Assalaamu'alaikum. w.w. Dunsanak kasadonyo nan Insya Allah dimuliakan Allah swt. Mari kito sambuang baliak kaji kito. Kapatang sampai di siko, Tapi dalam pandangan Allah 40 hari sajo. Mako imam nan ‘adil antaro lain adolah urang nan tamasuak ditempatkan di bawah tiang ‘arasy, ndak kanai angek matohari. Kan tinggi derajatnyo tu. Kemudian barulah pemuda nan rajin ka surau ka musajik, nan hatinyo cinto ka musajik. Urang nan suko basidakah sahinggo ndak tau tangan kida katiko tangan suok baragiah, urang nan suko beramal di waktu malam, manitiak aia matonyo surang-surang baibadah ka Allah swt., duo urang sahabat nan berkasih- kasihan karano Allah, dan urang nan manjago akhlaknyo dari perbuatan sumbang, kasadonyo akan ditempatkan di bawah tiang ‘arasy di padang mahsyar nantik. Kito taruihkan **” ‘An ‘abi sanid ra. “Qaala qaalaa Rasulullah saw. Man ahabannaas ilallahu yaumul qiyamah wanahu minhum majlisan ‘imaamun ‘adil” Maksudnya, diriwayatkan dari seorang sahabat ra. namanya ‘Abi sanid, katanya, "Telah bersabda rasulullah saw. bahwasanya sekasih-kasih Allah swt pada seseorang, pada hari kiamat ya’ni hari akhirat dan sehampir-hampir mereka itu pada Allah swt. ialah imam yang ‘adil”** **”Maka makna kasih Allah ta’ala sangat-sangat kepada orang yang ‘adil itu ya’ni banyak rahmat dan ampunan sebagaimana raja apabila kasih amat kepada seorang hambanya, amatlah mewah rahmat dan nikmat daripadanya, demikianlah Tuhan dengan pemimpin ‘adil dan qadhi ‘adil dan sebagainya, amatlah banyak rahmat dan nikmat dari Allah yang diterimanya kelak”** Makasuiknyo, Nabi saw. manyabuikkan nantik urang-urang nan paliang dakek ka Allah swt. di hari akhirat adolah pemimpin-pemimpin nan ‘adil. Aratinyo kalau Allah swt. sayang segala rahmat dan segala nikmat dan segala kesenangan akan ditarimo dek urang tu. Mako pemimpin nan ‘adil adolah urang nan sangaik dikasihi dek Allah swt. dan nantik akan manarimo kesenangan di hari akhirat. **”Dan makna sehampir-hampir duduk dengan Allah ta’ala ya’ni dimisalkan raja dengan hambanya dekat dan hampir dengan kursinya lebih dekat daripada orang- orang besar dan pegawai. Dan makna hampir duduk dengan Allah ta’ala ya’ni maqamnya sebagaimana tinggi maqam hamba raja dengan segala rajanya tiadalah lebih hampir yang lain daripadanya melainkan dengan raja. Maka demikian juga pemimpin dan qadhi ‘adil itu tiada lebih tinggi maqam daripadanya karena hampir dan lebihnya dari limpahan rahmat Tuhan sebesar-besarnya ”** Jadi pemimpin nan ‘adil ko akan diberi keistimewaan, akan labiah dakek ka Allah karano ke’adilannyo sangat diredhai dan dikasihi oleh Allah swt. Itu sababnyo awak liek bahaso untuk mandapekkan pemimpin nan ‘adil itu ndak mudah. Banyak urang manjadi pemimpin, tapi ndak tahu baa kepemimpinan nan sabananyo.
