Assalaamu'alaikum. w.w. Dunsanak kasadonyo nan Insya Allah dimuliakan Allah swt. Mari kito sambuang baliak kaji kito. Kapatang sampai di siko, Itu nan nampak di mato, alun lai urang-urang nan sacaro indak sadar alah dimurtadkan. ... aa lo mukasuiknyo tu Sutan, urang-urang nan secaro indak sadar...? Mukasuiknyo urang basangkutan ndak tahu kalau inyo sabananyo lah murtad dari Islam. Kito taurihkan jo Bismillaahir rahmaanir rahiim. Co iko dunsanak kasadonyo. Murtad ma-agiah pengertian diantaronyo ialah urang nan kalua dari agamo Islam. Inyo urang Islam lalu inyo maninggakan agamo Islam, agamo nan Allah redha “Innad diina ‘indallahil islam” di dalam surat ‘ali imran ayat ke 19. Sesungguhnya agama di sisi Allah ialah agama Islam. Tibo-tibo urang nan mengaku Islam ko kalua dari agamo Islam, satu-satunyo agamo nan Allah redha. Murtad juo nan kaduo ma-agiah pengertian “kembali menjadi kafir setelah Islam”. Mungkin sabalun itu kapia, sudah tu masuak Islam, lalu kapia baliak. Dalam negara awak hal nan bantuak iko banyak tajadi, dan pakaro ko adolah pakaro nan serius nan harus awak tangani basamo. Itu diantaro makna murtad. Pertanyaan awak baa kok Islam ma-halang ataupun indak membenarkan urang Islam manuka agamo. Dalam surah al-baqarah 256 “Laa ikraaha fiddin”, tidak ada paksaan dalam agama. Ayat ko kaum muslimin dan muslimat, diperuntukkan hanyo ka golongan-golongan kapia, urang-urang kapia sajo, urang Islam ndak dituju dek ayat ko lai do dek karano urang Islam harus dipaso. Ado pulo ustad-ustad “sembrono” mengecekkan “Lihat ayat ini berkata tiada paksaan”. Kononnyo ayat 256 ko menjadi dalil mereka. Inyo ndak paham bahaso ayat itu untuak urang kapia, bukan untuak urang Islam, urang Islam wajib dipaso dunsanak. Islam tidak membenarkan urang nan lah Islam atau urang Islam itu sendiri maninggakan agamonyo karano duo sebab. Partamo, karano perbuatan tersebut mencemarkan kesucian Islam. Beko urang lain akan mengecekkan “lihat agama Islam agama apa, seenaknya saja orang yang mau masuk dia masuk, orang yang mau keluar dia keluar, tiada halangan, ini agama kelas rendah”.
Dunsanak kasadonyo, muslimin dan muslimat yang Insaya Allah dirahmati oleh Allah swt. Bilo seseorang tu urang awam, bilo inyo lah ma-isi formulir untuak menjadi tentara dan ditarimo manjadi tentara, tentara mempunyoi disiplin-disiplin tertentu, ado peraturan-peraturan tertentu yang ndak buliah dilangga, dan wajib patuah jo sado peraturan tentara. Sia malangga dapek hukuman. Baitu juo jo Islam, kalau awak lah Islam, atau mengaku Islam, Islam ado peraturan- peraturan nan mengikat nan alah ditetapkan dek Allah swt. Dek sebab itu bilo awak malangga perintah dan ketetapan ko, akan mambaok akibat nan buruak ka awak di dunia sampai ka akhirat. Dek karano itu urang nan murtad ko atau golongan murtad ko, inyo mencemarkan kesucian Islam, agamo nan satu-satunyo diredhai Allah. Akibatnyo agamo nan mulia ko, mulailah dicemoohkan urang, dihino urang. “Nggak ada apa-apanya Islam, mudah saja dilanggar peraturannya dan kalau tidak suka, bisa keluar". Nan kaduo dunsanak. Islam tidak membenarkan seseorang itu murtad karano babahayo ka ummat. Dek sebab itu tindakan atau hukuman Allah ko tegas ka golongan murtad. Bilo awak mambia-kan seseorang itu murtad, ndak ado suatupun tindakan nan diambiak taradok inyo, mako inyo akan berleluasa memurtadkan urang lain. Contohnyo banyak, di Indonesia macam-macam, mulai dari kelompok-kelompok ingkar sunnah, Ahmadiyah, JIL dan sebagainyo sampai