Al dan para sanak sapalanta, sabana menarik pandangan dan tafsiran Bung Al iko. Jan takuik, ambo indak katasingguang bagai doh. Sekedar tambahan keterangan dari ambo:
1). Bana, gagasan awal Gebu Minang berawal dari Pak Harto, di desa Aripan, Singkarak, tahun 1982. Tagaiang-gaiang sampai 1989, dek indak tahu baa caro melaksanakannyo. 2). Tahun 1989 ado surek pribadi dari AA Navis, nan maingekkan bahaso walau alah dapek Parasamya Purnakarya Nugraha tahun 1984, namun labiah saparo nagari di Sumbar masih miskin, paralu modal. 3). Surek tu mambuek tagalenjek para tokoh Minang di Jakarta, dan diambiak keputusan utk menghimpun dana Rp. 1.000 pakai kupon, dgn izin Depsos. Sasudah dilaksanakan babarapo bulan tapaso dihentikan, karano biayanyo labiah gadang dari pitih nan ditarimo. 4). Ateh nasihat Drs Abdulgani Dt Sidubalang , Dirut Bank Duta, kupon saribu rupiah tu diganti jo saham BPR, nan memang berhasil baik, sampai bisa mendirikan 44 buah BPR, masing-masing tagak surang sebagai perseroan terbatas, langkok jo akta notaris, direksi, dewan komisaris, dan RUPS. 5). Bung Azwan Hamir memang memegang peranan gadang dalam mempersiapkan BPR iko, sejak dari pembentukan akta notaris, izin Kementerian Kehakiman , mencari sumber dana mura dari pinjaman BUMN, maadokan pendidikan dan pelatihan staf dan direksi, sarato maagiah bimbingan teknis. Iko baliau karajokan berdasar pengalamannyo sebagai pensiunan Bank Bumi Daya ( BBD). 6). Bana sekali, ambo hanyo jadi sekretaris Gebu Minang, nan sekedar jadi palangkok sajo. Ambo membantu Azwan karano baliau konco ambo sajak SR di Padang Panjang. 7). Tentang KKM/SKM GM 2010, indak sadonyo urang awak manulak doh. Nan manulak tu adolah kelompok SK Singgalang. Ambo sato bakaliliang ka 17 daerah di Sumbar, sadonyo urang daerah mandukung KKM/SKM GM 2010 iko. Dalam babak akhir hr Haluan mandukuang, dan KKM /SKM GM 2010 tu diadokan di Padang, hadir kl 1.000 orang, menghasilkan Pedoman Penghayatan dan Pengamalan ABS SBK, dan kudian dideklarasikan dek BK3AM di Jakarta th 2013. 8). Sagalo konsep KKM adolah konsep, draft, tabukak untuak dipeloki dek nan baminat, dan memang alah direvisi 19 kali. Jadi indak batua kalau dikatokan " barang batungkuih". Silakan Al pareso draft awal jo rumusan akhir. Gadang bana bedonyo. 9). Kok bung Al minta Gebu Minang mandatangi dan mintak persetujuan 5 juta urang awak di Sumbar sabalun maadokan KKM iyo indak takaha doh. Bueklah KKM surang nan mamanuhi syarat Bung Al tu. 10). FTTS. adolah salah satu keputusan KKM/SKM GM 2010 nan akan dilaksanakan dek BK3AM awal Januari 2014 iko. 11). Soal urang kampuang ( nan mano. ? ) curiga kaambo ka manuka sistem matrilineal rasonyo agak bakalbiahan. Sia banalah ambo iko ? 12). Indak amuah mambantuak FTTS? Terserah sajolah. Taruihkan sajolah sarupo nan taralah. Wassalam, SB,77, Sby. Sent from my iPad > On 31 Des 2013, at 10.09, Muchwardi Muchtar <muchwa...