Assalamualaikum w.w. Inyiak Sunguik, Sanak Adyan, Sanak Taufiq Rasyid, dan para sanak sa palanta,
Tarimo kasih ambo sampaikan ateh makin bakambangnyo pamahaman ambo tantang arati
kato 'sandi', jadi nampaknyo indak tabateh ka ibarat batu sandi nan dipakai katiko kito ka
mambuek rumah sajo. Ambo alah mambukak situs nan manjalehkan tantang adat
Pandai Sikek, dan sabana tatarik paratian ambo ka penjelasan di bawah ko.
" Baitulah
dasar adaik nan barlaku di Pandaisikek, sajak badirinya" tahun 1805 Masehi.
Jadi sajak sabalun parang Padri, dan sabalun parjanjian Bukikmarapalam.
Sajak itu alah samo bapakai aturan adaik jo aturan agamo manuruik prinsip jalan
duo nan baturuik, kato duo nanbapakai, partamu jalan adaik kaduo jalan
sarak. Kaduo-duo aturan adaik jo agamo dipakai manjadi aturan dan
filter perilaku. Dalam arti walaupun sasuai jo agamo tapi indak sasuai jo
adaik sulik untuak dilakukan. Baitu pulo, bia sasuai bana jo adaik tapi
indak sasuai jo agamo indak dapek pulo dilakukan. Jadi nan bisa
dikarajokan hanyolah sasuatu nan dibuliahkan oleh kaduo aturan itu.
Adapun
adaik Minangkabau, sajak parjanjian Bukikmarapalam,
mamakai prinsip Adaik basandi sarak sarak basandi kitabullah.
Sabalunnyo adaik basandi alue, alue basandi mupakaik (demokrasi
caro kininyo)
Sabananyo
kalau diparatian antaro adaik urang Minangkabau jo adaik urang Pandaisikek
sangaik babedo. Karano adaik urang Minangkabau alah malalui
parubahan (evolusi) wakatu parang Padri. Sadangkan adaik urang Pandaisikek
sasuai sajo jo urang Padri sabab sarak lah tamasuak kadalam dasar adaik
nan bapakai."
Ado nan manarik paratian ambo dalam wacana kito tantang ABS SBK ko, yaitu silang sangketo nan tajadi sabananyo indak tantang hal nan mandasar, khususnyo indak tantang Rukun Islam dan Rukun Iman, tapi tantang wujud kalimbagoan sarato tantang pengamalannyo dalam sikap, perilaku dan perbuatan sehari-hari dalam masyarakat, ringkasnyo tantang norma etika atau norma moral. Masalah ko mungkin bisa masuak dalam apo nan disabuik urang sabagai proses 'inkulturisasi atau 'akulturasi' antaro dua kebudayaan nan babedo asanyo satu samo lain.
Kalau ambo paratikan penjelasan di ateh, adat Pandai Sikek ko mungkin bisa manjadi pilihan E, yaitu dalam hiduik bamasyarakat bausaho sacaro sadar untuak manyatukan norma moral adat jo norma moral nan diajakan agamo, dan manjadikannyo sabagai pegangan nan utuh, sahinggo indak ado konflik nan timbua, tantunyo tamasuak dalam masalah kekerabatan dan hukum waris nan salamo ko
banyak jadi masalah. Sikap dasar nan dianuik labiah tabuka, indak a piori , untuak kamaslahatan basamo. Sacaro konseptual mungkin bisa disabuik alah ado 'planned social change' , parubahan sosial sacaro tarancana. Ambo sadang bapikia-pikia tantang baa caronyo marumuskannyo nan tapek ka dalam Draft Hukum ABS SBK.
Tantangan bagi kito adolah baa caronyo maangkek intisari dari panyatuan antaro adat jo agamo, nan alah bajalan baiak di Pandai Sikek ko, ka tingkek Minangkabau maso kini, nan kaadaannyo bamacam-macam. Jo kato lain, baa maadokan 'planned social change' untuk saluruah Minangkabau. Jaleh bahaso iko karajo gadang dan bajangko panjang. Untuak itu gagasan Dr Mochtar Namin tantang adonyo Dewan Adat dan Syarak jaleh paralu.
Wassalam,
Saafroedin Bahar (L, 70+6+22,
Jakarta)
'Taqdir di tangan Allah, Nasib di tangan Manusia'
'Ya Allah, tunjukilah selalu aku jalan yang lurus dan Engkau ridhoi'
''Sebaik-baik manusia adalah yang bermanfaat bagi manusia lainnya'
'Mari berlomba berbuat kebaikan'
'Puji syukur aku sampaikan pada-Mu ya Allah, atas segala rahmat dan nikmat yang telah Engkau anugerahkan kepada aku dan keluargaku'.
