Mamak Zul,
Iyo ambo tumah. Bukunyo ditabikkan dek Yayasan Obor
Indonesia tahun 1993. Pado tahun yg samo tabik pulo
buku ambo tentang Rabab Pesisir Selatan: Cerita
Zamzami dan Marlaini. Antah ado juo kolah dijua di
lapau buku. Kalau di KITLV dan Leiden University
Library lai ado mbo caliak.
Ambo kiro labiah anam bulan maangadokan panalitian di
daerah Pauah dan sekitarnyo thn 1992, ateh biaya dari
The Toyota Foundation, Japang. Samo jo Mamak Zul, iyo
marasuak bana dalam hati ambo carito tukang dendang
tu. Nan salut ambo baitu lanca inyo mambuek pantun
sacaro spontan. Tukang dendan nana hebat tahun 1990-an
Harun Rajo Bujang (lah maningga kini), Edward Rajo
MUle, dll. Sagalonyo: aspek sosiologis, seni, bahasa,
dll. mengenai dendang Pauah tu ambo bahas dalam buku
tu.
Tahun 1994 ado rekaman dendang Pauah dibuek dek the
Smithsonian Instituion, AS. Barangkali ado infonto di
cyberspace ko. Cubo cari di google di bawah judul
NIGHT MUSIC FROM WEST SUMATRA. Mudah2an lai ka
basobok.
Salam hormat,
Suryadi yg daif
--- zul amri <[EMAIL PROTECTED]> wrote:
> Wakatu mambuka buka buku Pangantar Sastra
> Minangkabau nan ditulih dek Edward Djamaris , ambo
> tasirongoh jo namo Suryadi wakatu mambahas masalah
> "Dendang Pauah" ( halaman 142 ) Apokoh namo
> Suryadi nan ado dibuku nantun adolah dunsanak
> Suryadi nan ado di Leiden Balando kiniko nan acok
> manulih sastra Minangkabau di rantaunet ataukah
> Suryadi nan lain ?
> Kambali ka Dendang Pauah , samaso ambo dulu
> masiah dikampuang dan tingga disurau umua 12 s/d 17
> th , acok mandangakan urang badendang samalam
> suntuak dirumah urang baralek . Biasonyo kalau lah
> tangah malam dimulailah dengan bakaba tantang kisah
> urang Minang kontemporer sarupo Kisah si Rohani nan
> lakinyo barumah ciek lai , kisah percintaan , kisah
> rumah tangga dan kisah urang awak nan sukses
> dirantau , sabagai pangiriang dendang adolah saluang
> atau bansi . Pamilihan judul kisah nan akan
> didendang ditawarkan kapado sidang pandanga dendang
> . Tukang dendang tarkenal maso nantun 1960 s/d 1965
> adolah banamo Hasan dari Solok , cuma tingkah dan
> kurenahnyo agak banyak , macam sae nan dimintaknyo
> sarupo mintaknyo carikan tabu kaliang ditangah malam
> agar supayo suarono rancak atau teh talua pakai
> madu sagalo . Mako pihak tuan rumah atau
> panyalanggara tapaso maadokan / mancarikan supayo
> partunjukan lanca .
> Dek lamaknyo ota tukang dendang tak sedikti
> pandanga dendang wakatu nantun nan sampai melelehkan
> iea mato tabao anyuik dek kisah tukang dendang .
> Tukang dendang iyo sabana pandai mancukia - cukia
> perasaan pandanga dendang . Indak taraso tahu tahu
> lah subuah sajo dendang baranti Kadang kadang sorak
> jo kuai maningkah partunjukan dendang apobilo buah
> dendang mangana-I / mamenbak saasorang . Mako ado
> parsyaratan wakatu , bagi kaluarga nan abih
> kamalangan indak sapantasnyo maadokan acara dendang
> , takuik kamanambah pandaritaan atau baibo hati bagi
> kaluarga
>
> zul amry piliang ( 60 th 6 bln ) tingga di
> jimbaran bali
>
>
> ---------------------------------
> Be a better friend, newshound, and know-it-all with
> Yahoo! Mobile. Try it now.
>
>
>
________________________________________________________
Kunjungi halaman depan Yahoo! Indonesia yang baru!
http://id.yahoo.com/
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet.
- Tuliskan Nama, Umur & Lokasi anda pada setiap posting.
- Hapus footer & bagian yg tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur
pribadi.
- Posting email besar dari >200KB akan dibanned, sampai yg bersangkutan minta
maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda pada Google Account di:
https://www.google.com/accounts/NewAccount?hl=id
Agar dapat melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