@rantaunet.org> wrote: > > ERATA :E > > Sanak komunitas r@ntaunet nan diRakhmati Allah SWT. > > Tadi malam, ambo bamimpi nan sampai pagi ko sabana mambuek ambo malamun > taruih. A lah arati mimpi ko, yo? > Dalam mimpi, ambo batamu duduak ciek meja panjang nan bakurisi banyak bana di > RM Makan Sederhana, Jl. Matraman Raya, Jakarta. > > Di suok ambo duduak AjoDut "the Gasanman", Bundo Nismah, Z.A Dtk. Rajo Jambi, > ZulTan, Taufiq Rasyid, Darwis Chalidi dan Tasril Moeis. Di sabalah suok kida > ambo duduak pulo Prof.Hilman Mahyudin, Dr.Rayus Salim, Mochtar Naim, PhD, > Bachtiar Muin, PhD, Zaid Dunil, Maturidi, dan Akmal Nasery Basral. > > Di subarang meja panjang ambo, baderet duduak jo muko nan janiah sambia > galak-galak sengeang, antaro lain nampak : Dr. Saafroedin Bahar, Amri Aziz, > Azmi AK Dtk.Bagindo, Sutan Sinaro, Fashridjal M.Noor Sidin, Muhammad Dafiq > Saib, Yanto Jambak, Muljadi Alibaasjah, Suryadi Sanuri, Asmun Sjueib, Sri > Yansen Tanjung (d/h Sri Yansen Agus Salim), Miko Ketua, Nofend St.Mudo, Ephi > Lintau, Aslim Nurhasan, Arief Rangkayo Mulia, Syaf Al, dan Anwar Djambak. > > Samantaro, sarupo nan biaso-biaso, di ujuang dapua rumah makan, nampak Reini > Bintara, Rina Tilkam (d/h Rina Batam), Evy Serpong, Dewi Mutiara, Hanifah > Sungaitanang, dan babarapo induak-induak (maaf namonyo indak apa di ambo doh) > nan panah basuo dan basalaman jo ambo 2 X (di rmh Bundo Nis di PonInd 2012, > dan di rumah damai Fira Idris di Pejaten 2013). > > Nan mambuek ambo indak abih mangarati, baa kasado urang nan hadir di RM Makan > Sederhana, Jl. Matraman Raya, Jakarta ko, kasadonyo galak-galak manih ka > ambo? Dan, nan labiah indak masuak akanyo, kasadonyo sarupo anak mudo umua > 25-an sajo. Muko barasiah, tiok sabanta galak manih (Padohal ambo tahu, di > subalah ambo ado komunitas r@ntaunet nan alah maumua >80tahun, di subarang > ambo ado nan alah baumua >70 tahun, ado pulo nan baumua jalan 30 tahun. Baa > kok dalam mimpi nampak diambo mudo kasadonyo?) > > Nan labiah indak masuak aka lai, ambo tahu kawan-kawan ambo ko taserak tingga > di rantau dan di ranah? Bahkan ado nan tingga di LN (AS, M'sia, Jerman, dan > Bulando) bagai? Baa mangko kasadonyo bisa kompak duduak ciek meja (panjang) > di "Sederhana" ko? > > Karano alah lamo bana duduak cuma saliang galak-galak manih, mako ambo > mambaranikan diri tagak, kamudian batanyo: > > "Maaf Dunsanak, manga sabananyo awak bakumpua di tampaik ko? Apo nan > sabananyo nan bisa awak pabuek dek komunitas r@ntaunet ko untuak > Minangkabau?". > > Ambo samakin tagalenjek, karano indak ado nan mangomandoi, tibo-tibo sajo > komunitas RN nan di sabalah suok ambo, sarantak tagak kasadonyo sambia > maangkek ka dado masiang-2 karton putiah panjang nan batulihan jo spidol > hitam :"Duduaklah sameja Wahai LKAM, Gebumin, BK3AM Jo LKAAM Sumbar basarato > Pemda Sumbar. Pasti FTTS Masuak ka dalam kurikulum SD, SMP & SMA Tahun 2014" > > Kutiko ambo tapalongok sarupo Si Miun Pangkhayal Madu (dalam salah satu > carito "Pujangga Baru" Sutan Takdir Alisyahbana) Dunsanak lain nan di sabalah > suok kida ambo, sarantak pulo