Alhamdulillah, sapulang dari rumah bundo Nismah, tak henti-hentinya ambo dan istri mambicarokan kehangatan sambutan, kerendahan hati, dan keakraban bundo sekeluarga, serta seluruh hadirin warga palanta RN yang hebat-hebat. Rang Dapua Da Miko (nan tanyato rumahnyo dakek jo rumah ambo di Cibubur), Mak Sutan Lembang dan Pak Saaf nan duduak mangapit ambo, Pak Muchtar Naim, Pak MM bintang tigo, senior ambo sejak kuliah Uda Andrinof Chaniago, sanak lamo ET Hadisaputra, dll namo nan indak dapek ambo tulih satu persatu.
Maklum, sebagai salah satu anggota yunior milis ko (meski ambo alah bagabung sajak 6-7 tahun silam), namun sebagian besar waktu hanya menjadi anggota pasif. Baru sekitar sabulan tarakhia ko agak rajin posting, dan baru partamo kali iko mangikuti langsung silaturahim RN dalam rangka HBH. Jika ambo datang memasuki rumah bundo dengan raso "deg-degan", istri ambo nan bukan rang Minang mengaku (kudian dalam perjalanan pulang) bakal "mati angin", dek banyaknyo tokoh-tokoh senior milis. Tapi seiring bajalannyo waktu, "deg-degan" dan "mati angin" itu iyo lah tabang juo dek keramahan seluruh hadirin. Bahkan setelah acara resmi salasai, Buya van Bonjer mandake-i ambo dan bacarito bahwasanyo baliau alumni FIS(IP) UI angkatan partamo dari jurusan Ilmu Politik, dengan kawan-kawan seangkatan antaro lain Arbi Sanit. Pak Dokter Prof Hilman juo mambuek ambo tacangang dek karano tahu asal SMA ambo nan SMAN 8, Jakarta, dan bacarito banyak tentang salah satu kepala sekolah SMA ko, urang awak banamo Ibu Hilma, nan malata'-an dasar-dasar disiplin nan mambuek SMA ko manjadi salah satu sekolah terbaik dan favorit di Indonesia sejak tahun 80-an. Ruponyo, ado juo anak Pak Dokter nan paranah basikola di SMA 8, ko. (Ambo lupo manyampaikan ka Pak Dokter bahwa saat tahun 2008 ado Reuni Emas 50 Tahun SMAN nan diikuti sekitar 2500 alumni di Balai Sudirman -- mungkin reuni terbesar yang pernah ado di Indonesia pado satu kesempatan -- ambo adolah Pemimpin Redaksi Buku 50 Tahun SMAN 8, Jakarta. Kalau anak Pak Dokter lai punyo buku tu, ado lo sajarah Ibu Hilma tatulih di sinan). Nan juo sangaik mambuek ambo terharu adalah undangan bundo Nismah untuak ambo jo istri agar datang baliak ka rumah bundo dalam waktu dakek agar bisa "membahas PRRI dan hal-hal lain". (Insya Allah bundo, apolai rumah mintuo ambo di Kompleks Kejaksaan Agung, Lebak Bulus, belakang stadion, iyo indak jauah bana dari rumah bundo). Tarakhia, untuak saluruah sanak palanta nan alah bakarajo kareh mambuek acara HBH bajalan lancar, semoga Allah malimpahi jo pahalo jo kasih sayangNyo ateh usaho sanak mamparek silaturahim nan indah ko. Mohon maaf ka bundo jo saluruah mamak, etek, uda, uni, dan sanak sapalanta nan datang tadi saandainyo ado kato-kato atau tindakan ambo jo istri nan kurang sasuai. Wassalam, Akmal Nasery Basral Cibubur Sent from my iPad2 On Sep 8, 2012, at 10:36 PM, yanto jambak <yantojam...