Assalamualaikum Wr. Wb. Yth. Bapak Muhammad Syahreza. Analisa nan batua dan jeli, Pak Reza, dek karano nan bakuaso langsuang di Thailand, Vietnam dan Philipina kan bukan Bumi Putera dooo. Kalaulah urang2 pandai pribumi Indonesia, ado banyak nan santiang2, tapi umumnyo mereka iko kalaulah indak dikabek urang di Luarnagari jo Gaji nan lumayan, infrastruktur nan elok, atau pasangan hiduiknyo barikuik anak2 nan mulai gadang, nan takuik pulang kampuang dek infra struktur jo Medis hambatannyo. Nan didalam Nagari baiak nan tamatan dari LN atau nan di Dalam nagari, nan inyo indak dibao sato doo. Atau dirusak dek arus nan bajalan, batambah pulo dek kurang adonyo kesatuan antaro satu samo lainnyo. Bingik mancaliak urang nan gak sanang keooo, bahagia mancaliak urang nan marasai. Bukannyo ambo marabo dooo, contohnyo, ambo pernah ado wakatu saketek PulKam (salang istilah Bung JePe) naik Bus dr Medan ka Kiktenggi, taragak sarangkek ketek daulu nyaman naiak Otobus. Eh didalam Bus bakenalan lah jo 3 urang Pandai dari Padang, ciek Dr.Med. netral urangnyo, cieklai Prof. Agamo Dozen di Padang, (namo sikolanyo ambo indak korehan doo) Ciek lai Assystennyo keo. Eh...... di kutubahinyo ambo, indak sah Nikah jo non Muslimah,inyo Profesor Agamo Dozen dlll dsb. Ambo sadiah bana jadinyo, bukan sadiah dek Kutubahnyo, tapi sadiah hati mancaliak nagari den urang nan cando iko nan jadi Dozen. Apolah akibaiknyo isuak dooo di Mahasiswa/siwinyo, apo indak ado effekt negativnyo duuuu. Ambo angguak2 sein lah kutubah monolog Pak Profesor ntun jadinyo, kabaa lai looo, apo gunonyo diambo badiskusi jo urang nan cando iko. Bak kato Pak Reza, ambo indak sanggup badiskusi jo urang cando iko, a joo lai..... Bukannyo ambo nyak mangapik daun kunyik dooo, alun tabantuak Indonesia Raya itu doo, lah tamaik paman Apak Ambo dari AlAzhar Kairo, sudah tuu dipintaknyo di Saudi jadi Syech dinagari asa nabi Muhammad SAW. Anak2 baliau, indak bisa baso Indonesia doo, bisanyo baso Minang dialekt kampuangnyo. Sa buruak2 ambo, walaupun ambo bukan ahli Agamo, tapi nan dasar2nyo ambo lai jalehnyo. tapi baa jano awak......., itulah Bangsaku, itulah kebanyakan orang Minang yang kukenal. Yang kayo banyak nan Ongeh, nan Pandai banyak nan Sombong2, alun kenal ban lai.... lah bapasang gaya, mancaliak urang dari bungkuih dan pakaianyo sajo. Kudiannyo, maleh manah urang basilaturrahim batamu lai jadinyo..... Apo lai nan dari LN iko, wakatu sangaik sampik pulo, aaa jo laii, pulang co turih sein lah kabanyakannyo. Ado ciek duo nan bausaho juo mamajukan Nagari, tapi baitulahhhhhhhh, carito2 ota2 kami urang2 larek iko disiko. Tapi nan dari pulau Jawa, nan tampak diambo kesatuannyo iyo banyak. Tapi syukurlah ado RantauNet, babarapo urang nan sapamikran, baco jo koreh parintang hati nan risau....... Baa jano awak???????????? Sakitu dululah cirotai urang larek pak Reza, Wassalam, Muljadi Ali Basjah.
Gesendet: Donnerstag, 19. September 2013 um 09:43 Uhr Von: "muhammad syahreza" <muhammadsyahr...@gmail.com> An: "rantaunet@googlegroups.com" <rantaunet@googlegroups.com> Betreff: Re: [R@ntau-Net] TULISAN MN: "LIMA ALASAN KENAPA PROYEK LG HARUS DITOLAK"
Assalamu'alaikum wr.wb.
Kalau masalah konglo non pri ambo iyo ndak nio bahas do pak.. karano itu lah jadi kesalahan maso lalu nan taruih dibudayakan dek nan mamacik kekuasaan. Contoh nyo sajo.. 10 terbaik lulusan Akabri (sadar atau tidak) lah mulai dibidiak jo diasuah dek konglo Cino tu sacaro langsuang atau ndak langsuang.. baa mako baitu? sakian dekade lai mereka tu akan mamacik kekuasaan di TNI, iko paralu untuak manjago kelangsungan bisnis mereka dimaso nan akan datang. Untuak permodalan usaho, masalah kebijakan bungo tinggi untuak kredit, mambuek UKM sasak angok dek nyo. baitu juo politik kumuah nan dipakai konglo non pri tu untuak mawujuadkan ambisi-ambisi gadang nyo.. jo sia mereka kong kaling kong tu? Tantu jo penguasa.. baiak eksekutif, legislatif atau yudikatif.
Di Indonesia ko apo juo sangaik disukoi Investor dari ma pun juo.. hanyo 3 nan mereka ndak suko :
1. Korupsi jo kebobrokan demokrasi
2. Infrastruktur nan tabateh
3. Kemalasan jo kelambanan
Kalau masalah mambangun nagari, pasti ado usaho kasitu.. tapi tantu pulang jo kemampuan SDM jo SDA di nagari tu.. Iko bukan masalah firqah pak.. tapi baa caro mamulai manyusun strategi untuak mahadoki musuah gadang nan ndak nampak tu... untuak mambangun kepercayaan antaro umaik muslim ko gampang-gampang susah.. beda jo urang palang.. kepercayaan mereka lah tabangun di gereja jadi gampang mambuek sinergi sampai jadi aliansi.. baa mako baitu.. jamaah gereja nyo lah saliang kenal dari ketek sampai mati urang palang tu ndak ka baganti gereja do.. Kok kito urang islam masih banyak nan mahabihan energi jo perbedaan firqah.
salam
Reza
.
* Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~
* Isi email, menjadi tanggung jawab pengirim email.
===========================================================
UNTUK DIPERHATIKAN, yang melanggar akan dimoderasi:
* DILARANG:
1. Email besar dari 200KB;
2. Email attachment, tawarkan & kirim melalui jalur pribadi;
3. Email One Liner.
* Anggota WAJIB mematuhi peraturan (lihat di http://goo.gl/MScz7) serta mengirimkan biodata!
* Tulis Nama, Umur & Lokasi disetiap posting
* Hapus footer & seluruh bagian tdk perlu dlm melakukan reply
* Untuk topik/subjek baru buat email baru, tdk mereply email lama & mengganti subjeknya.
===========================================================
Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
---
Anda menerima pesan ini karena Anda berlangganan grup "RantauNet" dari Grup Google.
Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com .
Untuk opsi lainnya, kunjungi https://groups.google.com/groups/opt_out.