tagak kasadonyo sambia maangkek ka dado > masiang-2 karton putiah panjang nan batulihan jo spidol hitam :"Indak Adoh > Kusuik Nan kaindak Salasai, Karuah Nan Kaindak ka Janiah. Kok Awak Indak > Buktikan Jo Parbuatan?". > > Sadang ambo tangango-ngango maliek kakompakan dan keajaiban nan tajadinyo > sabana di lua aka sehaik, kaum padusi nan ado di dakek dapua, indak namuah > kalah. Sarantak pulo maangkek ka dadonyo karton putiah panjang nan batulihkan > :"Sapanjang Rantau jo Ranah Sarupo Ajiang jo Kuciang, Sampai Kiamaik Pun > Melembagakan FTTS di Minangkabau Hanyo Impian". > > Kutiko ambo sarupo dimabuak panyakik PATENGONG*) tu, ambo tasintak. Paluah > gadang mambasahi piyama ambo. Padohal ukatu tu di kamar ambo AC hiduik basuhu > 24*C, bahkan di lua rumah hujan turun baunyai dari kari kapatang. > > Astaghfirullah al azim. Allahu Akbar. > Hanyo Allah SWT-lah nan tahu apolah takwil mimpi ambo ko. > > Salam & maaf............., > > mm*** > Lk-2, >58th,Bks. > asa : Agam > suku : Koto Dt. Tumangguang > gala : Rangkayo Kaciak > > NB : > (I): Untuak nan alun tu ==> *)PANTENGONG (Pandia, Tengak, Ongok) : cimeeh/ > julukan nan dipasang DI PAPAN dek Pemda di satiok suduik Kiktinggi (1968) > buek laki-laki di Bukiktinggi (Urang Darek) nan suko pakai sarawa sampik > "Sandle King" mangkatatang, nan dipopulerkan dek Si Jon Lenong jo Si Paul > anak Liperpul). > > (II):(Kini? Apokoh pressure "resmi dari salah satu Pemda di Sumbar, 1968" nan > bakiblat ka kredo Minangkabau ABS-SBK ko masih adoh? "Nak 'batilanjang' > lewaik di bawah jam gadang, nak bapaluak-paluakan duduak di suduik ngarai > sianok/ Panorama. "Pabia sajolah. Indak anak kamunakan waden bagai doh!" > Astaghfirullah al azim). > > (III) : Hallo Dunsanak di rantau nan ingin malembagakan FTTS di Minangkabau? > "Where do you are?" Apokoh dii tahun 2014 masih tataok OMDO, NATO dan > maabiahan ukatu basoal jawaok taruih mancari sia nan salah? Marilah awak > duduak sameja jo Penguasa Minangkabau sarayo manyampakan raso ego masiang-2. > Nan pantiang, sasuai jo goal murni awak, baa supayo FTTS tu tatagak dan > malimbago di provinsi Minangkabau (d/h Sum.Bar) mulai tahun 2014.. > > ---------- Pesan terusan ---------- > Dari: <syaff...@gmail.com> > Tanggal: 1 Agustus 2013 10.27 > Subjek: FTTS versi Pak Saaf > Kepada: muchwa...@rantaunet.org > > > Yth. Mak MM nan bijak. > > Ambo sabananyo ingin bana komen soal FTTS versi Pak Saaf ko. Cuma ndak enak, > takuik baliau tasingguang jo ambo. Tapi kalau Mak MM, caro masuak e sabana > rancak, sayang Pak Saaf alun bataruih tarang. > > Apo nan dikarajokan Pak Saaf ko yo rancak pabilo disetujui oleh rang > kampuang. Tapi, perseteruan kampuang jo rantau sudah dimulai sejak Gebu > Minang berdiri, katiko tu Hasan Basri Durin yang jadi Gubernur sekaligus > Ketua LKAAM Sumbar. Think tank Gebu Minang waktu itu adolah Pak Azwan Hamir. > Pak Saaf hanyo sebagai sekretaris GM sajo. Pak Emil, Pak Harun dan Pak Azwar > Anas manuruik sajo apo yang dirancang Pak Azwan. Pak