[R@ntau-Net] Re: Fwd: [R@ntau-Net] Re: DIM 19 :Mohon Info Carito/Kaba Rancak di Labuah

[Dr.Saafroedin BAHAR]

Assalamualaikum w.w. Inyiak Sunguik, Bundo Hayatun, dan para sanak sa palanta, Ambo alun panah mambaco Kaba Rancak di Labuah tu lai, dan kini ambo ingin bana nak mambaconyo, karano nampaknyo salain manunjuakkan nan elok-elok juo indak tangguang-tangguang mambae nan indak elok dalam masyarakat Minangkabau. Jadi layak masuak dalam wacana kito tantang ABS ~SBK. Ambo daftarkan sabagai DIM 19. Kalau ambo indak salah, dalam RN ko dulu panah ado rangkaian posting dari fragment kaba Rancak di Labuah ko, antaro lain tantang enam jinih panghulu, saparati 'panghulu nan di tanjuang, panghulu pisak sarawa, panghulu katuak-katuak' dan lain-lain sabagainyo. Sabagian posting tu ado ambo simpan di 'file'. [Ambo agak hati-hati mangutip soal panghulu ko, karano di antaro para netters kito salain ado panghulu, juo ado nan kritis taradok panghulu. Ambo tamasuak nan kritis ko, dan rasonyo halal-halal sajo. Presiden jo mantari, bahkan panglima TNI dan Kapolri sajo lai buliah kito kritisi, apolagi panghulu, nan manuruik salah surang netter, fungsinyo saroman ketua RW]. Lagi pulo, sasuai jo saran Inyiak Sunguik, buku Rancak di Labuah ko rancak bana dijadikan bacaan wajib untuak nan mudo-mudo pangikuik latihan 'Training of Trainers' dari Gebu Minang nan -- jiko diizinkan Allah swt -- akan ambo tangani jo kawan-kawan sasudah ko. Kalau Bundo alah baliak ka Jakarta, tolong Bundo buekkan ambo fotokopi buku Rancak di Labuah tu. Kalau ambo indak salah di Depok ado usaho fotokopi nan bisa mangcopy buku sarupo jo aslinyo. Buku Rancak di Labuah tu rasonyo tapek bana sabagai rujukan untuak 'Kompilasi Norma Etika Minangkabau'. sabagai sandiangan Kompilasi Hukum ABS SBK Wassalam, Saafroedin Bahar (L, 70+6+13, Jakarta) 'Ya Allah, tunjukilah selalu aku jalan yang lurus dan Engkau ridhoi' 'Sebaik-baik manusia adalah yang bermanfaat bagi manusia lainnya' 'Taqdir di tangan Allah swt, Nasib di tangan Manusia' 'Puji syukur aku sampaikan pada-Mu ya Allah, atas segala rahmat dan nikmat yang telah Engkau anugerahkan kepada aku dan keluargaku'. 'Mari berlomba berbuat kebaikan' 'Setiap manusia adalah baik, sampai terbukti sebaliknya' 'Jangan pernah berhutang dan jangan mudah berpiutang' --- On Sat, 2/23/08, Hayatun Nismah Rumzy <[EMAIL PROTECTED]> wrote: From: Hayatun Nismah Rumzy <[EMAIL PROTECTED]> Subject: [EMAIL PROTECTED] Fwd: [EMAIL PROTECTED] Re: Mohon Info Carito/Kaba Rancak di Labuah To: "RantauNet Mailing List" <rantaunet@googlegroups.com> Date: Saturday, February 23, 2008, 2:24 AM hambociek <[EMAIL PROTECTED]> wrote: Date: Fri, 22 Feb 2008 17:46:36 -0000 From: "hambociek" <[EMAIL PROTECTED]> To: Hayatun Nismah Rumzy <[EMAIL PROTECTED]> Subject: [EMAIL PROTECTED] Re: Mohon Info Carito/Kaba Rancak di Labuah Maa Bundo Nismah, angku Noven St. Mudo sarato Rang Lapau nan Basamo, Ambo lah mambaco Rancak di Labuah sajak mudo, lah acok, babaliak- baliak bilo rindu, baulang-ulang bilo takana, bak kecek urang, kok siang ambo patungkek, malam dilatak dikalang ulu. Ambo rekomendasikan supayo Carito Rancak di Labuah dijadikan buku wajib nan indak buliah dilengahkan dek para pancinto latar bulakang variasi etika Minang. Kalau Bundo memang ado punyo buku tu, itu tandonyo lai dicetak ulang. Tantu dapek dicari di toko-toko buku an punyo koleksi carito Minang saroman Pustaka Indonesia di Bukittinggi. Bali buku tu, baco basamo-samo, baco jo anak kamanakan , simpan untuak pusako. Kalau untuak pusako barangkali rancak dibali agak duo, ciek untuak