CADIAK TAJUA Yo hebat nagari awak
Nan basandikan adat jo sara' Nan ndak mati jikok di asak Nan ndak layua jikok di anjak Nagari di pimpin dek niniak mamak Urang nan arif sarato bijak Tau mambaco garik jo garak Tau ma agiah jo ma agak Tau di baji ka malonjak Tau pilatiang ka malantak Tau di duri ka ta injak Tau di urang ka talantak Ko tagak indak manyundak Kok duduak indak mahanyak Kok bajalan indak marentak Kok bakato lambuik jo lunak Sawah ladang ba petak petak Tabek jo danau ba tumpak-tumpak Ado maninjau jo singkarak Ayie janiah ikannyo jinak Rumah gadang lumbuang tatagak Panjamu urang nan banyak Sitangka lapa jo litak Ka tampek musafir mamintak Nagari adil makmur semarak Ka hilia samo bararak Ka mudiak samo ma onjak Sa ayun lenggang jo rantak Sabalun kakok ka di iyak Sabalun rencana ka di bukak Salalu ba iyo jo nan banyak Satuju atau ko indak Sa ukua mangkonyo rancak Sasuai mangko takanak Pantang mamakai baju bakatak Nan mambuek sanggang katiak Tapi itu maso dahulu Sakian tahun maso nan lalu Surau masih ba Tuangku Rumah gadang bapanghulu Takambang payuang tiok suku Masyarakat bahu mambahu Kamanakan di bimbiang anak di pangku Baso jo basi nomor satu Tapi kini kok dicaliak Bak ayam baranak itiak Sakandang balain biliek Salantai balain lapiak Bijak hilang nan ado cadiek Hilang ramah nan timbua mantiek Balagak elok tapi munapiek Di lua licin didalam kuriak Mamak lah bak kato mamak Kamanakan lah baserak Lah ba babateh ba kotak-kotak Ndak ado lai bicaro awak Ulama banyak nan pakak Panghulu banyak nan ngangak Labuah lanyah tamporo lah rampak Nan mamak gilo malonjak-lonjak Bialah rumah kupak-kupak Bialah tanaman nak ta injak Walau ka carai adat jo sara' Nan paralu aman tagak Dapek puji dari ateh Duduak tanang bakipeh-kipeh Bia nagari nak nyo tandeh Ndak ado lai ambek jo bateh Pamimpin lah somboang jo ongeh Pantang tasaliang jo talinteh Aka singkek muncuang cipeh Program banyak karajo maleh Lah banyak contoh nan tampak Antah dima salah talatak Lah jaleh awak nan punyo lapak Galeh urang nan babukak Untuak mandukuang parawisata Ado tour basipeda Tapi ado nan jangga Babukak jo budaya Jawa Budaya awak antah kama Basuruak an takuik kalua Katiko di aku dek malaysia Baru sadonyo taciraka. Kinilah banyak nan hiruak Kamanakan lah bacangkuak Nan baliau ma angguak-angguak Antah kanyang antah takantuak Ratok kok indak ka bapujuak Tangih kok indak ka ba umbuak Jan dado di tapuak-tapuak Agak-i pulo kok jatuah isuak... 02052013..Y.Jambak Mc.Adat/MM&Penyiar Radio Pusako Minang 972 am tgr -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.
