BAGANTI MUSIM Maso abih musim baganti Umua di badan batambah tuo Nan hilang alun taganti Nan dapek baransua lanyok juo
Santano di agak di pikie pikie Nyampang di hinok dimanuangkan Kadang taraso hiduik mubazie Sio sio umua dipanjangkan Dicubo bapikia surang Litak rasonyo sabatang tubuah Dunia rami batin den langang Dalam galak hati den rusuah Den cubo baminyak ayie Jan kusuik ibarat rambuik Lai bakilek tampak di lahie Tapi nan batin kusam balumuik Lai den kikih ba abih basi Den basuah ba abih ayie Kusam habih lumuik lah pai Nan batin batambah cayie Santano kusuik bak sarang tampuo Dapek di randam di uraikan Di cari ujuang jo pangkanyo Lamo jo lambek tasalasaikan Tapi ko kusuik bak banang lawah Ndak mungkin di urai ciek ciek Tiok halai banang bagatah Usah ka ta urai batambah lakek Den pandang jalan samakin jauah Alun juo tampak tujuan Kaki sakik tungkai lah layuah Lah leno badan di pajalanan Hari barembang patang juo Langkah lah gontai dek bajalan Mugarik datang sanjo kok tibo Kamalah badan ka dikalaikan Taratak samakin jauah Rumah lah lamo batinggakan Kamalah badan kabataduah Awak di tangah pasawangan Ndak mungkin langkah den ganjua suruik. Niat dibatin lah ba lafalkan Malu jo apo ka ditutuik Bunyilah samo kadangaran Bak tamakan buah simalakamo Maju antah suruikpun antah Kok dilulua mati bundo Diluahkan kok mati ayah Rumik banyak nan rumik Rasonyo indak sa rumik nangko Sulik banyak nan sulik Talabiah sulik iko taraso Sajauah jauah mandaki Ka tibo juo di panurunan Tapi tapanjek gunuang marapi Bilo ka tibo di kapundan Iko dibadan nan marumuak Mambuek gamang tiok hari Hutang lansai,piutang manumpuak Awak lah seso dalam janji Di dunia hutang raso lah lansai Di akhiraik Allahualam Sadang arek kabek ta ungkai Cameh karaso jadi dandam Dipandang urang sakuliliang Muko manganduang tando tanyo Jo tapak tangan den cubo dindiang Disalo jari tampak juo Awak biaso di nan rami Dilnan langang badan panakuik Iko nan cameh di badan diri Jo apo lah mato ka ditutuik 11082012.y.jAMBAK MM & Broadcast Report RADIO PUSAKO MINANG AM972 Tangerang. MC Adat/Perkawinan. -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/