Uwan Akmal, Mak Ngah, Ondeh, iyo lah sanang bana urang Muslim moderen kini bapuaso. Lah sampai ka paruik jo galang2 bagai dapek disetel kini yo? Kadipangakan lai tu,Wan? Ambo maliek fenomena THE TECHNOLOGIZING OF RELIGION (kok buliah maminjam istilah co itu) di kalangan umat Islam di zaman kini iyo gak babahayo2 tangguang (untuak indak mamakai kato 'permisif') ka esensi agamo dalam masyarakat awak. Kurang tahu ambo apokoh lah ado penelitian mengenai fenomena ko. Di bandiang umaik lain misalnyo, umaik Islam tampak di ambo iyo gak capek dan acok tagageh malakek'an aspek2 teknologis ko ka agamo. Sebagai refleksi: mari kito bandiangan interior musajik2 awak jo interior gereja2 atau pura atau rumah ibadaik agamo2 lain di zaman moderen kini. Nan satau ambo (maaf dikoreksi kalau salah) jarang di gereja kito liek pakai teknologi pangareh suaro. Suaro asli pastor (nan indak dimediasi dek teknologi media) lain rasonyo sampai ka talingo jamaah. Ambo sendiri labiah sanang mandanga katubah di musajik tanpa mik. Kalau di awak capek bana balakek'an pangareh suaro di satiok tonggak. Kok dapek nan merek e hebat2. Ciek lai: nan mangaji di awak kini acok KASET atau CD sajo lai: kaset atau CD ko lah nan banyak maunyi mihrab surau2 jo musajik lai. Di lapau ko kalau ndak salah babarapo wakatu lalu ado lo diskusi soal mik nan dianggap marangak dari musajik di wakatu subuah atau malam. Manuruik pikiran awam ambo, kesakralan agamo kito (Islam) bisa layuah atau aus dek sikap permisif kito malakek'an apo sajo nan babaun moderen ka agamo kito. Liek lo lah kini babagai macam tayangan di tipi nan takaik jo agamo: kadang2 katubah basaloan bagai jo lagu sarato lawak. Antahlah....pakau sorang je ambo maliek. Nan taringek dek ambo kecek Mak Ngah sapatah tu: Jan sampai Makah jadi ''Taman Hiburan". Kok dipaturuik'an beko lamo2 naiak kureta gantuang sajo awak lai dari Makah ka Arafah... (mulo2 diparuntuak'an untuak urang sakik2 tangguang, tapi sudah tu nan sanang2 tangguang lah bagaduru lo naiak, saban ingin mainda dari paneh matoari). Wassalam, Suryadi
> Ajo Sur dan Mak Ngah nan ambo hormati, > indak usahlah jauh-jauh mancaliak ka Tanah Suci soal kendaraan listrik. > Untuak puaso Ramadhan pun ado "kendaraan listrik" yang kian banyak digunakan > muslimin/muslimat. "Kendaraan listrik" untuak puaso ko dibuek oleh the > so-called nutritionist, ahli gizi, dokter, dll stake holder industri > kesehatan, nan dilipekgandokan (multiplying) kampanyenyo oleh media massa, > yang setiap menjelang Ramadhan tiba, mendadak rajin membuat "kendaraan > listrik" dengan tema "Cara Bugar Menghadapi Puasa", dsb. > > Dibueklah rekomendasi sabaiaknyo saat babuko atau manjalang sahur harus > mangudok multivitamin ini-itu, mengubah pola makanan ini-itu, nan pado > intinyo hanyo maliek puaso Ramadhan sebagai bulan "substitusi pola makan" > dibandingkan bulan-bulan lain. (Lain halnyo untuak urang nan batua-batua > butuh obat berdasarkan pertimbangan medis. Tapi untuak kategori ko bukankah > alah ado pulo skema keringanan sampai pembayaran fidyah yang sudah ditentukan > hitungannyo oleh Nan Maha Adil?) > > Padahal bukankah salah satu hikmah puaso Ramadhan justru agar muslim > MARASOKAN baa manjadi orang litak, urang miskin, the have not, namun tetap > produktif dalam bakarajo jo amal saleh? Indak lalok-lalok sapanjang hari di > surau atau musholla kantua manunggu azan > > Manuruik ambo, "kendaraan listrik di bulan Ramadhan" saroman iko jauah lebih > berbahaya dibanding kendaraan listrik untuk tawaf. > > Baa tu manaruik Mak Ngah dan Ajo Sur atau sanak palanta nan lainnnyo? > > Salam, > > Akmal Nasery Basral > Cibubur -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/