NDAK DISANGKO Lah di danga carito SALAH SANGKO Baitu pulo SALAH TARIMO Kini carito nan katigo Bajudul NDAK DISANGKO
Tasabuik kisah Mak Polo Baliauko jadi juragan santo Nan cukuik punyo namo Sakitar tahun anam duo Galeh babelok kamano mano Sampai ka jawa jogja jo solo Sulawesi jo Poso Kalimantan pulau borneo Cuma parangai kok di baco Tiok kota ado ba jando Tiok nagari punyo batino Di kampuang sajo ado batigo Bak Eyang Subur jaman kiniko Bantuak Fathonah kiro-kiro Saroman balain rupo Walau ndak sampai ampek limo Singkek kisah pendek carito Dari sakian anak nan ado Ado surang namo sumanto Induaknyo asli Bondowoso Dulu manggaleh miso Manggaleh pical jo karupuak lado Kini lah jadi juragan Bakso Tingga dakek Pasa Banto Dek Sumanto lah maraso tuo Lah ingin nak barumah tanggo Lalu mangecek ka apaknyo Kalau calon nyo lah punyo Pak e…. ijinkan ambo Nak mangawini si Retno Cewek asli Surobyo Kami lah saliang mancinto Mandanga namo suroboyo Mak Polo langsuang bakato Bapak dulu di sinan lamo Jan - jan dunsanak ang beko Kato Sumanto lah iyo pulo Niat kawin dibatalkanyo Ndak doh bara kalamonyo Dapek pulo cewek manado Caritonyo ampia samo Jawaban bapak samo sajo Mungkin itu sanak sudaro Bapak di sulawesi dulu lamo Si anak ma ajukan calon katigo Asli Palembang wong kito galo Jawaban bapak ndak babedo Mungkin itu dunsanak ang juo Nan ka ampek baitu pulo Dapek rang awak dari Bonjo Jawaban bapaknyo tanyato samo Karano duo tahun pernah disiko Akhienyo Sumanto ma ijo-ijo Salamoko mandeh den ta aniayo Dek Ayah den gadang salero Satiok kampuang punyo kaceo Akhienyo sumanto tabik rabo Kini jo calon nan kalimoko Cukuik den mangecek sajo ka bundo Jo ayah, den ka masak bodo Akhienyo dapek urang pasa banto Manggaleh dakek loket oto Bagitu ka mandeh bacarito Mandehnyo lansuang manyuruah sugiro Sumanto jadi batanyo-tanyo Kok mandehnyo satuju sajo Di pasatu dulu Ayah lamo batoko Lamo manggaleh bahan sembako Sasudah carito punyo carito Ruponyo mandehnyo lah pulo tarabo Mamikiekan kalakuan ayahnyo Sahinggo kalua lah bahaso Heiiii….Sumanto… Kawinlah jo sia ang suko Urang awak atau urang cino Dek mandeh tatap sarupo Masalah dunsanak atau indaknyo Ndak itu nan ka ang pikie do.. Aden sajo lah lupo Sia apak ang sabananyo…. Arang Sumanto langsuang tangango Bantuak urang talulua teko Indak disangko salamoko Ayah jo mandeh samo gilonyo….. Untuak dunsanak dima sajo Ikolah gambaran jo umpamo Acok tasuo di kito Nan indak di sangko-sangko Takicuah pandangan mato Tadayo laku jo baso Buruak jo baiak tipih cenonyo Hiduik ko panuah jo rahasio….. By Y.Jambak. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke rantaunet+unsubscr...@googlegroups.com. Untuk opsi lainnya, kunjungi https://groups.google.com/d/optout.
