Ondeh manggigia lutuik MakNgah mambaconyo. Raso tadanga pakiak adiak tu, jari malang tacukam sangek satangah senti. MakNgah nan siyuak-siyuak-i dari jauah... Syukurlah dapek katarangan inkobasi sangeknyo 24 jam. Lai indakgambuang doh yo?
Nah carito duduak-duduak atau tagak-tagak bajalan-jalan di batu-batu tapi pantai Batam tu, lai indak ado Rina tapijak jo ameh hilabuang bagai? Atau Undang-undang Batam lai maniru martabat Singapura, ameh hilabuang indak ado baleak-leak sinan. Mangko takana di MakNgah Ameh Hilabuang di tapi pantai tu, karano pangalaman hampia muntah-muntah di Pantai Indah Danau Dibawah tahun 1985. Awak manikmati keindahan danau, duduak-duduak di meja piknik di tapi danau. Indin awak mangaca aia danau nan segar. Pai lah MakNgah ka tapi aia nan babatu-batu tu. Eeeh... indak disangko-sangko ampia tapijak ameh hilabuang... Untuang alun jadi takaca aia danau dan indak tagega kok tapijak ameh hilabuang tu ...Yack... Salam, -- MakNgah Sjamsir Sjarif On Sunday, June 23, 2013 9:42:25 PM UTC-7, Rina Permadi wrote: > > Assalamu’alaikum Warahmatullahi, > > > > Mungkin akan menimbulkan pro kontra kalo judul ko harus dilabeli OOT, tapi > ado kok kaitannyo jo si Minang nan dari Darek. > > > > Iko hanyo himbauan dari ambo nan pahobi mamapeh. Dek di Batam ko > sakuliliang lauik, jadilah ambo hobbi mamapeh dilauik. Salain ambo alah > tranformasi dari dulunyo suko manggali caciang untuak taranak itiak ambo > manjadi ibuk-ibuk nan jijay jo galinggaman jo caciang, makonyo ambo ndak > nio dan bisa mamapeh di aia tawa takah Fajri nan kiniko ambo yakin sadang > mamapeh ikan gadang di Nipon Steel ten. J > > > > Salain itu ambo agak kurang badabok darah pabilo trike jo ikan aia tawa. > Ndak ado danyuiknyo, seolah-olah si ikan memasrahkan diri dibaok mato kaia. > No adrenalin… > > > > Tapi bukan itu nan ka ambo bagi disiko. Ambo nio mambagi pengalaman buruak > nan tajadi dakek ambo dek ulah si ikan sembilang ko. Ado duo kejadian. > > > > Partamo kutiko ambo iseng-iseng mamapeh sambie jalan-jalan sore ka tapi > lauik babatu-batu di Marina Beach City. Tampek tu agak tasuruak di sabalah > kida pelabuhan Ferry Marina City. Ado lapau makan nan manggaleh seafood > disinan. Tapi indak ambo rekomenkan doh sebab salain kurang fresh > seafoodnyo trus haragonyopun norak-norak. Tapi pemandangan sore > duduak-duduak disinan lumayan fresh. Bisa mancaliak Tongkang-tongkang nan > sadang dop di tapi lauik dimukonyo di kajauahan juo dilapehan agak ka suok, > nampaklah nagari subarang Spore. > > > > Di tampek tu ambo mauluan papeh di dakek batu-batu tu. Kironyo dicatuih > dek ikan sembilang ko. Ikannyo bantuaknyo persis lele atau limbek. Tapi ado > tambahan sangek di pungguangnyo. Kalo lele punyo duo sangek nan si > sembilang punyo tigo sangek. Dari mancaliak lakek sangek si sembilang ko, > ambo raso biso si sembilang jauah labiah babahayo dari si lele. > > > > Nah, ukatu tu pembantu ambo nan urang Pasaman lansuang mamacik ikan > sembilang batu nan bawarna kahitaman tu. Padohal Mas alah mamparingekkan > kami, jan dilapehan dulu, tunggu kecek Mas. Tapi adiak ko alah lansuang > mamacik sambie mangecek kalo inyo alah biaso mamacik lele di kampuang. > > > > Jo mato kapalo sandiri