Kapan persisnya Wisata Nagari ko akan balangsung, sanak Armen?
Salam, Akmal N. Basral minds are like parachutes. they work best when open. ________________________________ From: Armen Zulkarnain <emeneschoo...@yahoo.co.id> To: "rantaunet@googlegroups.com" <rantaunet@googlegroups.com> Sent: Saturday, September 29, 2012 1:58 AM Subject: Bls: [R@ntau-Net] LPM Marapalam : Wisata Nagari 2012 Pak Iqbal Rahman rang Balanti tetangga ambo di Padang nan ambo hormati, Untuak acara wisata nagari ko indak ka payah bana apo nan harus dipersiapkan. Hanyo mambao babarapo halai baju untuak 3-4 hari sajo, sadangkan untuak kuliner di nagari akan kito persiapkan pado keluarga-keluarga nan rumahnyo menjadi homestay. Kito akan minta supayo samba-samba buruak khas kampuang nan nantinyo dibuekan. Dek karano kemungkinan kito barangkek dari Padang, dek apak lai di Padang pulo, ado rancaknyo transportasi kito persiapkan talabiah dahulu. Tahun 2011 nan lalu transportasi nan kito pakai dari pak Afrijon Ponggok nan baliau bao lansuang dari Pakanbaru. Dek karano itu, mungkin pak Iqbal Rahman bisa membantu agak ciek kendaraan nan kemungkinan kito paralukan labiah dari 2 unit, bagantuang kapado bara urang nan akan ikuik dalam wisata nagari 2012 nan ko. Dek ado 2 ittenary wisata budaya nan akan kito caliak, di Kanagarian Sumpur Kudus jo Kanagarian Lawang Luhak Agam, rancaknyo dipersiapkan peralatan kamera untuak kenang-kenangan pribadi. Salain itu, pado wisata nagari 2012 nan ko akan kito persiapkan dokumentasinyo nan nantinyo akan ambo bagikan pado masing-masing peserta, dek karano itu, ijan lupo pulo mambao flash disk nan cukuik gadang (sekitar 8 GB) sahinggo seluruh dokumentasi baik foto jo video bisa dipindahkan ka storage masiang-masiang. Mak Hilman, ado juo nan ingin ambo tanyo ka Inyiak Sunguik, Bara lamo inyiak Sunguik ko daulunyo badiam di Sumpur Kudus. Sabab kanagarian nan ko lokasinyo tasuruak di pelosok ranah minang, apolai sangkek wakatu sasiuak, transportasi ka Sumpur Kudus ko memang sabana rumik nan hanyo bisa ditampuak jo bajalan kaki. Indak saroman kini nan alah ado jalan aspal sampai ka nagari. wasalam AZ/lk/34th/caniago Sumpur Kudus, Sijunjuang asa nagari Kubang, 50 Koto babako ka Canduang Koto Laweh, Agam ________________________________ Dari: Iqbal Rahman <yesbon...@yahoo.com> Kepada: rantau groups <rantaunet@googlegroups.com> Dikirim: Jumat, 28 September 2012 7:16 Judul: Re: [R@ntau-Net] LPM Marapalam : Wisata Nagari 2012 Assalammualaikum Wr Wb Adinda Armen nan Ambo Banggakan Mambaco track Wisata Nagari 2012 nan Adinda kamukokan iyo rancak bana apolai ado napak tilas perjuangan PDRI dan wisata alam dan olahraga tamasuak lo wisata kuliner asli. Insya Allah kalau indak ado aral nan malintang Ambo sato baduo dih , jadi tolong catat namo ambo ( 2 urang ) sebagai calon peserta. sekaligus Ambo sowan dan Salam hormat ambo ka ka Ajo Duta dan uniang sarato ka Prof Hilman dan keluarga. mengenai syarat dan ketentuan nan balaku untuak ikuik program wisata ko ambo manuruik baa kecek E0 sajo Wasalam , Iqbal Rahman Powered by Telkomsel BlackBerry® ________________________________ From: Armen Zulkarnain <emeneschoo...@yahoo.co.id> Sender: rantaunet@googlegroups.com Date: Fri, 28 Sep 2012 03:27:20 +0800 (SGT) To: rantaunet@googlegroups.com<rantaunet@googlegroups.com> ReplyTo: rantaunet@googlegroups.com Subject: [R@ntau-Net] LPM Marapalam : Wisata Nagari 2012 Assalammualaikum wr wb Angku, mamak, bundo sarato dunsanak sapalanta RN nan ambo muliakan, Insya Allah, kiro-kiro akhir bulan Oktober atau awal November nan akan datang, kito cubo baliak ba wisata nagari mantun. Kalau indak ado aral malintang, mak Dutamardin jo mintuo, mak Hilman Mahyuddin, pak Afrijon Ponggok akan ka Sumpur Kudus bamalam agak sahari disiko. Acaranyo kito mulai sajak sore, dimano setelah singgah sabanta di Bukik Lontiak, kito cubo mancaliak rumah tampek rapek PDRI di nagari Silantai. Kudian baziarah ka makam Syekh Ibrahim di Tanah Bato. Setelah salasai