik kito. Bulan nan panuah maghfiroh, panuah barokah dan panuah ampunan. Samoga kito mampu manjalankan ibadah di bulan suci ko sampai akhir dan samoga kito batamu malam saribu bulan, lailatul qadar pado malam ganjil di sapuluah malam tarakhir. Amin ya Robbal Alamin. Angin similia di Suruaso Mambao barito kampuang nan jauah Angan taringek di bulan puaso Mancari barokah balimpah ruah Ambo kiniko ala gaek juo, ala 72 tahun. Anak ampek, cucu anam (12, 12, 10, 9, 8, 3 tahun). Dari kawan lamo Basyral Hamidy Harahap 2012/7/16 Hambo Ciek <hamboc...@yahoo.com> ----- Forwarded Message ----- >From: sjamsir_sjarif <hamboc...@yahoo.com> >To: sjamsir_sjarif <hamboc...@yahoo.com> >Sent: Monday, July 16, 2012 3:49 AM >Subject: Re: [R@ntau-Net] Menanti Bulan Suci > > > >--- In rantau...@yahoogroups.com, "sjamsir_sjarif" <hambociek@...> wrote: >> >> Hampir setahun ditinggal pergi >> Penuh hasratku slalu menanti >> Menunaikan ibadah di bulan suci >> Berapa hari lagi kembalimu pasti >> >> Kuputarkan lagu kesayangan ini >> Menyambutmu sepenuh hati >> Bersuci diri sebulan lagi >> Semoga kita bertemu lagi ... >> >> http://www.youtube.com/watch?v=_thHD52Uu7k&feature=related >> >> Kunanti dia disini, >> Sjamsir Sjarif >> Santa Cruz, California >> Senin 16 Juni 2012 di Dini Hari >> > > > > > -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/