Azwan ko berang ka Pak > Hasan krn kurang merespons proyek aspalnyo di Sumbar. Akibatnyo, gubernur > ditinggalkan dalam kebijakan GM. > > Pak Hasan/Gubernur memberikan respons untuk program GM hanyo ala kadarnyo > sajo karena ide GM ko dari Pak Harto. Itulah sebabnyo, apo se program yg > ingin diawai GM untuk Sumbar di lua BPR, selalu mentok. Apo lai salamoko, > dalam program GM tu, selalu mambawo barang lah batungkuih (lah masak di > rantau, dan rang kampuang disuruah malulua se). > > Kondisi ko lo lah nan mambuek Kongres Minangkabau thn 2010 gagal > dilaksanakan. Semua unsur jadi manulak. Sakironyo dari awal dibicarakan dulu > masak2 sampai ado persetujuan dari rang kampuang, mungkin akan berjalan > dengan baik. Tapi, rang kampuang lah kadung curiga ka Pak Saaf nan ingin > manuka sistem garis keturunan ibu ka bapak. Itu nan malakek di banak rang > kampuang. Akibatnyo, trik Pak Saaf selalu diawasi. > > Menuruik ambo, Deklarasi ABS-SBK yg dilakukan BK3AM, mungkin krn ado lo > perlawanan di GM sendiri. Pak Azmi Dt. Bagindo adolah salah satunyo. Itulah > sebabnyo Pak Saaf 'menolak' Pak Azmi jadi anggota FTTS. > > Selain itu, GM pun kini ndak begitu direspons dek tokoh2 minang di rantau. > Waktu GM maadokan buko basamo, tokoh dan pituo Minang maadokan pertemuan lo > jo eselon 1 asal Minang yang difasilitasi Menteri Keuangan. > > Kalau rencana Pak Saaf ko jalan taruih, ambo yo agak kuatir bahwa rang Minang > ko jadinyo akan "sekasur tapi beda mimpi". Rang rantau bak kato rang rantau, > rang kampuang jalan lo surang. > > Baa menurut Mak MM tu. Baa caro manjadikan keinginan Pak Saaf ko manjadi > kaingin basamo urang Minang di kampuang dan di rantau? > > Salam, > > Syaf AL/Bogor > > -- > . > * Posting yg berasal dari Palanta RantauNet, dipublikasikan di tempat lain > wajib mencantumkan sumber: ~dari Palanta R@ntauNet~ > * Isi email, menjadi tanggung jawab pengirim email. > =========================================================== > UNTUK DIPERHATIKAN, yang melanggar akan dimoderasi: > * DILARANG: > 1. Email besar dari 200KB; > 2. Email attachment, tawarkan & kirim melalui jalur pribadi; > 3. Email One Liner. > * Anggota WAJIB mematuhi peraturan (lihat di http://goo.gl/MScz7) serta > mengirimkan biodata! > * Tulis Nama, Umur & Lokasi disetiap posting > * Hapus footer & seluruh bagian tdk perlu dlm melakukan reply > * Untuk topik/subjek baru buat email baru, tdk mereply email lama & mengganti > subjeknya. > =========================================================== > Berhenti, bergabung kembali, mengubah konfigurasi/setting keanggotaan di: > http://groups.google.com/group/RantauNet/ > --- > Anda menerima pesan ini karena Anda berlangganan grup "RantauNet" dari Grup > Google. > Untuk berhenti berlangganan dan berhenti menerima email dari grup ini, kirim > email ke rantaunet+berhenti berlangga...@googlegroups.com . > Untuk opsi lainnya, kunjungi https://groups.google.com/groups/opt_out. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.