'Setiap manusia adalah baik, sampai terbukti sebaliknya'
'Jangan pernah berhutang dan jangan mudah berpiutang'
--- On Sat, 3/1/08, hambociek <[EMAIL PROTECTED]> wrote:
From: hambociek <[EMAIL PROTECTED]>
Subject: [EMAIL PROTECTED] DIM 33: HUBUNGAN STRUKTURAL ANTARA ADAT
DAN SYARAK. Re: Syara' dan Adat
To: RantauNet@googlegroups.com
Date: Saturday, March 1, 2008, 10:30 PM
Maa Angku Saaf, Angku Adyan, Angku Taufiq, sarato Rang Lapau nan
Basamo,
Assalamualaikum warahmatullahi wabarakatuh,
Iyo Angku Taufiq, sasudah maota via YM (Yahoo Messenger) jo Angku
Adyan sanjo ko, Mak Ngah lah talalok lamak. Antah bakaruah antah
indak iyo indak tadanga di awak doh, sabab karuah tu tadanga dek
urang nan jago. Tapi sacaro instinktif --indak kanai papeh garam
doh -- lai tasintak tajago surang pukua tigo untuak sumbayang
tahajud. Samantaro tu ruponyo urang di Lapau sadang baiyobana
manalah kato "sandi" nan MakNgah sanang baraja mancaliak
pambahasannyo.
Variasi kato "sandi" nan dikatangahkan Angku Adyan, diesoh
kato "sanda" nan digosohkan Angku Taufiq, manyababkan paratian
MakNgah tagalitik. Karano ambo bukanlah ahli adat, indak juo ahli
agamo, tapi sabagai
pemerhati dinamika Budaya Minang malalui kato-
kato nan tasimpan di dalam kahidupan adat dan budaya, penelaahan
istilah tu mambukakkan kunci untuak mancaliak ka alam nan labiah
gadang lapang takambang.
Kito simak "pasandian" nan disigi Angku Adyan nan dapek dicaliak
sabagai ense jo kunci-kunci nan mambari fleksibiliti ka garak suatu
pasandian tu, tabayang pulo sanda-basanda sokong-manyokong di
dalamnyo. Kalau dicaliak tiok-tiok pasandian tu mampunyoi karajo jo
tugehnyo ciek-ciek di tamapeknyo masiang-masiang. Tapi kalau kito
caliak macam-macam pasandian tu jarikaki, pagalangan, lutuik,
pinggua, pinggang, jari tangan siku, bahu, lihia, mangko tampaklah
kombinasi unsur-unsur tu mambarikan dinamika, salah satu ciptaan
Ilahi dengan panuah kesempurnaannyo. Jadi kito caliak unsur-unsur
sandi, pasandian, kincia-kincia, sanda-manyanda ko dalam pandangan
kasaluruhan, totality, gestalt. Di sinanlah pulo
rasonyo kuncinyo
mancaliak dinamika Adat dalam Budaya Minangkabau.
Manuruik pancaliakan ambo, Adat jo Sarak bukanlah Duo Batu Gadang,
nan ciek itam nan ciek putiah, nan talatak di ateh Gunuang Marapi.
Duo Batu Gadang ko kok bagesoh indak dapek iyo-maiyokan. Kok datang
gampo atau malatuih kapundan, kaduonyo mungkin balago saliang
mamacah, atau baguliang-guliang ka bawah, impik-maimpik lando-
malando, marupokan bagian galodo gadang. Adat jo Sarak tabayang di
ambo saumpamo duo keseluruhan nan samo-samo hiduik dakek-mandakeki.
Bayangkan duo lingkaran, ciek itam nan ciek barono putih. Dalam
pandakekan kaduonyo salain mampatahankan rono masiang-masiang ado
daerah dinamkik nan abu-abu nan nan salliang marangkuah.
Barangkali rancak kito caliak Adat jo Sarak ko sambia maningadah ka
langik mancaliak duo kalompok Awan nan Manganduang Aia saliang
mandakeki baitu juo saling baiyo-batido jo
kelompkok-kalompok lain
nan saliang mampangaruahi dinamika cuaca diateh langik tu. Partamuan
awan kaduonyo dengan pangaruah-pangaruh awan nan lain mambawokan
hujan nan manyuburkan bumi.
Allah Subhanahuwa ta'ala mangingekkan awak mancaliak Alam ko jo
salah satu kalimatnyo "Afalaa yanzuruuna ilal ibili kaifa
khulikat." (SQ 88:17) nan ambo tarjumahkan ka Caro Awak "Baa mangko
indak Kaliaan paratikan baa awan nan manganduang aia Den ciptakan."
Alangkah indahnyo rangkaian Ayat tu jikok diparatikan dalam-dalam:
Afalaa yanzuruuna ilal ibili kaifa khulikat
Wa ilas samaa-i kaifa rufi'at
Wa ilal jibaali kaifa nusibat
Wa ilal ardhi kaifa nusibat.
