Assalammualaikum wr wb
Angku, mamak, bundo sarato dunsanak sapalanta RN dimano sajo barado nan ambo hormati. Manaruihkan apo nan disabuikan pak Mochtar Naim kapado pak Saaf mengenai 'pemilik' RN ko, timbua tanyo dihati ambo nan alun juo tajawek sampai kini sajak ambo bagabuang di milis nan ko pado awal 2010 nan lalu. Tantunyo, sabagai mailing list urang Minang nan paratamo, sejarah sajak jolong dari milis nan ko alah taurai panjang. Hal iko bisa disigi labiah lanjuik pabilo kito ingin mamaresonyo di media IT ko. Banyak dijalehkan pado blog milis RN nan dapek dicaliak pado http://rantaunet.wordpress.com/ atau babarapo thread terdahulu nan diarsipkan oleh urang dapua. Babarapo urang dapua juo pernah bagantian maurus pengelolaan milis nan ko, nan mano pabilo kito kana-kana baliak, umua mailing list nan ko kok kito samokan jo padusi, iyo sadang lantiak-lantiaknyo bana kini. Kok diibaraikan pado maso sisuak, alah patuik pulo mamak dari padusi nan ko mulai manyigi-nyigi siakolah nan patuik dijadikan junjuangan dek kamanakan nan tun. Babaliak ka judul thread nan ambo sampaikan, pabilo dibuliahkan ambo ingin batanyo, sia kolah nan sabananyo maurus pengelolaan/manajemen dari milis RN nan ko. Apokah dipegang oleh suatu organisasi berbadan hukum saroman LSM ataupun yayasan, atau nan sifatnyo komunitas. Baa ko hal mantun nan ambo tanyokan? Sabab, dari babarapo website komunitas nan ambo ikuti, ado babarapo aturan nan harus dipatuhi oleh satiok anggotanyo. Sebagai contoh pado situs fotografer di http://www.fotografer.net/, ambo harus mengisi data pribadi nan sajaleh-jalehnyo nan kudian disaratoi scan dari kartu identitas saroman KTP/SIM/Pasport. Sahinggo seluruh postingan bisa dipertanggungjawabkan & hal iko sabana penting untuak manjago hak cipta dari foto-foto nan alah dipublikasikan. Nan tampak dek ambo - urang nan mudo matah ko - pengelolaan dari milis nan kito cintai ko, masih alun samparono bana. Sabab dek karano itu, persentase dari peserta nan aktif mengirim thread ataupun menanggapi thread nan alah dikirim sabana babandiang tunggang jo jumlah member nan bagabuang di milis nan ko. Salain itu, dimaso-maso nan akan datang, verifikasi anggota milis sabana urgent untuak tatap manaruihkan pengelolaan dari milis nan ko. Baa kok baitu? Walaupun fasilitas milis nan kini digunokan adolah dari googlegroup nan indak manggunokan biaya operasional, namun keberadaan server untuak hal iko sabana paralu, apolai kalau kito mengkaji pentingnyo suatu arsip nan manyimpan seluruh thread dari maso ka maso. Dengan baitu, ado pergantian generasi taruih manaruih dari seluruh keanggotaan milis nan ko dari maso ka maso. Dan banyak hal nan bisa dilakukan saroman pembuatan kalender oleh Mappas nan bisa dibagikan kasadonyo member nan ado. Baitu pulo pado peristiwa kemalangan ataupun musibah pabilo terjadi di ranah minang, caro badoncek labiah mudah dilakukan pabilo seluruh member terverifikasi. Adolah hal-hal nan ambo caliak kini sadang tajadi di group RN pado situs jejaring sosial facebook, dimano labiah banyak tajadi perdebatan nan sifatnyo bakaruak daripado berdiskusi untuak memajukan ranah minang. Hal iko disababkan sifat pengelolaan group nan terbuka, dimano seluruh