ambo mancaliak baa proses nan namonyo ‘dipatil > sembilang’ ko berlangsung dalam hitungan datiak tu. Pas dipacik, ikan ko > nan luruih lansuang malangkuangkan badannyo mangantak ka ateh, sahinggo > sangeknyo nan takah duri tu lansuang manancap ka jari tangah si adiak ko. > Tabanam sekitar sasenti ka dalam jarinyo di ruas pangka. Ondeh… mengerikan > mancaliaknyo. Inyo tapakiak nan ambo takajuik, tapi untuanglah nyalinyo > masih kuek. Indak ilang aka lansuang nyo cabuik sangek sembilang dari > tangannyo. Ambo nan ngilu mancaliak. Akhirnyo acara jalan-jalan sore > berakhir ngilu. Sakiknyo sabana ngilu mangantak-ngantak sampai bisuak > sorenyo baru ilang sakiknyo. Ampia kami baok ka rumah sakik, takuik kok > baa-baa. Tapi setelah manalepon abang nan kebetulan masih dokter umum > katiko tu, kato abang, racun sembilang bertahan 24 jam. Batua sajo, pas > alah sore bisuaknyo, baru inyoko bisa mailangkan karuik di kaniangnyo > manahan ngilu. > > > > Nan Kaduo, kejadiannyo pas jalan-jalan juo ka pantai Tanjung Pinggir > Sekupang. Pantai ko bersebelahan jo rawa, sahinggo pilihan mamapeh ado duo > disiko. Bisa aia tawa dan bisa di aia asin (pantai). Lataknyo nan agak > tasuruak juo jo hutan barawa nan masih alami, banyak dimanfaatkan untuk > acara kemping tarutamo pas 17 agustusan atau tahun baru. Lokasi ko sangat > indah sebab pandangan kea rah kota nagari sabarang Spore taraso sangaik > dakek. Raso-raso sapajangkauan tangan sajo. Indah bana pabilo cuaca cerah > indak ado kabuik sanjo atau pagi lapeh subuah. Nampaklah lampu-lampu jo > gedung-gedung tinggi nan basusun dikota tu. > > > > Ups, back to laptop. > > > > Nah, di aia nan mangalia diantaro batu-batu dari rawa-rawa ka lauik tu, > kadang-kadang nampak-nampak ikan-ikan ketek nan main-main. Mungkin > ikan-ikan lauik nan sanang di aia payau. Kutiko sepupu Mas nan asli urang > Gunung Kidul Jogja manampak si ikan lele lauik ko sadang main diantaro > batu-batu. Tanpa pikia panjang lansuang baliau cakau ikan ko. Indak ado > laih, langsuang mode kanai sentrum. Barangkali badannyo kurang sehat atau > sangek ikan ko nan dahsyat. Lansuang kajang-kajang di tempat. Lansuang > balarian ka klinik dokter. Alhamdulillah bisuaknyo sehat baliak. > > > > Jadi pabilo ado sanak sudaro kito nan bukan dari pasisie pantai tantu > indak tau jo ikan ko doh. Samo sajo jo ambo indak tau jo ikan-ikan lauik > dek hanyo tau jo maco atau ikan tongkol basaik nan ado di pasa Bukik. > Pangatahuan ambo tantang ikan lauik baru agak batambah setelah marantau ka > kota pulau ko nan sakuliliangnyo lauik ko. Indak ado salahnyo kito > hati-hati jo ikan nan ciek ko walaupun masih banyak laih jenis ikan-ikan > lauik nan lamak tapi babahayo pabilo salah penanganannyo. Walaupun ikan > sembilang ko sangat enak pabilo dibuek asam padeh atau oku ala Menado jo > wewangian kemangi ditingkah daun limau puruik sarato padehnyo lado > karitiang sirah plus asamnyo asam tunjuak bacampua asam kandih manyirah > mangaldu mantap. > > > > Dibaliak padiahnyo sangek sembilang tasuo lamak manihnyo dagiangnyo nan > sedap. > > > > Wassalam > > Rina,35, Batam > > (lagi pengen nulis-nulis sajo ditangah ari Sinayan ko) > > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.
