Assallammualaikum wr wb
Angku, mamak, bundo, sarato adi dunsanak sapalanta & pengurus LPM Marapalam nan ambo hormatiĀ Alhamdulillah ambo alah sampai ka Sumpur Kudus dari mudiak Pikumbuah kutiko Kamis malam kapatang. Setelah komunikasi jo 2 pemerintahan nagari (Sumpur Kudus & Sumpur Kudus Selatan), pengurus KAN Sumpur Kudus & niniak mamak pamangku ulayat ba'da shalat Jum'at di masjid rayo Rajo Ibadat, pagi tadi kandang basamo alah mulai kito ansua basamo-samo diatur lansuang niniak mamak pemangku ulayat angku Bagindo Malano dari suku Domo. Bahan material alah kito pasan mulai dari semen, kerikil, pasir, batu bata & atok rumbio. Untuak tiang kayu kabatulan balai nagari Sumpur Kudus Selatan saat kini sadang dilakukan peremajaan sahinggo kito bisa manggunokan babarapo kayu nan dipagunokan nantinyo untuak tiang kandang. Usaho penggemukan/indukan sapi simmental nan ko kito mulai tahap 1 di Jorong Calau, Nagari Sumpur Kudus Selatan, Kanagarian Sumpur Kudus, kab. Sijunjuang. Insya Allah tahap kaduo kito mulai sasudah hari rayo Aidil Adha nan akan datang & alah basampaikan kapado pengurus KAN untuak mamusyawarahkan dimano lokasi kandang barikuiknyo nan sacaro teknis akan dipasamokan jo niniak mamak pemangku ulayat nan ado. Insya Allah, pabilo lantai kandang alah salasai 3 hari lai, ambo segera barangkek baliak manuju mudiak Pikumbuah untuak mengatur pemindahan jawi-jawi simmental nan ko nan jumlahnyo 10 ikua (5 ikua jawi jantan umua 6 bulan & induak > jawi batino > 24 bulan + pedet jantan umua 2 bulan) ka Sumpur Kudus nan sasuai jadwal adolah 3 September 2012 nan akan datang. Kudian salamo sabulan akan kito dampingi sambia maansua-ansua pelatihan website nagari di Sumpur Kudus. Sasuai komunikasi jo ajo Muhammad Jhon, ketua IK VII Koto Jabodetabek wakatu hari rayo kapatang, pendampingan website nagari di cluster VII Koto - Padang Sago & cluster Patamuan - Padang Sago nan akan kito bagi 2 tahap salamo 2 bulan di 10 nagari nan ado di 3 kecamatan kab. Padang Pariaman untuak samantaro wakatu ditunda dulu dek alun ado kesepakatan basamo oleh perantau-perantau dari IK VII Koto. Ado kemungkinan setelah salasai di Sumpur Kudus kito akan ansua-ansua melakukan survei di babarapo nagari di Kubang XIII saroman Salayo, Muaro Paneh, Cupak & Koto Baru. Hal iko paralu komunikasi jo pengurus di masing-masing IK nan alah bisa kito ansua-ansua mulai sajak kini. Itu sajo nan bisa ambo sampaikan, seluruh dokumentasi foto & video kegiatan usaho penggemukan/indukan jawi simental akan kito lewakan pado halaman/page Ayo Bangun Nagari pado situs jejaring sosial facebook setelah jawi-jawi salasai kito pindahkan ka Sumpur Kudus. Selain itu, mohon sinergi antaro seluruh pemilik jawi simmental nan ikuik sato dalam usaho nan ko basamo-samo pengurus LPM Marapalam untuak manyusun draf MOU nyo nan akan kito bao ka pemerintahan nagari, KAN Sumpur Kudus & niniak mamak pamangku ulayat. Pabilo ado nan indak pado tampeknyo mohon rila jo maaf. wasalam AZ/lk/34th/caniago Sumpur Kudus, Sijunjuang ambo sendiri dalam keadaan kurang sehat (agak mandamam) dek cuaca nan barubah-rubah disiko, mungkin dek pdeknyo jadwal kutiko hari rayo nan lalu nan bakaokan pulo bamotor dari Mudiak Pikumbuah - Sumpur Kudus via LintauĀ -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/