Assalamualaikum warochmatullohi wabarokatu.
Bapak, Ibu, Mamak, Uwan, Uni dan Adiak di Palanta NAH.
Selamat Tahun Baru 1434 Hijjrah
Semoga di tahun ini kita mendapatkan Ridho dari Allah SWT.
Aminnnnn
Mohon izin menulis catatan ringan oleh-oleh dari Sumbar Expo
Lapau Nan Sabana Lapau
Sasudah duo jam bajalan dari Jatiwaringin ka Senayan sepanjang 18 KM hari Sotu
tgl. 10 Nov. 2012, sekitar jam duo, sampai juo Ambo di Lapau Rantaunet.
Sadang mamacik-macik buku, kalender dll nan ado di ate meja, Ambo sapo urang
nan manggalas.
Sia namo ?. Reny Pak.
Ambo Reflus.
Ondee..iko nan namonyo Pak Reflus.
Pak Aslim, Pak Aslim…. Iko Pak Reflus. Ambo dikenalkan jo kawan2 Rantaunet nan
sadang tagak-tagak di dakek Stand. Miko, Nofend, Afrinaldi dll
Tadi ado Pa Hilman. Ajo Duta dll. Kecek Reny..
Sadang maota-ota sambia tagak, datang Bapak mangapik buku dan langsuang
dilatakan di ate meja. Judul buku “ POLEMIK Adat Minangkabau di Internet” Azmi
Dt. Bagindo.
Absen, absen…kecek si Reny, padohal indak ado buku/daftar absen nan ka dituli.
Ruponyo, absen model kini “Bakodak”. Doeloe, Bakodak barang mewah, film dan
cetak foto maha. Ondee….iyo la maju zaman kini.
Indak lamo, datang Pak Prof. Hilman. Langsuang Ambo sapo karano la kenal. Pak
Prof Hilman nan mengenalkan Rantaunet ka Ambo wakatu kami basobok samo-samo
mambali Bika Si Mariana.
Pak Prof. Hilman, tarimo kasi banyak. La banyak kawan Ambo kini.
Sajuta kawan kurang. Satu musuh kebanyakan.
Kecek Pak Azmi Dt. Bagindo sambia manunjuk. Itu “Zultan” ahli matematika.
Sasudah kami berkenalan. Absen…absen….La Bakodak lo ciek lai.
Karano la banyak nan bakumpua, makin sero ota. Mulai dari Matematika, falsafah
Olang-Olang nan dicaritokan sangek detil oleh Pak Azmi Dt. Bagindo dan carito
menarik tentang Gusdur oleh Pak Prof. Hilman ha ha ha.
Bapisah jo Pak Prof Hilman dan Dunsanak Zultan, Ambo jo Pak Azmi Dt Bagindo
kalua mancaliak urang main Olang-Olang.
Baa kok indak pakai saruang tangan ?. Biso luko tangan, kecek Ambo.
Disitulah seninyo, jawek Pak Azmi Dt. Bagindo. Ooooo….
Dek penasaran, Ambo mandakek ka pemaian Olang-Olang nan sadang asyik mamacik
banang.
Rancak Olang-Olangnyo. Bulie Ambo pacik sabantah.
Silahkan Da. Ati-ati..Tangan Uda alui. Keceknyo sambil tersenyum.
Badanguang Olang-Olang nan sadang Ambo pacik. Lamak banaa….
Sambil mangambalikan banang. Dari ma ?. Piaman.
Tarimo kasih kecek Ambo.
Samo-samo Da.
Dari Olang-Olang, kami (Ambo jo Pak Azmi Dt. Bagindo) masuak ka Seminar nan
sadang membahas tentang mendidik “Anak”
Disampiang kami, duduak Pak Abraham Ilyas dan Pak Asmun Sjueib. Ajo Duta,
duduak di kursi paling muko.
Di ate pangguang: Taufik Ismail, Buya Leter (Drs. Tuanku Bagindo H. Mohammad
Leter) , Musliar Kasim, Fazli Jalal, Fariz RM.
Banyak ilmu nan dapek di siko. Bisa satu buku kalau dituli he he he
Singkek carito, sasudah Sembahyang Magrib di Musholla “Driving Range” nan
talatak di muko Stand Sumbar Expo, Ambo jo Pak Azmi Dt, Bagindo baliak ka
Rantaunet.
Di sinan basuo Jo Ajo Duta. Dek panek tagak sambia moata. Kami duduak di muko
Martabak Kubang.
Maota hilie- Mudiak sampai jam 9 malam sambie manyantap Martabak Kubang . Lamak
banaaaaa.. Nyam…Nyam….
Kapado Bapak2. Ibu2 dunsanak Palanta “Rantaunet” . Tarimo kasih tak terhingga
ate budi baiknyo.
Mohon beribu maaf atas kekhilafan Ambo.
Salomo ko basuo di Lapau “Maya”
Iko “Lapau Nan Sabana Lapau”
Jatiwaringin, 15 November 2012
Salam,
Reflus/L .55 Th.
Note : Dinda Akmal N. Basral. Basalisie jalan awak.
Sent from my iPad
--
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