Kito taruihkan **”Mas-alah, Syaithan serta imam yang zhalim”** Sia nan paliang dibanci dek iblis ?. nan partamo sekali adolah imam nan ‘adil. Nan manjadi musuah utama iblis adolah pemimpin nan ‘adil. **”Telah engkau ketahui di atas tadi wahai saudaraku akan rupa imam atau qadhi yang ‘adil dan engkau ketahui jua betapalah tinggi maqamnyo di sisi Allah swt. Maka di sini hendak menerangkan imam dan qadhi yang zhalim pula menurut sambungan hadits yang datang tadi”. ”Bermula, imam atau gantinya atau wakilnya itu, tiada ada ia melainkan imam atau wakilnya yang menurutkan hawa nafsunya dan sahwatnya. Tiadalah ia menurut sebagaimana yang ada dalam kitabullah dan sunnah rasulullah. Apabila menghukum antara dua urang yang berhukum, cenderung ia kepada yang dikasihinyo”** Makasuiknyo, tadi lah ditarangkan mengenai pemimpin nan ‘adil, kini ka ditarangan pulo mengenai pemimpin nan zhalim. Pemimpin nan zhalim adolah pemimpin nan manuruikkan hawa nafsunyo dan syahwatnyo. Iko tando-tandonyo. Sudah tu melaksanakan kepemimpinannyo ndak manuruikkan hukum Allah dan rasul-Nyo. Jadi kalau baitu, pemimpin nan ndak melaksanakan kepemimpinan berdasarkan hukum Allah dan rasul-Nyo adolah pemimpin yang zhalim. Aaa batua kesimpulan awak kapatang dunsanak bahaso pemimpin nan indak melaksanakan kepemimpinan berdasarkan hukum Allah dan rasul-Nyo adolah pemimpin yang zhalim, nan tampeknyo di narako. Ingek dan ranuangkan lah ko dunsanak. Sudah tu, bilo nyo memutuskan hukum antaro duo urang nan berhukum ka inyo, nyo cenderung ka nan dikasihinyo. Aratinyo nyo akan barado di sebelah atau menyebelahi urang nan dikasihinyo. Pemimpin atau hakim nan takah ko juo dianggap zhalim. **”Atau tiada menghukum dia dengan sebenarnya melainkan dengan suap atau sebagainya, maka imam atau qadhi yang seperti itu amat dimurkai oleh Allah swt.”** Dihukumnyo saurang itu dan dilapehkannyo urang lain karano ado pitih nan ditarimonyo. Dihukumnyo urang lain itu karano manarimo pitih dari urang nan disebelahinyo tu. Mengenai hal ko Rasulullah saw. bersabda : “Ar raasyi, wal murtasyii, war raais al-ladzii na yunshi bainahuma fin naar” urang nan ma-agiah, urang nan manarimo, broker, katigo-tigonyo masuk narako. **”Sabda rasulullah saw. . “wa-abghadun naas ilallah wa-ab’aduhum min majlisan imaamun jaair”. Maksudnya, dan orang yang lebih-lebih dibenci oleh Allah swt. dan sejauh-jauh orang dari Allah swt. tempat duduknya ialah imam yang zhalim. Dan makna dibenci Allah itu ya’ni Tiada Tuhan itu memandang kepadanya dengan pandangan rahmat dan kasih bahkan jauh ia dari Allah dengan beberapa siksa akhirat yang menimpa ke atasnya dan serendah-rendah martabat dan sehina-hina orang, tiadalah yang lebih rendah maqamnya daripadanya melainkan orang kafir jua.”** Mukasuiknyo pemimpin nan zhalim marupokan urang nan paliang hino, urang nan paliang randah martabatnyo. Pemimpin nan ‘adil, para Nabi di ateh inyo dibawah para Nabi. Pemimpin nan zhalim barado di bawah di karak narako di ateh urang kapia saketek, dibawahnyo urang kapia. Jadi sangaik hino pemimpin-pemimpin nan zhalim ko dunsanak. Kalau kito liek surat Hud.(11:113) “walaa tarkanu ilalladziina zhalamu, fatamassa kumun naar” "Jangan kamu cendrung kepada pemimpin yang zhalim, nanti kamu akan disambar api neraka." Kalau kito bukak kitab-kitab tafsir mengenai ayat ko, panjang diuraikan. Dikatokan bahaso terhadap urang-urang nan zhalim ko, awak jaan maraso gembira basuo jo inyo. Gembira awak, di-imbaunyo ka kantuanyo, sanang awak … aaai…. jaan… beko disambar api neraka. Ado saurang nan banamo Mufaq, katiko sadang sumbayang ‘isya jo imam, di tangah-tangah sumbayang imam mambaco “wala tarkanu ilalladziina zhalamu, fatamassa kumun naar”. Jangan kamu cenderung, condong, miring, suka, dukung, sokong orang-orang yang zhalim, nanti kamu disambar api neraka…… pingsan nyo dunsanak. Dikatokan, nan mandukuangpun masuak narako,.. kunun pulo nan zhalim. Inyo gubernur wakatu itu, gubernur pingsan. Kato ahli tafsir “Orang zhalim itu, jangan sekali-kali kamu pakai pakaian yang sama dengannya”…. Pakaian pun ndak buliah samo. Aaaa tapi dek lah panjang pulo, barisuak kito sambuang dunsanak.. Kito tulih baliak. (Bersambung) Billahil hidayah watr taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/