Assalamu'alaikum wr.wb. Walikota/Bupati/Gubernur dipiliah oleh rakyat Sumbar. Artinyo Rakyat Sumbar punyo harapan untuak manyalasaikan masalah-masalah nan ado di Sumbar ka mereka-mereka tu. Ambo yakin, siapo pun nan jadi Walikota/Bupati/Gubernur talapeh dari kekurangan dan kalabiahannyo, pasti alah bausaho kareh untuak mamajukan daerah nyo dengan Sumber Daya nan ado, tapi itu alun bisa manyalasaikan masalah-masalah nan banyak tu, terutamo pasca gampo 2009 lalu. Pemda memang salah maminta angok ka lua, tapi Pemda pasti alah bausaho marangkul pengusaha atau investor muslim atau pribumi lainnyo tarutamo dari etnis Minang, tapi nan marespon himbauan Pemda untuak investasi tu alun sasuai harapan. banyak pengusaha etnis Minang yang masuak dalam milyuner dan trilyuner, tapi karano pertimbangan bisnis dan lainnyo, mereka mamiliah mainvestasikan dana nyo di lua Sumbar, ado pulo nan punyo usaho di Sumbar, tapi katiko inyo invest mambangun RS malah mamiliah di Riau. Untuak apak-apak senior-senior mantan eksekutif, legislatif dan yudikatif nan kini kontra, manuruik ambo sah-sah sajo.. hanyo sajo mereka-mereka tu setuju atau tidak ikuik pulo punyo andil dalam mambuek kebijakan negara dan daerah di maso lalu dan maso kini, tamasuak masalah investasi. Dan di Indonesia kebijakan investasi ado koridor sarato dasr hukum nyo. Tingga masalah MORAL sajo lai. Cuma karano lah talanjur tajadi, ndak sagampang tu pulo mamantahkan agrreement investasi tu sacaro sapihak karano intervensi masyarakat. Ado caro lain nan labiah elegan, karano iko badan usaho, untuak mampengaruhi kebijakannyo masuaklah jadi bagian pemegang sahamnyo. Sahinggo apo pun kinerja dan program nyo bisa dipantau dan dipengaruhi.. Apolagi Siloam ko ka malempar saham ka Publik (IPO), artinyo akan ado nanti laporan keuangan sacaro terbuka, dari laporan keuangan tu bisa pulo dibaco kama lari nyo. Masalah mall, caliak baliak di Blue Print pasca gampo dan Sunami Aceh, Padang paralu banyak gedung tinggi di daerah merah Sunami, untuak alternatif evakuasi tadakek, untuak mambangun gedung tinggi pemerintah daerah ndak punyo pitih, pengusaha lokal pun baitu pulo masih takuik-takuik invest maingek resiko rugi (kok maasuransikan aset nyo maleh pulo), hanyo ituangan jari sabalah tangan pengusaha lokal nan istiqomah nio invest di Sumbar tu dengan segala pertimbangan resiko nyo.
Iko hanyo pandapek pribadi ambo, ambo ndak ado keterkaitan samo Pemda atau Pemkot. Masalah Malaysia, urang Indonesia ko sifaik nyo pemaaf dan capek malupo kan, cuma dek Malaysia ko acok mancidoi urang Indonesia mako nyo agak sensitif saketek, apolagi masalah bateh wilayah. Kok dikatokan Malaysia tu rancak bana akidah islam nyo, mungkin katiko di nagari nyo sajo.. waktu pai malala ka lua nagarinyo , banyak pulo nan kebablasan moral nyo. karano manusai tu punyo keterbatasan. Samo-samo kito caliak lah nanti baa pulo carito nan tajadi... masalah utamo tu banyak di nagari, urang Minang kalau baorganisasi kalua dari lingkup nagari nyo, susah untuak disatukan karano egaliter nyo. Alah banyak organisasi ba Minang-minang lintas nagari nan tagak, hampia sado nyo pingsan.. Sebagian nan kontra jo investasi Lippo di Padang di Palanta ko tamasuak konsumen Matohari, Hypermart, Foodmart, RS. Siloam, dan sagalo merek dagang dari badan-badan usaho tokoh-tokoh Kristenisasi di Indonesia ko. Jadi bak cando manapuak aia di dulang ma. salam Reza -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.
