Jadih pak Saaf, alah ambo catat namo jawi ko. Mudah-mudah ado masonyo kito bisa bakunjuang ka Sumpur Kudus ko dimaso nan akan datang, amin ya Rabbal alamin.
Pak Afrijon, kalau untuak penggemukan jawi jantan labiah capek responnyo untuak dilakukan pambarian makan sacaro intensif. Jawi-jawi simmental nan kito buek kandang basamo ko akan selalu barado dalam kandang. Hanyo sapakan sakali dibao bajalan untuak melatih otot kaki supayo tatap kuek fisiknyo. Kerugian dari penggemukan jawi jantannyo adolah indak batambahnyo pupolasi jawi di Sumbar dalam arti laweh, sadangkan jumlah ummat manusia samaki batambah juo. Untuak jawi batino, labiah kapado indukan, nan mano diharokan dalam 1 tahun 3 bulan kito harokan dapek baranak saikua (jawi ko manganduang salamo 9 bulan labiah saketek nan akan disusui labiah dahulu jo induaknyo salamo 6 bulan atau sampai si induak alah mintak kawin baliak - takadang baru 4 bulan induak jawi ko alah mintak kawin baliak) nan mano anak jawi ko nantinyo nan dihetong sebagai hasil. Kok batino nan lahia, akan dijua ka pasa taranak & kok nan jantan ambo kiro pambalinyo hampia pasti alah ado di lokasi, sabab insya Allah usaho penggemukan jawi ko kito targetkan jumlahnyo mancapai 500 ikua untuak kanagarian Sumpur Kudus. Di mudiak Pikumbah, peternak labiah cenderung mamaliharo indukan jawi, sabab istilah disiko tasabuk 'kok ka marambah ijan sampai ka tungguanyo'. Perbedaan nan lain adolah harago bali jawi, dimano kito mambuek untuak jawi jantan umua 6 bulan diparalukan dana sajumlah Rp. 8.500.000 tamasuak mambuek kandang, sadangkan jawi batino indukan baumua labiah dari 24 bulan diparalukan dana sajumlah Rp. 12.500.000 tamasuak mambuek kandang. Jawi batino ko nan kito usahokan nan alah baisi (manganduang) atau sakurang-kurangnyo alah baranak sakali. Sabab pabilo kito bali jawi nan gadih umua pas 24 bulan ado resiko jawi batino ko mandua nan mambuek usaho indukan salamo 1 tahun bisa sio-sio, sabab jawi batino mandua pabilo digapuak indak sarancak jawi jantan nan digapuakan dalam maso satahun. Itu sajo nan bisa ambo tarangkan pak Afrijon, dek mintuo Nurlisma alah mundur ambo sendiri ka manuka jinih jawi dari jantan ka jawi batino. Harapan kito dari 10 ikua jawi nan dikandangkan basamo ko rasio jawi jantan jo jawi batino paliang indak 6 jantan 4 batino. wasalam AZ/lk/34th/caniago Kubang, sadang di kampuang babako ka Canduang Koto Laweh, Agam Daftar namo pemilik jawi usaho penggemukan/indukan simmental Kanagarian Sumpur Kudus 1. Mak Dutamardin (jawi batino) 1 ikua (-------------- namo alun ado) 2. Pak Junaidi (jawi jantan) 1 ikua (Maju Jaya) 3. Mak Sutan Lembang Alam (jawi jantan) 1 ikua (Alang Bangkeh) 4. Inyiak Sjamsir Sjarif (jawi jantan) 1 ikua (Pantang Disua) 5. Pak Saafroedin Bahar (jawi jantan) 1 ikua (Caltex) 6. Mak Hilman Mahyuddin (jawi batino) 1 ikua (Sampan) 7. Mak Hilman Mahyuddin (jawi jantan) 1 ikua (Rara) 8. Afrijon Ponggok (jinih jawi alun diketahui) (Binuang Sati) 9. Nasirwan Domo (jawi jantan) 1 ikua (Gadempong) 10. Armen Zulkarnain (jawi batino) 1 ikua (Kurapai) ________________________________ Dari: Dr Saafroedin Bahar <saafroedin.ba...@rantaunet.org> Kepada: Rantau Net Rantau Net <rantaunet@googlegroups.com> Dikirim: Kamis, 16 Agustus 2012 7:03 Judul: Re: Bls: [R@ntau-Net] Bls: LPM Marapalam - Usaho Penggemukan/Indukan Simmental di Kanagarian Sumpur Kudus Bung Armen, namo jawi ambo -nan alun babayia tu - adolah " Caltex" . Trims. Saafroedin Bahar. Taqdir di tangan Allah swt, nasib di tangan kita. ________________________________ Dari: Afrijon Afrijon <aafri...@yahoo.co.id> Kepada: rantaunet <rantaunet@googlegroups.com>; Saafroedin Bahar <saafroedin.ba...@rantaunet.org> Dikirim: Kamis, 16 Agustus 2012 10:10 Judul: Bls: Re: Bls: [R@ntau-Net] Bls: LPM Marapalam - Usaho Penggemukan/Indukan Simmental di Kanagarian Sumpur Kudus Pak Armen diambo jinih jawinyo nan penggemukan mano nan elok jantan atau batino, untuak namonyo Binuang Sati, Afrijon Ponggok Katik Basa Batuah L,45,Batipuah,Pisang -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/