Pak Zul Tan nan ambo hormati,
Ambo indak pandai baandai-andai sabab andai-andai ko alah lamo hilang dipangana ambo kutiko turun kalapangan sebagai sukarelawan tsunami Aceh di Meulaboh babarapo tahun nan lalu. Makin hilang antah kamano andai-andai kutiko gampo tu bana taraso dirumah ambo di Asratek, Ulak Karang Padang & anak ambo nan laki-laki - kutiko tu baumua 3,5 tahun - balari mangaja ambo dek sadang bamain game di PC tibo gampo gadang mahondoh pesisir Sumbar. Lazis ko bukan indak mungkin, malah sabana mungkin dilakukan di nagari-nagari. Namun paralu wakatu bertahap untuak mamasuakannyo ka dalam program pemerintahan nagari. Sabab selain menyiapkan web sederhana nan babiaya murah, melatih beberapa admin untuak mengelolanyo, paralu dipatauikan pengurus masajik/surau di nagari-nagari dengan pemerintahan nagari. Untuak itu paralu mambimbiang perangkat nagari kito untuak barasiah pengelolaan keuangannyo, sahinggo perantau punyo raso trust kapado stake holder di nagari. Iko nan bisa dilakukan oleh anak nagari kapado nagarinyo. Sahebat apopun aktivis LPM Marapalam, inyo indak bisa masuak ka wilayah mantun sabab alah babeda biliaknyo. Hanyo anak nagari sendiri nan bisa masuak ka wilayah itu, sambia bertahap mempersiapkan potensi nagari untuak bisa memberikan penghasilan sendiri bagi nagari dimano kito tahu satu-satunyo sumber pemasukan nagari di ranah minang secara umum masih batumpu pado DAUN - Dana Alokasi Umum Nagari - nan diperoleh dari Pemda Kabupaten masing-masing. Ambo bukak curito saketek, pado hari Rabu 22 Agustus 2012 nan lalu organisasi perantau nagari Kubang (IKK) maadokan temu ramah jo pemerintahan nagari. 3 hari sabalunnyo seluruh sipangka IKK dari kota Padang, Pekanbaru, Jabodetabek & Bogor ambo tamui ciek-ciek di rumahnyo. Urang kampuang sibuk halal bi halal nan ambo balain apo mukasuik nan ka disampaikan kapado sipangka-sipangka nan ko. Sabalunnyo, 3 bulan nan lalu, wali nagari jo 7 jorong kito adokan pertemuan di kantua pemerintahan nagari, balanjuik ka ketua KAN, Pengurus Masajik (ado 9 masajik di Kanagarian Kubang) nan ditamui sacaro estafet satu persatu. Seluruh pertemuan mantun hanyo untuak manjalehkan apo manfaat & keuntuangan dari website nagari. Hanyo untuak manyampaikan sajo dibutuhkan wakatu nan indak pulo sadang. Indak pakai banyak curito, setelah ambo jalehkan pado forum, disepakati lansuang tanpa banyak tanyo. Konsekuensinyo, akan diadokan pelatihan salamo satahun. Baa kok salamo itu? Ambo jalehkan aktifitas ambo di LPM Marapalam nan indak punyo banyak wakatu luang ka kampuang. Paliang dalam sabulan hanyo bisa sapakan di kampuang untuak melatih adiak-adiak nan namuah bagoro. Ambo mintak syarat kapado masing-masing ka 4 sipangka IKK mantun, untuak sacaro bagantian membantu operasional nagari dalam membiayai keperluan operator web mantun. Insya Allah, kutiko jawi-jawi simmental ko alah sampai di Sumpur Kudus, dimano sekitar 3 minggu sampai sabulan ambo tatap disinan mendampingi peternak untuak mamaliharo jawi-jawi ko, sambia diansua juo pendampingan website nagari Sumpur Kudus tahap ka II. Kudian ambo akan babaliak ka kampuang untuak memulai pelatihan website nagari di Kubang. Tantunyo untuak nagari ambo ko indak mamakai ateh namo LPM Marapalam, sabab beko tadanga sumbang dek nan lain, keceknyo pulo beko nan dibantu kampuang surang sajo. Dek karano ambo anak nagari sendiri, labiah leluasa untuak mampatauikan pengurus 9 masajik nan ko sacaro bertahap ka pemerintahan nagari. Kudian kito mulai maansua-ansua mambuek BMTnyo. Sasarannyo indak muluk-muluk bana, kok dapek pengurus IKK nan aktif sarato urang di kampuang alah bisa menyalurkan ZISnyo ka masing-masing BMT di masajiknyo. Kudian pemerintahan nagari dengan 7 jorong akan kito minta menyalurkan kapado KTM - Keluarga Tidak Mampu - dan dibuek pulo laporannyo. Itu nan bisa ambo bantu untuak nagari ambo sendiri salamo 1 tahun ka muko, jaleh wakatu, pitih, tanago jo kesabaran