ka aliran kepercayaan nan begitu banyak. Baa pulo ndak dikatokan murtad, berbagai hal mereka sabuik sampai penghinaan taradok sahabat Nabi Muhammad saw., dan diikuti dek urang-urang Kristen atau golongan-golongan atheis nan ma-hino pribadi Nabi Muhammad. saw sendiri. Tapi ndak sorang juo nan mempertahankan dan membela Nabi saw. Yanuardi Koto bausao memurtadkan urang dengan menjadi penginjil nan mereka populerkan sebagai urang Minang asli. Awak alun dapek data nan akurat lah bara ribu urang nan alah dimurtadkannyo. Ikolah jadinyo bilo awak mambia-kan golongan murtad ko taruih iduik dan leluasa bergerak tanpa halangan. Dunsanak kasadonyo, Islam ma-ajakan awak babarapo kaedah dalam menangani gejala murtad ko. Lah jaleh, sangaik babahayo bilo golongan-golongan murtad ko taruih berleluasa mempropagandakan dagangannyo, ndak ado tindakan nan diambiak taradok mereka. Nan katigo nan ingin awak bahas, setelah ma-agiahkan perngertian, dek a Islam ndak membenarkan urang Islam manuka agamo, ialah punco murtad. Punco atau faktor yang menyebabkan seseorang tu bisa jadi murtad, atau manuka agamo banyok faktor. awak sabuik tigo sajo. Nan Partamo, karano randahnyo ilmu pengetahuan tentang Islam. Bilo awak ndak paham Islam dan ndak beramal jo Islam, memang awak ndak menampak Islam itu indah. Awak ndak nampak Islam itu elok dan sempurna bilo awak ndak beramal atau mengamalkan ajarannyo. Tapi kalau awak lah mulai beramal awak akan jatuh cinta ka Islam, kebaikan Islam keindahan Islam. Dan nan susahnyo pulo, baa ummat akan paham jo Islam kalau penda’wah-penda’wah ketakutan melakukan da’wah. Iko nan aneh. Dunsanak paralu ingek di dalam al-Quran surah ke 43 ayat nan ke 54 Az-zukruf, Fir’aun di zaman Musa as. Inyo memang suko rakyatnyo menjadi bodoh, samo pulo jo Fir’aun-fir’aun hari ko. Lihat al-Qur-an bercerita, “fastakhafa qaumaHu, fa-atahu, inaHu kaanu qaumal faasiqiin", surah ke 53 ayat ke 54, Firman Allah swt, fir’aun memperbodoh-bodohkan rakyatnya. "Fa-ataHu", lalu mereka ikut saja perintahnya. "InnaHum kaanu qaumal faasiqiin”, Mereka ini adalah golongan yang “fasiq” kato Allah. Bahayo dunsanak, kalau awak manjadi pak turut taradok fir’aun ko. Fir’aun mambuek apo sajo kito turuik kito patuah kita ta’at. Ketaatan ka makhluk dunsanak, bukan keta’atan mutlak, sebab itu dalam al-Qur-an suratun nissa ayat ke 59 “yaayuhal ladziiina a-manu atii’ullah wa atii’ur rassul, wa ulil amri mingkum” . Liek kato atii'uu dalam ayat ko dunsanak. Kato ati'u tu barulang duo kali sajo, untuak Allah dan Rasul, tapi indak untuak ulil amri. Ulil amri ko urang nan mamarintah atau mamacik atau nan ado dalam pemerintahan. Baa kok untuak ulil amri tu ndak ado kato ati'uu tu sakali lai ?. Apo makna ati'uu ?, maknanyo dunsanak "ta'atlah kamu". Baa mangko ndak ado untuak ulil amri atau pemerintah ko ?. Ulama-ulama tafsir muktabar mangatokan, kato tu ndak disaratokan untuak ulil amri dengan maksud kalau ulil amri tu indak ta'at ka Allah dan rasul, mako ndak wajib dita'ati. Baitu. Jadi keta'atan ka makhluk tagantuang ka keta'atan makhluk nan bersangkutan ka Allah dan rasul-Nya. Ciek lai, Banyak pulo nan mengatakan “ustaaad, harus ceramah dengan hikmah, ambo tanyo apa makna hikmah, hikmah haruslah lemah lembut, ustad ini keras betul. Eh, siapa bilang hikmah harus lembah lembut ?. Aaa..tapi dek lah panjang pulo dunsanak, barisuak kito sambuang dunsanak.. Kito tulih baliak. (Bersambung) Billahil hidayah watr taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