@gmail.com> wrote: > HBH PALANTA RANTAUNET > > H…. ari elok bulannyo baiak > Rahmat dari Nan Kuaso > Putiah kapeh dapek dicaliek > Putiah hati lah tampak nyato > B…. asuluah bak matohari > Bagalanggang mato nan banyak > Di rumah bundo Nismah Rumzi > Lah bakumpua nan taserak > H…. alal bi halal caro awaknyo > Batamu muko basalaman > Di dunia maya lah tau namo > Kinilah baru taunyo roman > P…. atuik manjadi catatan kito > Makna dari silaturrahmi > Banyak ota jo carito > Manyampaikan niat di hati > A…. lhamdulillah Wasyukurilah > Sagalo puji Ka Nan Kuaso > Barakaik rahmat dari Allah > Terlaksananyo acara nangko > L ….ah saliang mangenalkan diri > Manyabuikkan namo jo gala > Dima kampuang jo nagari > Tamasuak kini dima tingga > A….lun tasabuik lah babaco > Alun batanyo lah bajawek > Ndak ado lai nan rahasio > Lah hilang bateh jo ambek > N…ak ayie pincuran tabik > Nak ulam pucuak manjulai > Samo balega di nan sampik > Samo batenggang di banang sahalai > T… ekad bulek niatlah taguah > Manyatukan visi jo misi > Maharok bana ka pangasuah > Palanta Rantaunet tatap badiri > A…po pun bantuak kasulitan > Mari kito pikua basamo > Usah taniat maninggakan > Sio sio karajo salamoko > > R….ang dapua dapek amanat > Banyak harapan dari anggota > Jan sampai patah semangat > Walau manjadi buah sasa > A…dat nan basandi sara’ > Sara’ basandi Kitabullah > Jan sampai ungkai jo urak > Dek ulah mato mancaliak salah > N…ak tau pucuak silaronyo > Panjeklah batang tinggi tinggi > Nak tau urek jo pitalo > Gali lah bana ka paruik bumi > T….ak kenal mangko tak sayang > Tak sayang mangko tak cinto > Mancaliak baru salayang pandang > Nambek di cacek buruak rupo > A…dat kito di kundang pai > Nan sara’ lakek di tubuah > Walau ka tingga di lua bumi > Dipakai bapantang lusuah > U…rang mancaliak lai sanang > Kok konon pulo kito nan punyo > Jan di buang tabu sabatang > Nyampang sarueh ulek basuo > N…ak tau rajin batanyo > Nak pandai rajin baguru > Nambek di upek jo di caraco > Kalau nan BANA alun lai tau > E…lok jo buruak ba pambandiang > Nak luruih rantangkan tali > Kok nyo bulek haram basandiang > Kok picak nyato ndak basagi > T…arimo kasih ka Bundo Nismah > Ateh sagalo acara nangko > Semoga manjadi amal ibadah > Panarangi jalan ka sarugo > > Pondok Indah 08092012 > Yanto Jambak (55) > MC Adat/penyiar Radio Pusako Minang Am 972 tng. > > > > > > > -- > -- > . > * Posting yg berasal dari Palanta RantauNet, dipublikasikan di tempat lain > wajib mencantumkan sumber: ~dari Palanta R@ntauNet > http://groups.google.com/group/RantauNet/~ > * Isi email, menjadi tanggung jawab pengirim email. > =========================================================== > UNTUK DIPERHATIKAN, melanggar akan dimoderasi: > - DILARANG: > 1. E-mail besar dari 200KB; > 2. E-mail attachment, tawarkan di sini & kirim melalui jalur pribadi; > 3. One Liner. > - Anggota WAJIB mematuhi peraturan serta mengirim biodata! Lihat di: > http://forum.rantaunet.org/showthread.php?tid=1 > - Tulis Nama, Umur & Lokasi disetiap posting > - Hapus footer & seluruh bagian tdk perlu dlm melakukan reply > - Untuk topik/subjek baru buat email baru, tdk mereply email lama & mengganti > subjeknya. > =========================================================== > Berhenti, bergabung kembali, mengubah konfigurasi/setting keanggotaan di: > http://groups.google.com/group/RantauNet/ > > > -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
