Assalaamu'alaikum. w.w. Dunsanak kasadonyo nan Insya Allah dimuliakan Allah swt. Mari kito sambuang baliak kaji kito. Kapatang sampai di siko,
.. Jadi… handaknyo caro awak dalam manyampaikan risalah al-Qur-an ko baa ? Apa nan ado dalam al-Qur-an wajib awak tarangkan kandungannyo satu persatu ka manusia umumnyo… bukan nan Islam sajo dunsanak nan bukan Islampun samo… takah Ahmad Deedat…. Sampai Pope (paus) pun takuik.. awak pun sabananyo harus bausao ka-arah itu… tapi mesti baraja dulu … awak harus mampu berda’wah ka sia sajo tantang Islam. Nah bitu caritonyo,… baa al-Qur-an sapatuiknyo disampaikan… Kito taruihkan jo Bismilaahir rahmaanir rahiim Baa al-Qur-an sapatuiknyo disampaikan… maknanyo disampaikan satu persatu…. Beko cubo cari surah al-maidah ayat 67 Dalam tafsir Prof. mahmud Yunus halamon 162… surah ke5 ayat 67.. Ayatnyo… baa Allah perintahkan Rasulullah saw. manyampaikan da’wah “ya ayuhar rasuul,… baligh ma unzila ilaika mirrabika wa ilam taf’al fama balaghta risalataHu wallahu ya’simuka minan naas” Manjadi kewajiban bagi rasulullah manyampaikan risalah nan ado dalam al-Qur-an sadonyo,… satu ayatpun indak buliah tingga … … itu nyo.. Bisuak kalau ditanyo dek Tuhan… baa ?...sadonyo wajib disampaikan…. Persoalan Hudud banyak urang indak paham…harus disabuik… Soal kepemimpinan Islam,.. soal negara… jaan indak disabuik… Iko asyik jo carito sumbayang sajo… bapuluah tahun. Lah habis sumbayang bab Haid pulo,… haid hampia 30 tahun pulo… sampai urang padusi tu baranti haid pulo … keceknyo ....aku belajar Haid dari mula Haid sampai berhenti haid pula… inyo hanyo ma-ajakan nan itu… habis nan lain indak ado bab politik…. ndak bakaji… pemerintahan Islam…ndak bakaji… …. Dalam hadits 40 ado persoalan bid’ah… ndak lo nyo sabuik Dunsanak, apobilo awak membenarkan manusia manggunokan aka untuk ma-atur kehidupan awak lalu manusia tu mambuek undang-undang surang peraturan surang … ko adolah bid’ah… tapi ndak basabuik … takuik ditangkok… ikolah dayus… panakuik….. bid’ah ko dunsanak … Kalau dunsanak punyo tafsir prof. Mahmud Yunus cari ayat 159 surat ka anam al an’am, masalah bid’ah-bid’ah…Al-Qur-an pun manyabuik. punco bapacah balah takah iko lah…. awak bakuhantam dalam soal-soal atau pakaro-pakaro khilafiah… pakaro-pakaro takah iko ndak usah dibukaklah, jaan awak menganggap awak punyo pandangan sajo nan batua urang lain salah… samantaro persoalan gadang indak disabuik-sabuik....ndak buliah bitu…. Hadits 40 Mustapha Abdurrahman manyabut, diantara contoh bid’ah ialah … awak membenarkan manusia manggunokan aka mambuek undang-undang dan peraturan hidup untuak ma-atur kehidupan awak…. ko adolah bid’ah. ko lah contoh bid’ah,… berzina… ndak apa-apa kalau suka sama suka….aa kan… mencuri masuk penjara… Mereka hanyo manggunokan aka sajo… Indak buliah dunsanak.... karano urusan ko lah diatur… herannyo awak persoalan bid'ah takah ko indak disentuh pulo…iko nan susah ko… inyo hanyo mahantam bid’ah soal tahlil sajo. Makonyo dunsanak, mantafsir ko ado aturannyo, ndak mungkinlah awak labiah hebat dari prof. Mahmud Yunus,… baliau mentafsir lah lamo … awak sia ?... ayat Qur-an pun ndak hafal sadonyo, ndak usahlah mengkritik ulamo-ulamo tafsir dulu. Kito taruihkan,…. Dalil nan lain, surat Yunus surat ke 10 ayat 99 “Dan bukanlah tanggung jawabmu Muhammad menjadi seluruh ummat manusia beriman …. Itu bukan tanggung jawab Nabi… Jika Tuhanmu menghendaki maka berimanlah seluruh ummat manusia yang ada di bumi ini, … janganlah engkau bersedih tentang kedegilan orang-orang yang ingkar itu kalau Tuhan tidak menghendaki.” Kalau Tuhan indak nio dunsanak,… ndak bisa babuek apo-apo doh. Tantu ado nan batanyo “kalau baitu Suta baa jo urang nan kapia ? nan indak mandapek hidayah dari Allah ?” Kito baliak ka nan tadi… aka… awak ko dikaruniai Tuhan apo ?... aka. aka untuak berpikir… Tuhan indak mendatangkan Muhammad saw. semata-mata, inyo juo mendatangkan panduan nan lengkap,… aka wajib berpandukan pada al-Qur-an nan alah samparono alias sempurna. Sudah tu, kalau ndak dapek juo,… itu carito lain lah. Tapi ndak mungkin ndak dapek kalau awak lah mengikuti al-Qur-an dan sunnah. Banyak contoh nan ado,… Cat Steven atau Brother Yusuf Islam,.. hanyo karano mambaco- baco al-Qur-an nan tatingga… convert to (masuak) Islam… immediately… di Indonesia contoh nan mencolok mata Irene handono. Urang awak pulo…al-Qur-an indak pernah dipakai... aka indak digunokan… tapi dalam pakaro lain inyo pandai. Jago pagi…bagisiak-gisiak mato…dalam pikirannyo hari ko baa mancari pitih nan labiah gadang… sia lo nan bisa digadele hari ko…..eh pandai inyo…. Cari pitih… bapikia pagi patang siang malam.. Tapi ndak manggunokan aka berpandukan al-Qur-an supaya turun hidayah. Baa kok Cat Steven bisa masuak Islam ?.... dulu inyo penyonyi pop… ado 33 taman kanak-kanak Islam, ciek sajo nan dijadikan hak milik inyo, nan lain 32 tu diwakafkannyo. Digunokannyo kekayaan nan ado untuak manaiakkan Islam. Ma gereja-gereja nan alah ditutuik…. karano urang Kristen pamaleh juo sumbayang… padahal saminggu sekali… akhirnyo banyak gereja-gereja di Inggeris nan ditutuik, bilo dilelang.. nyo bali dek Cat Steven ko, nyo bukak TK Islam… manga inyo nan berasal dari urang barat nan bukan Islam buliah manarimo Islam ?. karano inyo pikia pakai aka, inyo gunokan akal, inyo rajin mambaco Qur-an… inyo liek. inyo maraso nyaman… jaan katokan Tuhan zhalim keceknyo. Persoalan hidayah memang bukan karajo awak… ko ayatnyo. Bukan urusan kamu untuk menjadikan semua manusia beriman. Kadang-kadang ustad nan lah labiah lembut bahasonyo labiah elok, urangpun indak nio…. Kito taruihkan. “Maka patutkah engkau pula hendak memaksa manusia supaya menjadi orang-orang yang beriman ?” tafsirannyo.. Tapi dek lah panjang pulo, barisuak kito sambuang dunsanak.. Kito tulih baliak. (Bersambung) Billahil hidayah watr taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