member dengan mudahnyo bisa mendaftar akun nan lain nan alun terverifikasi dengan jaleh. Hal ikolah nan bisa mambuek banyak akun nan indak jaleh (akun hantu aru-aru) nan labiah banyak ka kida arah postingannyo daripado mancubo mambangun ukhuwah islamiyah. Baitu pulo satantang urang dapua, nan mano hinggo kini masih basifat sukarelawan sajo atau indak dibayia. Sukarela ko defenisinyo sabana beda jo 'voolunter' kalau manuruik ambo. Baa kok bitu? Sabab ambo lai terdaftar sebagai volunter di organisasi kebencanaan nan disabuik Insarag, namun lai pulo bagaji pabilo ado bakarajo, nan mano jariah mantun bisa digunokan untuak membiayai operasional pado kegiatan di nagari-nagari salamo ko ateh namo organisasi LPM Marapalam. Sadangkan sukarela dalam bahaso kito ko, iyo sabana barila-rila, sahinggo ado keterbatasan dari urang dapua nan manuruik ambo indak lai masuak dalam kaji pado maso kini ko. Sabab mengelola sebuah situs/milis ataupun apopun namonyo iyo sabana menyita wakatu. Dek karano itu,pabilo kito ingin akuntable ataupun proposional tantu harus sabana manduduakan sesuatu pado tampeknyo pulo. Jadi.... baliak ambo kabatanyo pado nan tuo-tuo di milis nan ko, sia kolah nan mengelola milis nan ko? Apokah YPRN? Atau nan lain atau nan babarapo urang sajo dari tagabuang disiko? Sabab, ambo mancaliak, banyak pulo nan aktif disiko lai aktif pulo di masing-masing organisasi perantau saroman BK3AM, Gebu Minang ataupun organisasi perantau tingkat kabupaten/kota saroman Bakor Agam, S3, PKDP, Gonjong Limo, IKTD, IKPS sarato masing-masing IK-IK dari nagari asa masing-masing. Ambo mancaliak potensi milis RN nan sabana urgen sebagai media lintas nagari asa/lintas kabupaten asa nan bisa kito sabuik malampaui bateh-bateh nagari ataupun luhak. Hal ikolah nan indak bisa dikaokan oleh media ataupun organisasi perantau minang manopun, nan bisa kito sabuik memasuki wilayah 'supra nagari'. Jadi... tanyo ambo ko tantu untuak seluruh member palanta nan ko, baiak nan aktif mengarim/menanggapi thread nan ado salamo ko ataupun nan kodok mandok-mandok di suduik kalam sajo. Mudah-mudahan ado nan bisa kito pasegeh untuak mambuek labiah maksimal dari kagunoan milis nan ko ka muko. Mungkin itu sajo nan bisa ambo sampaikan, kok ado kato nan indak pado tampeknyo, iyo mohon rila jo maaf kabakeh angku, mamak, bundo sarato dunsanak sapalanta dimano sajo barado. wasalam AZ/lk/34th/caniago Sawah Tongah,Kubang, 50 Koto sadang di dangau ________________________________ Dari: Mochtar Naim <mochtarn...@yahoo.com> Kepada: "rantaunet@googlegroups.com" <rantaunet@googlegroups.com> Cc: MOCHTAR NAIM <mochtarn...@yahoo.com> Dikirim: Jumat, 1 Maret 2013 18:08 Judul: Re: Bls: Re: OOT Bls: Re: Bls: [R@ntau-Net] MOCHTAR NAIM NKRI VS NPRI JILID 2 Pak Saf, Masuak-tak-masuaknyo tu tantu ndak bak janyo urang surang. Musti dibaokan ka balai musyawarah. Aa, alah ado balai tu di RN ko, sahinggo RN ko ndak bak janyo urang surang atau sakalompok ketek urang sajo, saparti kacandarungan salamo ko. Mengenai tulisan ambo nan lansuang Pak Saf cantumkan OOT nyo tu, misalnyo. Kalau Pak Saf nan punyo RN ko, bisalah dimangarati. Tapi iko kan indak. MN 01/03/13 -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.