mandi & shalat Magrib jo Isya, acara kito lanjuikan dengan pertunjukan randai, silek jo tari-tarian. Nan iko iyo indak kontemporer doh, seni tradisi nan usalinyo nan disuguahkan. Lokasi acara di pasa Calau, nan bisa manampuang cukuik banyak penonton walau cuaca sadang hujan. Untuak pencahayaan, lampu-lampu akan kito persiapkan. Bisuak paginyo, kito buek tamu-tamu ko manjadi agak mudo stek, untuak menjajal jalur tracking Lubuak Pandakian. Khusus untuak event nan ko, siapo sajo nan indak bao sipatu nan cocok, bisa mangirimkan nomor sipatunyo sahinggo bisa kito sadiokan sipatu boot nan lai cocok ukuranyo. Jalur nan biaso ditampuah oleh anak mudo sekitar 30 minik, akan kito sasuaikan untuak nan baumua lanjuik, kiro-kiro 2 jam jalan santai. Aienyo sabana janiah, kok ingin barandam bisa pulo. Untuak kodak jo video ijan pulo cameh, guidenyo alah manyadiokan untuak itu, bisa kito wawancarai lansuang hasil pandangan mato disinan beko. Ditangah jalan akan batamu bakeh sender PRRI nan daulunyo dioperatori oleh Inyiak Sunguik Sjamsir Sjarif. Untuak trek masuak, kito piliah jalur tali aia, nan lai mandata, untuak track pulang kito pakai jalur subalah kida batang Somi nan lai manurun. Salapeh dari Lubuak Pandakian, kunjungan ditaruihkan ka kandang jawi tahap I di Jorong Calau, untuak mancaliak perkembangan terkini kondisi jawi simmental nan ado sakaligus berkenalan jo peternak nan marintangi/manggiloi jawi-jawi mantun. Kito akan patamukan pulo jo perangkat nagari, niniak mamak, petugas PPL jo mantri taranak nan alah manyuntik IB si Kurapai jo Virginia kapatang. Mudah-mudahan Rara jo Binuang Sati indak lamo lai alah kanai IB pulo handaknyo. Mengenai penginapan, babarapo rumah penduduk akan kito jadikan homestay nan sakaligus bisa pulo menikmati kuliner khas Sumpur Kudus saroman samba daun kayu jo nan lainnyo. Untuak samba bilalang iyo indak ado pado wakatu nan akan datang, sabab memang hanyo ado di maso musim manyabik alah usai, sadang kini awah-sawah alah mulai dibajak nan manandokan musim tanam tibo. Setelah sahari samalam di Sumpur Kudus, insya Allah perjalanan akan dilanjuikan ka Pikumbuah. Akan kito atur jadwal ka BPTU Padang Mangateh, sahinggo jaleh pulo baa model jawi simmental nan haragonyo 40 jt jo 80 jt saikua produk BPTU Padang Mangateh nan dikirim ka seluruh BPTU nan ado di Indonesia ko. Satibo di kota Sanjai, peserta akan kito bao ka Mudiak Pikumbuah untuak mancubo mancaliak kerajinan songket di Kanagarian Kubang, lalu ka lubuak larangan ikan Gariang di Kanagarian Pandam Godang jo telempong batu di Kanagarian Talang Anau. Indak lupo singgah ka Danguang Danguang mancubo kuliner sate pek Mudiak Pikumbuah. Perjalanan akan dilanjuikkan ka Kanagarian Lawang di Matua, peserta akan istirahat di Lawang Park Homestay. Disinan pado malam hari akan kito cubo macaliak bantuak panuah danau Maninjau di malam hari, saroman pado foto Kemilau Danau Maninjau nan pernah ambo share di milis nan ko. Pagi harinyo, bagi nan lai banyali gadang bisa mancubo tandem paralayang atau tracking ka aia tajun nan ado di dakek lokasi. Untuak wisata budayanyo, akan kito siapkan sekitar 12 urang panabuah gandang tasa, tari piriang nan mainjak kaco, silek Matua jo rabano. Dari seluruh perjalanan akan mamakan wakatu 3 hari 2 malam, pabilo ado penambahan jadwal akan batambah agak sahari lai. Bagi angku, mamak bundo sarato dunsanak nan berminat, silahkan hubungi mak Dutamadin jo mak Hilman Mahyuddin. Dek karano iko wisata nagari, jadwal pastinyo silahkan dirundingkan basamo. Paliang lambek 10 hari sabalun hari H, kami bisa diagiah kaba untuak mempersiapkan kasadonyo. wasalam AZ/lk/34th/caniago Sumpur Kudus, Sijunjuang Kunjungi ranah minang, tanah pusako bundo kanduang ________________________________ Dari: Z Chaniago <z.chani...