Baa mangko indak Kaliaan paratikan baa Awan nan manganduang aia Den
ciptakan
Baa Langik Den tinggikan
Baa Gunuang-gunuang Den tagakkan
Baa Bumi Den bantangkan.
Allah Subhanahuata'aala alah manciptakan sagalo sasuatu ko dengan
tujuan nan
samparono,
"Alladzii khalaqa fa sawwa" (SQ 87:2).
Dengan mamparatikan kato-kato Ilahi ko barangkali di sinan pulolah
kito dapek mancaliak ingenuity, kelihaian, kepintaran, kebijaksanaan
masyarakat Minangkabau dalam mamaliharo manyasuaikan kehidupan Adat
dan Sarak nan "Bak cando manatiang minyak panuah" sarato "Bak
maelo
rambuik dalam tapuang..."
Dinamika dan fleksibiliti Adat Mianangkabau dalam manyasuaikan
pakambangan zaman dapek pulo diinok dimanuangkan dari nasehat nan
lah takalimbun dari Datuak Parpatiah nan Sabatang:
"Takuik di Adat ka tagiliang, turuikkan Putaran Roda!"
Saalam,
--MakNgah
Sjamsir Sjarif
Santa Cruz, California, USA, 1 Maret 2008
--- In [EMAIL PROTECTED], Adyan <[EMAIL PROTECTED]> wrote:
>
> Asssalamualaikum w.w.
>
> Rancak MakNgah lah nan manjalehkan asal kata "sandi" ko dalam
bahaso awak.
> Tapi kacalak-calak
ganti asah, alah lamo juo tadanga bahaso adat
jo agamo tu
> saling memperkuat saja, sandi-basandi bak aua dengan
> tabiang.. baa pulo kolah tu kironyo..
>
> Nan jaleh sandi tu iyo sarupo sandi rumah, foundation. Sandi di
bawah, rumah
> di ateh..nan rumah pasti sasuai jo sandinyo..
>
> Tapi ado pulo dalam bahaso awak, sandi dalam arti
pasandian, 'sendi' dalam
> bhs Indonesia. Contohnyo lutuik, siku, buku jari.. Disiko ndak
samo jo
> foundation do tapi seperti engsel atau diawak disabuik juo kunci-
kunci, dan
> hubungan antaro duo komponen iyo lungga tapi kuaik, namuah
dikelokkan
> kama-kama tapi indak amuah lapeh..
>
> Kok dibandiangkan pulo jo khasanah urang lua, ado nan
namonyo 'cardinal
> virtues' , 'cardinal points', 'cardinal numbers' nan
kalau diliek
di kamus
> cardinal
> tu artinyo engsel pulo dan manunjuak pado
hal-hal nan pokok, dan
> saling menguatkan.
>
> Jadi baa sabananyo, pak Saaf, apo lai masuak tu dalam masalah
hukum, satu
> sistem dengan dua komponen pokok atau duo rukun? Kalau di kampuang
ambo
> mungkin pahamnyo memang sarupo iko.. kalau sempat tolong pak saaf
klik
> disiko http://www.angelfire.com/id2/adyan/pandaisikek/dasar.html
>
>
>
> Sakitu sajo dulu dari ambo, mohon maaf kalau ado kato kato nan
salah,
>
> -adyan
>
> On 3/1/08, Dr.Saafroedin BAHAR <[EMAIL PROTECTED]> wrote:
> >
> > Assalamualaikum w.w. Dinda Tasril Muis dan para sanak sa palanta,
> >
> > Baa juo faham saroman tu ado dalam masyarakat kito, dan paralu
kito
> > tampuang. Bilo mungkin kito cari pasasuaian faham, karano
paliang indak
> > dalam Rukun Islam jo Rukun Iman kan alah samo kito. Nan agak
babeda
kan
> > penafsiran. [Sacaro pribadi ambo batanyo dalam hati, apo ciek
itu sajo arati
> > 'basandi' dalam bahaso Minangkabau abad ka 19. Apo indak ado
nan
samo jo
> > pangaratian kito kini tentang 'sandi, yaitu 'fondamen,
rujukan,
dasar, asas,
> > prinsip' atau '*Grundnorm'*].
> >
> >
> >
> > Baa sanak para filolog ? Tolonglah dicerahkan kito-kito ko baa
nan batua,
> > supayo jan sasek kito kasadonyo beko.
Never miss a thing. Make Yahoo your homepage.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet.
- Tuliskan Nama, Umur & Lokasi anda pada setiap posting.
- Hapus footer & bagian yg tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur pribadi.
- Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda pada Google Account di: https://www.google.com/accounts/NewAccount?hl=id
Agar dapat melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
|
