“Ado nan aneh taraso dek ambo dalam babarapo hari ko di surek kaba ‘Singgalang' ko,” kato Kari Garejoh.
“Aponyo nan aneh?” Tanyo Uwo Pulin sambia malatak-an kopi di ateh meja Kari nan kabatulan memang baru tibo di lapau tu. Sadangkan kawan-kawannyo lah dari tadi duduak di palanta. Tu, mah Tan Baro lah sibuk jo barita-barita di surek kaba, Uncu juo lengah mancaliak acara televisi. Samantaro nan lain asik maota apo sajo nan taraso labiah sero dipaotakan. “Tapi iko mungkin hanyo parasaan ambo se yo. Dulu di Padang ado terminal oplet di pasa raya. Dakek itu ado pulo pusat patokoan Iwapi namonyo. Pusat patokoan itu dibangun untuak maatasi banyaknyo masalah urang manggaleh katiko itu. Antah babulu incek mato mancaliak terminal tu, antah baa, tibo-tibo di sinan dibangun tampek balanjo moderen dan terminal angkutan kota pindah ka jalan. Kasudahannyo patokoan Iwapi bantuak rumah tingga indak bapauni se lai. Di situ lai banyak juo urang manggaleh, tapi indak bajuabali. Urang manggaleh nan dulunyo bisa dapek pitih jutaan rupiah sahari, kini payah bana mandapek puluahan ribu. Toko batingkek tu kini bantuak pondok lapuak, tirih dan ciek lai dijadikan tampek kajamban dek urang banyak, sahinggo kini baunnyo samo jo kakuih tingga. Anehnyo lai, pamarentah ka mangganti patokoan itu jo terminal oplet pangganti terminal oplet nan lah disulap jadi patokoan moderen,” kato Kari manjalehan. “Baa kok bantuak itu, Kari? Manyasa pamarentah kota mungkin yo?” Tanyo Tacin. “Itulah, indak mandanga kato urang banyak. Kini taraso dek pamarentah kota bahaso terminal oplet sabana paralu di siko. Caliaklah, salamo indak ado terminal, jalan-jalan di pasar raya tu macet satiok datiak,” kato Angah Piyan pulo mangaluakan pandapeknyo. “Ado juo nan aneh ciek lai, Ngah!” Sorak Kari. “Apo tu?” “Ha...., iko kajadian di Mantawai. Dulu Pak bupati situ mausulkan namo-namo untuak diangkek manjadi Sekda. Dari tigo nan diusulkan tu, disatujui ciek namo dek pamarentah pusat, tapi anehnyo sampai kini urang tu indak dilantik-lantik. Bantuak-bantuaknyo Pak bupati indak nio jo nan inyo mintak tu doh,” kecek Kari. “Baa lo, tu? Sudah dimintak, sudah tu indak pulo nio. Batele namonyo tu mah!” Udin Kuriak lah sato pulo. “Itu makonyo aneh manuruik ambo. Kok indak nio, manga dulu diusulkan. Samo jo awak bakirim ka induak bareh nan pai ka pasa, mintak dibalikan makanan. Induak bareh diagiah kasempatan untuak mamiiliah ciek dari tigo jinih makanan nan taragak dek awak, sarupo sate, cindua atau martabak. Katiko dibalikan cindua, tibo-tibo indak awak makan, apo indak tasingguangurang rumah dibueknyo tu? Awak nan mintak, tapi awak lo nan indak suko,” kato Kari Garejoh. “Kok itu, iyo aneh mah. Memang di nagari awak ko banyak nan aneh-aneh. Tapi, ka baa juo lai. Inilah negeriku, negeri kita bersama,” kato Angah. Espe St.Soeleman No virus found in this outgoing message. Checked by AVG Free Edition. Version: 7.5.516 / Virus Database: 269.20.6/1282 - Release Date: 15/02/2008 19:08 --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca dan dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur dan Lokasi anda pada setiap posting. - Hapus footer dan bagian yang tidak perlu, jika melakukan reply. - Email attachment, DILARANG!!! Tawarkan kepada yang berminat dan kirim melalui jalur pribadi. - Anggota yg posting email besar dari >200KB akan dibanned, sampai yg bersangkutan minta maaf & menyampaikan komitmen akan mengikuti peratiran yang berlaku. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahul -~----------~----~----~----~------~----~------~--~---
