Ajo Suryadi rang Sunua Nan Sabarih,
Iyo baru tahu ambo satantang makam Haji Rasul ko kanai gusur dek indak talok mambayia lai. Wakatu mamoto kaduo makam tu sadang badai, listrik mati lo hari alah mulai kalam dek wakatunyo alah masuak mugharik. Setelah bacarito sabanta jo keluarga, ambo pun permisi bajalan baliak mamutari danau Maninjau ko taruih ka Tanjuang Sani & Muko-Muko. wasalam AZ/lk/34th/caniago Kubang, sadang di kampuang babako ka Canduang Koto Laweh, Agam ________________________________ Dari: Lies Suryadi <niadil...@yahoo.co.id> Kepada: "rantaunet@googlegroups.com" <rantaunet@googlegroups.com> Dikirim: Rabu, 5 September 2012 0:52 Judul: Bls: [R@ntau-Net] Urang Kubu Sungai Batang Maninjau nan jadi pandeta Dinda Armen, Kecek ungku Wadud ko, makam Haji Rasul di Tanah Kusiah dipindahkan ka kampuang e di Maninjau dek karano diimpik dek urang dan keluarga indak talok mambayia lai. Di Jakarta ko iyo lah raso di Mehor je awak: urang mati kanai gusur juo lai. Urang tu iyo padek sandarannyo, Dinda. Itu makonyo garik2 urang. Wakatu ungku awak ko tasandek pulang dek pakaro Wawah tu, nyo kirim surek kama2, ka komisi tinggi macam2 di dunia ko, ka pamarentah pusek awak bagai. Salam, Suryadi Dari: Armen Zulkarnain <emeneschoo...@yahoo.co.id> Kepada: "rantaunet@googlegroups.com" <rantaunet@googlegroups.com> Dikirim: Selasa, 4 September 2012 19:10 Judul: Bls: [R@ntau-Net] Urang Kubu Sungai Batang Maninjau nan jadi pandeta Ajo Suryadi, nan satahu ambo makam Haji Rasul ko di Sungai Batang, badampiangan jo makam adiaknyo. Kok baliau maningga di Jakarta 2 Juni 1945, kiro-kiro jo apo dibao jenazah baliau ko ka Sungai Batang? Foto makam tu lai labiah capek kiro-kiro 7 jam dari foto "Kemilau Danau Maninjau" nan pernah ambo lewakan di palanta nan ko. Mengenai kristenisasi ko indak heran bana dek ambo doh. Nan mambuek ambo takjub, tanah milik yayasan ko lataknyo di tampek strategis di kota Padang. Mulai dari di muko kantua Gubernur hinggo di muko hotel Bumi Minang. Alah sajak saisuak ado disinan. Antah baa sejarahnyo kok bisa baitu. wasalam AZ/lk/34th/caniago Kubang, sadang di kampuang babako ka Canduang Koto Laweh, Agam Dari: Lies Suryadi <niadil...@yahoo.co.id> Kepada: "rantaunet@googlegroups.com" <rantaunet@googlegroups.com> Dikirim: Selasa, 4 September 2012 23:07 Judul: Bls: [R@ntau-Net] Urang Kubu Sungai Batang Maninjau nan jadi pandeta Tadonga2 dari jauah ado pulo adiak Haji Agus Salim nan banamo Khalid Salim nan batuka kabilaik. Mungkin ado mamak2, kakak2, sarato dunsanak di lapau nan tau. Satantangan Ungku Abdul Wadud Karim Amarullah, ropo e 'tukang gubalo' suruhan Yesuih ko bamarkas dulu di Jalan Batang Lembang, Padang Baru, dan di Parak Gadang, sabagaimano nyo ungkapkan dalam autobiogrfinyo. Bolak-baliak Padang - Singapur sakali anam bulan 'Ungku' awak ko dalam periode1995-1998 untuak mampapanjang visa, karano Ungku Wadud ko lah jadi urang Amerika. Kini sia kolah nan manaruihan usahonyo tu, nan nyo sabuik "Memberitakan kabar baik ke Tanah Minang" (hlm. 179). Wayoi!!!!! Dengan tabiknyo autobiografi Ungku Abdul Wadud (Sungai Batang Maninjau, 7 Juni 1927 - California 25 Maret 2012) ko, lah buliah dikatokan jaleh bahaso baliau memang adiak saayah Buya Hamka. Induknyo adolah Siti Hindun, mantialau kaduo dari 8 mantialau Haji Rasul (Dr. H. Abdul Karim Amrullah); Buya Hamka adolah salah sorang anak dari istri Haji Rasul nan banamo Safiyah. Manuruik Ungku Wadud, amak e indak pernah dicaraikan dek abak e doh. Ungku Abdul Wadud ikuik jo ayahnyo ka pambuangan Ulando di Sukabumi tgl. 8 Agustus 1941, ikuik pulo istri terakhir abak e (ibu tiri Wadud), Dariyah. Wadud mangaku, Haji Rasul wafat di pangkuannya di Jakarta tgl 2 Juni 1945. Jadi, spekulasi2 salamo ko bahaso Ungku Wadud ko mangaku2 adiak Hamka untuak manjatuahkan namo Hamka, rupo e salah. Mungkin urang Minang gak maraso tasingguang puncak kada e karano adiak ulama gadang kito tu batuka kabiliak. Kok iyo adiak Haji Agus Salim nan banamo Khalid Salim tu batuka kabilaik pulo, haaa...sabuni komah jo kasus Ungku Wadud ko. Haji Agus Salim urang gadang lo, sarupo Buya Hamka. Parau pulo diusuik apokoh Khalid Salim ko adiak saayah pulo dek Haji Agus Salim atau baa? Menarik juo tampak e urang gadang2 saayah ko di Minangkabau: kadok ideologi jo mode e batantangan. Mungkinkah iko efek psikologis dari anak2 nan lahia dari sistem poligami di Minangkabau zaman saisuak? Iko asumsi sajo baru, mungkin bisa diliek pulo dalam konteks urang biaso. Tadanga dek antropolog Baraik, bisa lo jadi disertasi ciek lai mah. Batambah gapuak body of knowledge tentang Minangkabau ko. Iyo banyak lai mah nan menarik dan ganjia2 tentang Minangkabau nan paralu ditulih. Wassalam, Suryadi -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