@gmail.com> Kepada: rantaunet@googlegroups.com Dikirim: Kamis, 27 September 2012 10:53 Judul: Re: [R@ntau-Net] travel highlight... Assalamu'alaikum Ww Angkek topi ambo ateh usao dari Mak Aslim dalam hal nangko..khususnyo tentang dokumentasi silek minangkabau... di salah satu tv terbatas ambo pernah maliek cuplikan dari hasil dokumentasi tsb.. Dalam skala nan labiah ketek ...kami alumni salah satu sikola di Maninjau lah mamasuakkan pasan-pasan sejenis di Almanak nan dicetak untuak alek alumni...., salah satu pasannyo ....." Alam Minangkabau semakin memukau oleh kemilai Danau Maninjau "..... :-) Wassalam Z Chaniago - Palai Rinuak ________________________________ Dari: Aslim Nurhasan ST SATI <aslimnurha...@gmail.com> Kepada: rantaunet@googlegroups.com Dikirim: Kamis, 27 September 2012 10:16 Judul: Re: [R@ntau-Net] travel highlight... Sanak Z jo Sanak Nofedn sarato Sanak saPalanta; kok nan namonyo program/kegiatan kepariwisataan nan dilakukan dek pemerintah, insyaALLAH awak lah banyak nan tau, baa baa nyo .........! koq dek Ambo, labiah rancak kito lakukan dan sebar-luaskan apo nan bisa dilakukan sacaro langsuang atau nan dilakukan bagotong-royoang, tamasuak pencerahan dan bukan melakukan hal2 nan negatif; apo nan dilakukan dek Sanak Nofrins, patuik kito contoh, tamasuak sikap Liau terhadap sagalo tanggapan dari babagai kalangan. baansua-ansua, Ambo manjalankan dan mampromosikan Wisata Nagari Minangkabau, dan Alhamdulillah kini lah pulo mulai ado rombongan-rombongan dari lua Indonesia nan datang ka Ranah Minangkabau; sabaluntu, Ambo mambuek Ensiklopedi Silat Minangkabau, bairiang jo Ensiklopedi Silat Indonesia, batambah lo jo Wisata Silek ka Ranah Minangkabau, Alhamdulillah lai baransua juo ........... salaintu, Ambo talibaik pulo di Musyawarah Adaik nan diselenggarakan dek Solok Saiyo Sakato, LKAAM SUMBAR sarato pemerintah daerah Solok nan Tigo, Alhamdulillah banyak pulo tanggapan positif dari lua entitas budaya Minangkabau bbrp hari lalu, Ambo posting pulo tantang Minangkabau Jazz di Palantako. jumaik bisuak, 28 september 2012, Ambo jo bbrp Sanak Minangkabau lain ka bagotong-royoang pulo mambuek sarato mampromosikan Minangkabau, khususnyo untuak anak mudo (SLTP, SLTA, PT), malalui musik pop kreatif atau nan paliang cocok untuak mereka; salah duo syair nan ka diolah adolah: KATO MANGATO BUDI | Aslim Nurhasan ST SATI | Depok | Minggu 120923 | Kato kato marangkai baso Bahaso manyusun budi Budi manunjuak nurani Nurani datang dari Nan Kuaso Lah sarik Kato bamulo Sayo Jarang Kato baawa Denai Banyak pulo Kato bapangka Ambo Nan biaso, Aden kato rang balai Kato Sayo Kato Denai Kato Ambo Kato Aden Kato nan barasa dari badan diri Lah jarang tadanga Kato Liau Nan banyak Kato Inyo Ndak kurang bak Kato Waang Sambuah pulo nan Kato Urang Kato Liau Kato Inyo Kato Waang Kato Urang Kato nan barasa dari Urang lain Kato Kito Kato Kami Kato Kalian Kato bulek mupakaik basamo Ranah MINANGKABAU | Aslim Nurhasan ST SATI | Jakarta | Selasa 120925 | MINANGKABAU | World's Heritage and Noble Indonesian Culture MINANGKABAU | World's Paradise MINANGKABAU Ranah Surgawi Sado tasadio bak manikam Gunuang bukik lereang jo lambah Danau basambuang batang aia Bamuaro di lauik lapeh Hamparan hutan ladang ba sawah Batingkah tabek, taratak sarato parik Udaro dingin sajuak sampai nan angek MINANGKABAU basandi Syara' Syara' basandi Kitabullah Budayo khas Nusantara Prosesi adaik manganduang makna Alek Anak Nagari nan mampurangah Masakannyo disukoi urang sadunia Ndak basuo di lain tampek Lah jadi pitih dek urang lain Jadi kajian dek banyak ahli Jadi contoh dek banyak urang Surau lapau rantau Tampek baraja Anak Nagari Jadikan diri insan sejati Malayia dunia jo kayakinan Jadikan diri urang baguno Bangun Ranah Minangkabau jadi maju mohon berkenan masukan dan kalau ado nan ka sato, silahkan kontak Ambo. -- Salam Ta'zim --------------------------------------- Aslim Nurhasan ST SATI | http://www.haragreen.co.id/ | Manusiakan Manusia, Materi Bukan Takaran Saling Hormat | | Produk Budaya; Citra Diri & Potensi Kesejahteraan Anak Bangsa | | aslimnurha...@gmail.com +62811918886, @aslimnurhasan 22BC124D | ® -- -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/