Mamanda Mak Ajo Duta jo dunsanak palanta,
Kalo di pulau-pulau ketek di Kepri ko saroman itulah nan tajadi. Pabilo ado keramaian takah kawinan, 17 agustusan, tahun baru dll. Orgen tunggal badantang-dantang sampai tadanga jauh ka tangah lauik. Sagalo permainan perjudian diadokan. Penari-penari indak jaleh dikatangahan. Lomba sagalo lomba nan babau judi diadokan. Disikolah banyak nelayan nan mahambua-hambuakan kepeng e. Mrk terlalu baharok ka lauik nan salalu manyadiokan makan dan nafkah. Susah bana marubahnyo sebab alah manjadi tradisi. Mesjid mereka megah-megah dan kutiko waktunyo barisi juo cuman yo itu. Tradisi dengan judi ko takah alah mandarah dagiang. Ambo tengok sendiri tampek judi di lapau ketek di tapi lauik di dakek jembatan duo Barelang Batam. Kutiko pas lapau ko tabanam ka lauik dek tonggak-tonggaknyo lapuak. Taroroh sadono ka dalam lauik isino. Tapi syukurlah indak ado korban doh. Tapi peningnyo nan mambantu mangakkan tenda darurat sarato adolah tantara. Dan tenda nan dipasang adolah tenda tantara nan bawarna ijau lumuik loreng-loreng tu. Nan lansuang diisi baliak dek penjudi antah datang dari maa sajo, sambuah oto baranti di parkirannyo. Ambo acok kasitu sebab disitulah pelantar atau dermaga ketek tampek turun ka lauik naiak perahu bamotor. Tragisnyo nan manguasoi tampek tu adolah ibuk-ibuk nan alah baumua. Sabana padiah patiak okok e. Mode itulah para lelaki di pulau nan suko bajudi, tiok ari iduiknyo samakin tabanam di judi ko. Dan kadang lucunyo, takah urang baliak dari musajik, pakai kupiah jo kinsaruang tapi duduak di meja judi di lapau tu. Mularaik apo nan ka indak. Herannyo kok yo dipadiakan sajo dek aparat malah kesannyo takah didukung. Ambo mambaco masalah nan bakaitan antaro fenomena hiburan orgen tunggal, penarinyo, permainan judinyo dll di RN ko. Taringek ambo jo kondisi disiko ko. Ambo liek sendiri baa akibatnyo ka kehidupan nelayan di pulau-pulau disiko ko. Jan sampai mode itu pulo nagari awak. Ancua sampai ka urek-urek tunggangnyo bagi nan malakoni. Tapi bagi nan manyadarinyo Alhamdulillah lai lakeh sukses. Asalkan rajin bausaho jo disiplin akan management diri jo plan jangka panjang. Dibantu bana mereka ko indak berarti doh, begitu berhasil, hasilnyo bukan anak bini tapi lakeh baliak ka tampek judi baliak. Tape de. Kalo ditengok bana, orgen tunggal ko pangka bala dari sagalo macam nan aneh-aneh tu, antah tu miras, judi jo kejahatan lain nan mangikutinyo. Termasuk kehancuran rumah tangga mereka sendiri dek salalu barangak jo bini. Takadang batua juo kecek Andrea Hirata, urang nan suko kopi paik indak sanang bagai hatinyo kalo kopinyo diagiah gulo. Sedangkan kopi paik tu adolah perumpamaan kopi urang mularaik. Dibantu bana, indak manggatuih doh. Tapi baalah iah, awak golongan lemah nan hanyo bisa mancaliak dan mandoakan supayo iduik mrk barubah. Pernah mambantu tapi yo takah pamarentah, indak talok mansubsidi kapanjangan se doh. Diagiah kaia tapi sampai kaia tu patah, nan hasia abih tandeh sajo, geramnyo yo ka judi tu. L Mako bahayo perubahan lifestyle ko yo indak main-main doh, mengerikan. Ambo pernah bacarito jo seorang kakak nan mambukak lapau makan di tapi pulau ko. Katonyo pendapatan nelayan kutiko malauik tu rato2 lumayan. Nan manjariang udang misalkan biasonyo minimal dapek saembe kalo dikilo ado rato2 4-10 kg. Harago di pengepul @ 90 rb. Nah dikurang minyak dll, masih lebih dari cukup, tapi herannyo mereka suko barutang dan bajudi. Itulah nan mambuek keadaan semakin ari semakin parah. Tengkulaklah nan samakin ari samakin kayo dibueknyo. Wassalam Rina, 35, Batam From: rantaunet@googlegroups.com [mailto:rantaunet@googlegroups.com] On Behalf Of ajo duta Sent: Tuesday, June 25, 2013 3:50 AM To: rantaunet@googlegroups.com Subject: Re: [R@ntau-Net] Wabah Orgen Tunggal di Pasaman. Iko nan labiah parah marusak iman anak nagari. Awak heboh manantang proyek LG di Padang. Semantaro di seluruh nagari organ tunggal jo rok mini alah manjadi virus indak terbendung. Wassalaamu'alaikum Dutamardin Umar (aka. Ajo Duta), 1947, suku Mandahiliang, Gasan Gadang, Pariaman. Virginia-USA ------------------------------------------------------------ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.