anak nan dipangku, ciek lai untuak kamanakan nan dibimbiang, supayo jan jadi pakaro warih-ka-warih pulo nanti, batangka pulo adat jo sarak :). Baa tu Angku Saaf? [Bana tumah, Inyiak. SB :-)) ]. Tapi dalam era elektronikko, kito, satidak-tidaknyo kito Rang Lapau nan Basamo, dengan sakali tuncik sajo lah dapek tabarumbun buku tu, dapek baco sandiri langsuang sasudah mambaco postiang ambo ko. Angku Angthony H. Johns nan mantarjumahkannyo ka Bahaso Ingiirih,mamaliharo teksnyo dalam Caro Awak, adolah Urang Sumando kito dari Baruah, Nagari Kanguru, Australia. Sabalun bagolak PRRI, baliau maaja di STC Bahasa Inggeris di Bukittinggi. Ambo raso Ayah Rumzy kenal jo bvaliau. Ambo panah basuo jo baliau katu tu. Istri baliau dari Padangpanjang, bekas mahasiswa baliau wakatu itu. Sajak bagolak tu ambo indak panah basuolai. Balaiau kaduonyo kini di Australia. Kok disampaian Tuhan ambo ka Australia ingin ambo bacarito jo baliau. Nah, kini tuncik lah url ko: http://seapdatapapers.library.cornell.edu/cgi/t/text/text-idx? c=seap;idno=seap029 Salamat mambaco manikmati kaba Rancak Di Labuah sambia baraja Bahaso Inggirih.. Salam, --MakNgah Sjamsir Sjarif Author: No Author Title: Rantjak di Labueh: a Minangkabau kaba. A specimen of the traditional literature of central Sumatra based on the version of Datuk Paduko Alam and Sutan Pamuntjak, as reprinted by Firma Soeleiman, Bukit Tinggi, 1951. Edited, translated, and with an introd. by Anthony H. Johns. Publication Info: Ithaca, New York: Cornell University Library Print source: Ithaca, New York: Southeast Asia Program, Dept. of Far Eastern Studies, Cornell University, 1958 Subject terms: Indonesia URL: http://seapdatapapers.library.cornell.edu/cgi/t/text/text-idx? c=seap;idno=seap029 --- In [EMAIL PROTECTED], Hayatun Nismah Rumzy wrote: > > Assalamu Alaikum W. W. > Nofend dan sanak kasadonyo, > Bundo ado punyo buku Rancak Dilabuah tu dan caritonyo banyak nasehat2 sajo. Intinyo carito rang bujang Minang nan Rancak Dilabuah (Gayanya Dijalan) tapi isinyo indak ado. Dinasehati dek mandehnyo Siti Budiman baa caro manjadi niniak mamak, cadiak pandai, pangulu, manjalang babini, dan manjalang balaki. > Nantilah kalau Nopen lah baliak dari Aceh dan bundo lah di Jakarta baliak awaak basuo sabab lah lamo awak indak basuo sajak bundo ka Aceh dek sari. > Salam bundo untuak Jingga manis serta Siska, > Hayatun Nismah Rumzy > > "Nofend St. Mudo" wrote: > Assalamualaikum sanak sadoalahnyo. > > Kawan ambo, gadi Minang - Jawa, sangek tertarik sekali jo carito Rancak Dilabuah, lah ambo cari2 Ringkasan mengenai carito tu di google, ndak ado nan basuo, kok judulnyo sajo lai banyak. Kalau ado sanak nan punyo atau manyimpan ringkasan carito iko, minta ambo kok lai buliah, ditunggu via Japri J > > Atau kok nan punyo buku dan lah mambaco bagai, a bana inti nan disampikan dari carito iko, dan siapo2 sajo tokohnyo, sia tau ado nan baminat atau maangkek carito iko ka layar lebar :p > > Ateh bantuannyo, ambo ucapkan banyak tarimo kasih. > > Wassalam > > Be a better friend, newshound, and know-it-all with Yahoo! Mobile. Try it now.

---

Never miss a thing. Make Yahoo your homepage.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet.
- Tuliskan Nama, Umur & Lokasi anda pada setiap posting.
- Hapus footer & bagian yg tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur pribadi.
- Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]

Daftarkan email anda pada Google Account di: https://www.google.com/accounts/NewAccount?hl=id
Agar dapat melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---