akan batungkuih lumuih disinan. Ambo alah sampaikan ka forum kok 1 tahun indak sadang juo, ambo baa ka baa akan manyarahkan kapado nan mudo-mudo sarato nan tuo-tuo di kampuang jo IKK di 4 cabang nan ado. Sakali lai, hal iko masuak ka ranah babiliak banagari,indak ka bisa siapo sajo nan sato - walau inyo sasantiang apopun - kacuali anak nagari sendiri, kunun pulo pemda kabupaten, urang minang nan tamat dari Havard pun indak ka bisa sato, sabab indak sabiliak. Kok iyo apak-apak, mamak, bundo sarato dunsanak sapalanta ingin mamajukan nagari asa masing-masing, kontak pengurus IK masing-masing, sahinggo bisa dipasamokan, dicari siapo nan bisa turun ka nagari untuak jangko wakatu tertentu, dibantu operasionalnyo sacaro basamo, sahinggo sacaro bertahap bisa dibangun di nagari & nan indak buliah dilupokan, tatap bakoordinasi jo pemda setempat. Ambo kiro, keseriusan perantau nan tagabuang pado IK masing-masing untuak membangun nagarinyo menjadi tolak ukur kasaganan pemda kapado urang rantau jo nagari tersebut. Itu nan nampak dimato ambo sendiri kutiko barado di Piaman Laweh jo Solok. Iko aratinyo, dari 11 kabupaten nan lai tasabuik ranah minang (kecuali Kepulauan Mentawai) hanyo PKDP jo S3 sajo nan lai tacelak hasil karajonyo dimato Pemda Kabupaten di Sumbar, nan lain iyo banyak takalok bahkan ka lauik tamasuak Gonjong Limo nan marupokan organisasi perantau tingkek kabupaten tampek asa ambo sendiri. Kok ka tasingguang, indak ado karisauan di hati ambo doh, sabab kenyataannyo memang takah itu. wasalam AZ/lk/34th/caniago Kubang, sadang di kampuang babako ka Canduang Koto Laweh, Agam ----- Pesan Asli ----- Dari: ZulTan <zul_...@yahoo.com> Kepada: "RantauNet@googlegroups.com" <RantauNet@googlegroups.com> Cc: Dikirim: Jumat, 31 Agustus 2012 21:46 Judul: Re: [R@ntau-Net] Tanggapan 2 pada Pak Saf dkk Uda MM*** NPS (Nan panuah sumangaik) Iyo salut ambo jo sumangaik Kanda mah, badantang-dantang. Kok ado nan panah basuo jo baliau, persepsi awak lansuang barubah. Nan paralu kini Kanda, aa nan kadikakok (macam usaho) agar etong-etongan tu manganai. Ambo yakin dengan etong tadi kok awak bae manggaleh mungkin bisa mangalahan Indomaret atau Alfa. Contoh: Harago Aqua 600 ml di 3 tampek: Giant Rp. 1690 Indomaret Rp. 1800 Alfa Rp. 2000 Andaikato bali Aqua di Giant + 5% labo = Rp. 1775 Lah bisa mangalahan 2 outlet nan lain. Apalai Aqua bali lansuang ka agen, harago tantu bisa labiah randah, jan-jan bisa mangalahan Giant lo. Bandingkan harago kadai Rp. 2500 - 3000. Kok iko bisa dilakukan 60 kali dalam waktu labiah pendek (< 60 bulan) tantu angka tadi capek dicapai. Jikok untuang 10% masih kompetitif, pitih nan 6 juta tadi bisa manjadi 300 juta. Mudah-mudahan ndak salah etong Sanak Z. Sakalian manjawab Armen, waktu itu sekadar patokan (Time bound). Cieklai dengan diansua-ansua tiok bulan akan labiah mudah urang untuak sato. Tantu ndak sado urang bisa caro Uda MM*** nan bisa lansuang sakali gus. Untuak Sanak Ridha, sebagian dana ZIS ko lah diprogram dek lembaga pengumpul untuak dana bergulir. Tujuannyo bia mustahik nan manarimo dana suatu maso akan jadi mustahik. [Baco Tabloid Kontan dengan tema "Ekonomi Dahsyat di Balik Zakat" edisi 27 Agustus 2012] Saran ambo, kok program ko jadi, ndak paralu deposit sekaligus, biakan bajalan tiok bulan dan saragam untuak saluruh peserta. Ndak kasusah bagai doh, tingga di-auto debet oleh bank 100.000 tiok bulan lansuang masuak ka kas Palanta. Baliak ka intinyo, mari kito "Brainstorming" apo nan ka dilakukan. Temukan babarapo alternatif. Kok bisa pengembangan website nan lah diosong Armen dapek lo dijadikan "lapak" finansial dek urang kampuang. Dek lapaknyo di dunia maya, jadi ndak ka dikaja-kaja dek Satpol PP lai. Ndak paralu marantau jauh dari keluarga. Salam, ZulTan, L, Bogor NB: Jan lupo Da MM, kok bisa basuo wak baliak di Sumbar Expo November bisuak. Action cures fear. -- -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/