Wa'alaikum salam Armen, Dek ambo indak mangarati tentang parjawian, bara lamo manggubaloanno sabalun dijua? Bara harago jua no katiko nantun? Jadi satiok nan punyo jawi paralu mangalua-an kepeang satangah jeti satiok tahun? Bara kolah panambahan harago jawi kiro2 satiok tahun no go? Ma'af ambo agak kurang pandai bakali kali wassalam Junaidi
________________________________ From: Armen Zulkarnain <emeneschoo...@yahoo.co.id> To: "rantaunet@googlegroups.com" <rantaunet@googlegroups.com> Cc: Afrijon Ponggok <aafri...@yahoo.co.id>; "as...@haragreen.com" <as...@haragreen.com>; Reni Sisri Yanti Gurun Sungai Tarab <resy_2...@yahoo.com>; Dutamardin Umar <dutamar...@gmail.com>; ajo duta <ajod...@gmail.com>; Hilman Mahyuddin <hilman.mahyud...@gmail.com>; Saafroedin Bahar Kampuang Dalam <saaf10...@yahoo.com>; jun aidi <malinbasa2...@yahoo.com>; Muhammad Dafiq Saib Koto Tuo <stlembang_a...@yahoo.com>; Inyiak Sunguik <hamboc...@yahoo.com> Sent: Friday, September 7, 2012 4:17 AM Subject: LPM Marapalam : Update Kegiatan - September 2012 Assalamualaikum wr wb Angku, mamak, bundo sarato dunsanak sapalanta dimano sajo barado, inisiator & pengurus LPM Marapalam, apak jo mamak pemilik jawi nan ambo hormati. Alhamdulillah jawi-jawi simmental nan bajumlah 9 ikua (4 indukan + 5 jantan anakan) alah kito anta ka Calau malam kapatang barangkek dari Danguang-Danguang jam 20.30 wib dan sampai di Sumpur Kudus jam 00.30 wib. Dek kendaraan ambo tingga di Mudiak Pikumbuah, malam itu juo kami babaliak ka Pikumbuah jam 02.30 wib dan tibo jam 04.30 wib. Setelah istirahat, seluruh peralatan pendampingan website nagari kito kamehi & hujan alah baranti, jam 15.30 wib ambo barangkek jo roda duo ka Sumpur Kudus. Setelah sempat singgah di Tanjuang Bonai Aua sliaturahim jo wali nagari Tanjuang Bonai Aua & wali nagari Manganti nan kabatulan ado disinan, jam 21.00 kami taruihkan bajalan ka Sumpur Kudus tibo jam 22.00 wib. Setelah komunikasi sabanta jo wali nagari Sumpur Kudus, ambo lansuang ka kandang batamu 4 urang petani kito nan sadang rundo di dangau nan marupokan lokasi kandang basamo di Calau. Atok kandang alun seluruhnyo tapasang, insya Allah dalam 2 hari ko akan kito salasaikan. Alah manjadi hal nan biaso di kito dalam pendampingan dimano petani kito ko masih manunggu juo apo nan harus dikarajokan. Namun pun baitu, bahan-bahan kayu jo batuang alah takumpua seluruhnyo & tapasang dengan baik di lokasi kandang. Kegiatan gotong royong sasuai jadwal dilakukan mulai jam 11.30 wib sapulang manakiak gatah di ladang nan dilanjuikan hinggo hari sanjo. Bisuak pagi akan kito mulai mambarikan ubek caciang pado masing-masing jawi, dimano nan indukan kito barikan 2 kaplet sadangkan nan anakan dosisnyo 1 kaplet. Pambarian ubek caciang ko rutin dalam 6 bulan sekali. Setelah nantinyo kito koordinasikan jo petugas PPL & mantari taranak disiko, akan dicari wakatu nan tapek untuak melakukan inseminasi buatan (IB) pado masing-masing indukan jawi nan ado. Bisuak pagi jawi-jawi akan mulai sarapan jo konsentrat dadak & kulik kakao sebagai ransum rutin dari bahan nan ado di Calau. Tadi ambo mandanga curito dari petani kito alah banyak urang kampuang nan mancaliak jawi-jawi simmental ko. Ado kejadian nan cukuik menarik sanjo cako, 2 induak jawi dek bakabek dakek batang kakao, alah inyo makan pulo buah kakao/coklat nan ado di batang. Setelah habih kiro-kiro 6 buah baru katahuan sahinggo rami urang mancaliak parangai jawi ko. Penggemukan jawi simmental memang alah mulai dicubo di Sumpur Kudus. Kini ado sekitar 8 ikua jawi simmental milik masyarakat nan dikembang disiko. Memang indak sabanyak jawi simmental di tampek lain, maklum sajo harago jawi nan cukuik maha untuak ukuran petani kito disiko. Berikut ambo lampirkan rincian laporan keuangan masing-masing jawi nan alah dirincikan per pemilik jawi nan jumlahnyo bavariasi. Kekurangan dana masing-masing pemilik jawi untuk pembelian konsentrat/vitamin/obat-obat/Inseminasi Buatan (IB) alah bisa dikirim mulai dari kini hinggo sabulan nan akan datang. Kito anggarkan jumlahnyo dalam satahun sebesar Rp. 500.000 (jumlah kekurangan masing-masing dana alah terlampir dalam file PDF) pabilo ado penambahan akan kito tinjau 6 bulan nan akan datang. Itu sajo nan bisa ambo sampaikan, untuak samantaro dicubo pulo istirahat agak salayang sahinggo aktivitas bisuak pagi bisa dimulai. Mohon maaf pabilo ado nan indak pado tampeknyo. wasalam AZ/lk/34th/caniago Sumpur Kudus, Sijunjuang asa nagari Kubang, 50 Koto babako ka Canduang Koto Laweh, Agam -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/