BABI BUTO Tasabuik kisah babi buto
Ampie samo jo kandiak luko Ba mato lai mancaliak tido Jauah pandangaran dari talingo Konon kaba manuruik carito Tingkah jo laku kok di baco Iko lah nan paliang babahayo Baiak ka urang atau ka dirinyo Asa lai ado nan di muko Ndak piduli sia sajo Baiak kureta ataupun oto Tangan kosoang basinjato Sadonyo pasti nyo lando Indak nyo ukua bara tanago Bara kamampuan nan nyo punyo Nan pantiang nyo marabo Kadang urang dek ibo Baniat nak mambao Marubah gaya jo caro Nan salamoko dalam rimbo Nan tau hanyo gabelo Umbuik sagu umbuik rumbio Makanan masak alun mancubo Hiduik di kandang alun nyo kao Tapi dek hatinyo lah baturo Nalurinyo lah bakato Iko urang ka maniayo Ka mambuek badan cilako Sadonyo sajo ka nyo tundo Bapanggakkan saiang nan duo Lupo jo urang basinjato Saba urang lah abih pulo Akhianyo maragang nyawo Lihie cabiak arang tangango Apo gunonyo dapek namo Lalok lah pindah ka pusaro Tapi iko hanyo carito Di dalam rimbo tasuonyo Binatang nan disabuik hino Parangai sa umua jo duniako Mudah-mudahan dek kito basamo Indak maniru jo manconto Karano kito tau agamo Tahu pahalo jo doso Adat dek kito bapaliharo Agamo tatap bajago Tapi....babeda padi jo banto Balain capo jo ganjo Buliah sajo mangiro-ngiro Tapi bukan baburuak sangko Kok di kaji sabab jo karano Tuhan sadonyo punyo rahasio Antah indak antah iyo Antah bana antah duto Jan hilang raso jo pareso Jan abih aka jo rasio Amal ndak akan bapahalo Kalau lah bacampua jo doso Ndak ciek juo ajaran agamo Nan manyuruah kito basangketo Nan paik-paik kok dicubo Ka jadi ubek biasonyo Kok manih-manih nan taraso Biasonyo manjadi tubo Buya Hamka pernah bakato Kalau hiduik sakadar karajo Baruak di rimbo bakarajo pulo Kalau dipanggak kan nafasu sajo Gadang malah nafasu kudo Kalau ka samo rato samo raso Buruak jo baiak ndak ba ceno Tantu kito ka samo sajo Jo judul nan di atehko........ Y.Jambak...1506 2013. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.