Minggu nan lewek ambo bakasampatan manginap di Hotel Hills Bukiktinggi, hotel nan cukuik gadang di kota tu, dalam rangka mengikuti Seminar dan Festival Internasional SeaMAF 2012 di ISI Padang Panjang. Umumnyo para partisipan internasional nan datang dari berbagai negara diinapkan dek Panitia di Bukiktinggi. Babarapo nan lain juo ado nan diinapkan di hotel-hotel di Padang Panjang. Peserta seminar dan festival datang dari Balando, Australia, Malaysia, Perancis, Brunei, dan dalam berbagai perguruan tinggi di Jawa dan daerah lainnyo. Pagi2 sasudah sarapan, Prof. Margaret Kartomi dan peserta2 internasional lainnyo, jo Ambo, maongkok2 ka lobby hotel, mancari2 kok ado brosur wisata nan dilatak'an di sekitar lobby hotel, nan bisa diambiak sacaro gratis dek urang2 nan manginap, nan ingin mangunjungi tampaik2 nan unik di sekitar Bukiktinggi, baiak unik dari segi sejarah, alam, kuliner, dll. Mukausik kami nak pai maliek2 apo nan unik dan nan menarik sekitar Bukiktinggi. Hal sarupo iko tantu alah agak biaso dek Ambo sebagai urang awak, tapi dek Prof. Margaret Kartomi dari Australia, Prof. Henri Chambert-Loir dari Perancis, dll. peserta dari negara jiran dan kawan2 di luar Sumatra, tantu iko kesempatan untuak mangatahui Ranah Minang, khususnya Bukiktinggi dan daerah sekitarnyo. Ojok ka ojok, indak nampak brosur2 nan sarupo tu doh, nan biaso dengan mudah kito dapek'an di berbagai hotel dan institusi2 nan relevan (penjual tiket kereta, dll.) di negara2 nan lah sadar wisata (comtoh dakek sajo: Malaysia jo Singapura). Kasudahan kaji, kami pai sajo ka lua hotel bajalan kaki ndak tantu arah sae. Etnomusikolog Margaret Kartomi, nan alah pernah merekam babarapo musik Minang, saketek bakomentar (tapi taraso lado giliang dilepongkan di talingo Ambo): "BAGAIMANA KOTA BUKITTINGGI YANG PUNYA SEJARAH PANJANG DAN PUNYA PEMANDANGAN ELOK DI SEKITARNYA TIDAK PUNYA INFORMASI WISATA APAPUN DI HOTEL-HOTELNYA? KEMAREN SAYA JUGA TANYA KEPADA SALAH SEORANG RESEPSIONIS HOTEL, SIAPA ITU TAN MALAKA. MEREKA HANYA TERCENGANG DAN BILANG TIDAK TAHU." Salamo 3 hari di Bukiktinggi tu ambo cubo mengamati sajauah ma kesadaran kepariwisataan pihak berwenang kito di Bukiktinggi (nan mungkin merepresentasikan Sumatra Barat pado umumnyo, tanpa mengabaikan adonyo pengecualian, sarupo Sawahlunto). Ambo ambiak kesimpulan (mudah2an kesimpulan ko maleset): KONSEP PARAWISATA KITO IYO CO URANG MANJUA KACANG ABUIH JUO BARU. Banyak nan dapek kito jua, tapi kito indak pandai mengemasnyo. Kito baru sampai pado pamikiran manjuanyo jo bungkuih daun karisiak baru. Info ka info dari muluik ka muluik. Jual ketengan. Di sekitar Bukiktinggi sajo banyak nan bisa kito jua, samisa NAGARI KOTO GADANG, JAM GADANG, dll. Tapiu kito alun bisa mengemas bagian2 nan unik dari kota Bukiktinggi tu lai sahingga punyo nilai tambah. Alah bakali2 studi bandiang ka nagari lain, pikiran pihak berwenang kito tampak e alun juo tasingkok lai. Alun tampak konsep nan terencana untuak MANULIHAN informasi umum tapi padek mengenai situs-situs wisata tu dalam brosur-brosur wisata nan dikemas sacaro menarik dan menyebarkannyo di hotel-hotel, travel2 biro, pusat2 penjualan kuliner, dll. sahinggo dapek diambiak dek siapo pun nan datang ka Ranah Minang. Tabayang dek ambo, APOKOH SARIK BANA MAMBUEK BROSUR2 SARUPO TU? APO KA ABIH BANA APBN BARATUIH JUTA ATAU BAMILYAR2 UNTUAK MAMBUEK BROSUR SARUPO TU? Di tangah fenomena nan sarupo ko, ambo liek Sawah Lunto agak maju saketek caro bapikianyo. Kutiko Ambo turun ka Padang dan singgah makan di satu rumah makan di Lembah Anai, ambo liek di muko meja kasir ado pamflet Festival Musik Internasional nan akan diadokan dek Pemda /Dinas Pariwisata Kodya Sawah Lunto. Lansuang ambo semba ciek. "Gratis sajo, Pak", kecek si kasir rumah makan tu. Tampak e alah ado kesadaran dari Pemda Sawahlunto mamanfaikkan potensi rumah2 makan kito nan ado dimano2 tu untuak menyebarkan informasi wisatanyo. Singkek kato: manuruik pandangan ambo, alun ado revolusi lai dalam caro pengelolaan wisata kito: pakai metode jua kacang abuih juo baru lai. Saharusnyo Bukiktinggi jadi contoh nan elok, nan bisa ditiru dek daerah2 lain. Dalam kamar hotel nan ambo dapek'i hanyo daftar menu kalau nan mamasan makanan. Indak ado brosur wisata apopun nan ka mampu menarik para penginap untuak bapikia mampapanjang maso tingga di Bukiktinggi gak satu-duo hari lai, mambalanjokan dollar, euro, jo ringgiknyo. Jadi, konsep pariwisata terintegrasi --karajo samo antari berbagai elemen: Dinas Pariwisata, Perhiotelan, Travel Biro, Rumah2 makan, dll. -- tampaknyo alun tabantuak lai di nagari awak. MASIANG2 BAJALAN SORANG2 SAE BARU. Konsep parawisata Sumbar tampak e untuak RANG RANTAU NAN KA PULANG KAMPUANG sajo baru. Atau paliang2 untuak parantau Cino awak dari Negeri Sembilan nan taragak maliek tanah niniak muyang e. Jadi, kok Malaysia atau Singapura nan samponjok tu dapek manariak wisatawan mancanegara bakali2 lipek dari kito, indak paralu pulo doh kito bingik. Tampuruang kapalo e lah tabukak dalam caro2 mengelola pariwisata e. Contoh ketek sajo: DALAM PISAWEK MALAYSYIA AIR LINES nan ambo tompangi fari KL ka Jakarta, diputa instumen2 musik dari Sumatra, tamasuak musik Minang. Iko jaleh indak kebetulan. Iko adolah strategi lintas institusi: antaro pariwisata, badan penerbangan, dll. Kutiko ambo naiak garuda, lai tadanga juo instrumen co itu, tapi instrumen lagu2 perjuangan (heroic songs). Jadi, raso ka naiak parang juo awak dalam pisawek tu. Baitulah kasan ambo saketek kutiko pulang kampuang kapatang. Tarimo kasih ka rang dapua Rantau Net, Dinda Nofend nan lah mangawani ambo bamalam di Soeta tgl 27 November, sabalun mangaja pisawek ka Padang pagi2 buto bisuaknyo. Mohon maaf kalau ado kato2 nan tadorong. Wassalam, Suryadi
-- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
