Assalamu'alaikum Warahmatullahi Wabarakaatuh, Kembali jo nan ringan-ringan,
Ambo nio sharing saketek soalan makanan wajib kutiko urang pai mairiak ka sawah ko. Mantunlah nan ambo dapati salalunyo kalo pulang kampuang saisuak di Nagari Tilatang Kamang kampuang kami. Samba nan dibaok untuak mairiak tu antaro lain : Gulai cubadak jo cancangan galeme Ikan rayo bagoreang balado sirah Karupuak kamang kadang karupuak ubi balado Sabana lamak makan di lampok padi kutiko ari alah mulai luhua Tapi bukan itu nan ka ambo caritoan sabananyo. Di Batam ko ado rumah makan padang nan lamak lo masakannyo mirip jo nan di Bukiktinggi kampuang ambo tu. Kawan-kawan ambo nan babeda-beda etnik disiko ko ampia salalu manolak kalau ambo ajak untuak makan ka rumah makan Padang ko. Alasannyo bukan karano masakannyo ndak lamak, tapi masakannyo terlalu lamak sahinggo susah mangontrol katiko makan. Pernah sakali waktu mereka nyarah jo bujukan ambo. Bayangkan seorang amoy cantik nan dandanannyo bisa mambuek rontok iman laki2 iduang balang indak bisa mahantikan makan jengkol gulai tambah jo jengkol maco balado nan tahidang. Sampai puncak iduangnyo kalua karingek, padohal itu jam makan siang dan ambo tau sebagai BE inyo akan kalua lo sabanta laih ka batamu customer perusahaan. Itulah Bu Rina ini, ntar napas saya bau lagi, ah tapi biar ajalah, kan sekali-sekali hehehe. candanya. Satu orang kawan lain lagi masalahnya. Makanan ini too oily katonyo. Tapi indak bisa manahan diri untuak manmbuah gulai ayam nan inyo sabuik gulai kari tu. Its wonderfull keceknyo. Sampai ka potongan nan ka limo inyo manyarah. Kasihan ambo, sebab wajahnyo seperti orang berdosa nan malahap begitu banyak makanan. Hancur dietku, keceknyo padiah ka ambo, tapi tetap tagalak-galak. Walaupun baitu mereka tetap sanang, sebab kami makan saimbang. Pabilo mereka tibo jadwalnyo harus makan vegetarian karna kepercayaannyo nan babeda jo ambo. Ambopun dengan senang hati ikuik sato pai makan bareng jo mereka. Toh ampia sadonyo terbuat dari bahan yang halal. Seluruhnyo dari bahan tumbuhan, bahkan untuk bawang putiah sajo mereka indak mamakai, sebab manuruik pemuka mereka itu menyebabkan urang batambah emosi atau nafsunyo. -------- Kebetulan ambo hari minggu kapatang taragak bana nak ka manggulai cubadak ko. Pailah ka pasa Sabtu pagi. Di tampek urang manggaleh dagiang ado tetelan nan alah disisiahkannyo segar. Ambo pacik2 kironyo iyo memang segar bana. Ambo bali sakilo saharago 65 rb dr 70 rb didiskon 5 rb. Hahaha. bukan didiskon sabananyo tapi diago hehehe.. Langkok sadonyo paragaik untuak gulai cubadak ko, pulanglah ambo ka rumah. Sibuk mamasak gulai cubadak sampai alah takariang-kariang aia. Datanglah si Papa nan pulang dari karajo. Ih salero bagindo," koment si Papa. Kacoklah dulu kecek ambo. Mas memang agak alergi manengok kuah gulai nan pakek kuniang baminyak. Bikin neg katonyo. Kebetulan tadi ambo salain mamasuakkan tetelan juo ambo tambah jo tunjang kaki jawi nan masih malakek tulangnyo. Jadilah Gulai cubadak istimewa tu untuak marusak keyakinan si Papa. Diambiaknyo jo piriang tapisah duo potong cubadak plus tunjang. Dengan gaya ogah-ogahan dimakannyo sambie berusaha menyibukkan diri jo tayangan di TV. Tapi raut muko Mas indak bisa mangicuah. Nan dimakan tu terlalu menyita perhatian dan saleronyo. "Baa. tambuah ? tanyo ambo. "Hehe.. jawek baliu ko akhirnyo, langsuang tagak surang mamiliah-miliah gulai cubadak nan masih di kuali tu. "Hmm. nangkanya enak, koment liau singenek indak lamak hati. Sampai-sampai merah muko Mas malu surang hihihi. Ambo langsuang tagalak. "Memang susah untuak indak mangakui kalo masakan Padang tu enak bukan ? kecek ambo gali. Sebab salamoko Mas senang sekali memprotes tentang bumbu masakan Padang nan bejibun. Kan ndak perlu seperti itu, bantahnyo. Cukup garam, bawang putih sudah. Jadilah maasakan sederhana setiap kali kami makan. Ikan, ayam dan daging dg garam dan bawang putih. Bahkan daging kambing dengan jeroannya hanya dengan garam dan bawang putih, dia sanggup memakannya dengan mantap. Merusak salero makan si Padang sajo. Kadang-kadang ambo maraso lucu jo kulikat etnis suku bangsa lain terhadap Minang. Khususnya di kuliner ini. Sadar jo lamaknyo makanan Padang tapi takuik dengan berbagai macam dalih. Ironis sajo rasonyo.. hehe. Wassalam Rina, 35, Batam -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.
