SALAH AGIEH Lah banyak carito kelirumologi Nan acok bana di kito tajadi Kadang lah biaso sahari-hari Ndak piduli tanpa di sadari
Salah tarimo salah sangko Salah danga salah baco Salah caliek salah cando Bahkan ado salah cubo Kini carito salah danga Salah arti salah makna Salah agieh salah terima Akhianyo jadi salah bana Tasabuik namo si Malanca Pandai bana kok ma ota Bak Kabayan kalau di Sunda Carito wayang cando di Jawa Aka bak cando Abunawas Dalam jujur babuek culas Kadang garah di luar batas Mambuek rajo jadi gemas Ba itu pulo si Malanca Nan utaknyo salalu ba puta Bantuak gasiang cando roda Ndak pernah hilang aka Dulu manjadi sopir Taksi Dek setoran acok bakurangi Akhianyo karajo baranti Kini malamar jadi supir pribadi Dapek juragan urang Arab Juragan kurma sarato kitab Kalau malam manjua kebab Dakek Cafe disampiang klab Namonyo Mansyur Assegaf Badan gadang tinggi tegap Kok di caliak laku jo sikap Indak buliah urang ko silap Salah jarang mambari maaf Tiok salah dapek strap Disuruah tidua di suruah tiarap Paliang indak sapuluah kali push Up Bininya banamo Sanny khatab Kama pai pakai jilbab Pantang bana kulik tersingkap Antah dek panu antah dek kurap Kama pai ba antakan Baiak ka Mall atau Restoran Tapi jauah bana taratik jo sopan Malanca nyo sangko anjiang piaraan Tabik dandam jo pikiran jahek Syetan manyuruah babuek sasek Si malanca lah nyato baniek Nak malapehkan nan tasumbek Pado suatu katiko Sasudah mancuci oto Malanca naiak ka lantai duo STNK oto ditinggakannyo Lah jadi kebiasaan jo tradisi Sasudah sarapan pagi Juragan di barando lah mananti Manunggu oto kalua garasi Lah kalua oto di pakarangan Malanca bakato ka juragan Surek oto katinggalan Kapatang Nyonya nan manyimpan Wan Mansyur lansuang mam bantak Dasar kamu ga punya otak Cari nyonya cepat mintak Malanca manyengeang manyimpan galak Ka lantai duo nyo balari Nyo caliak nyonya Sanny Baru kalua kamar mandi Ba kodek anduak putiah ragi Antah apo nan nyo karajokan Malanca basorak ka juragan Bagimana ini Tuaaaan…..??? Nyonya ga mau ngasihkan…..! Mandanga suaro Malanca Juragan basorak di tapi Paga Kasih ajaaaaaa lah dindaaaaaa….! Saya kan ga kuat berdiri lama…. Mandanga suaro lakinyo Si Sunny takuik badoso Tapaso nyo diam sajo Mambiakan Malanca bakarajo Lah salasai malanca turun Taruih kalua lewat kabun Mahilang di baliak daun Nyo biakan juragan tatagun Dek lamo bana mananti Wan Mansyur tabik emosi Si Malanca lansuang nyo cari Sambie ma himbau-imbau si Sanny Marosok-rosok naiak tangga Tibo di ateh taciraka Mancaliak si Sanny lah tasanda Indak bakain ba busana Si Sanny maratok jo mangaluah Labieh rancak ambo di bunuah Kalau tuan ndak lai amuah Manga malanca nan basuruah Wan Mansyur lansuang tarangah Jantuang raso ka pacah Salah suruah salah parintah Akhienyo jadi salah kaprah Walau carito taraso kumuah Tapi disiko ado pitaruah Hati-hati kalau manyuruah Jalehkan bana sungguah-sungguah Carito taraso kok kurang lamak Indak dibarih tulisan talatak Usah tasingguang jo talantak Maafkan sajo Yanto Jambak…… By. Y.Jambak -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke rantaunet+unsubscr...@googlegroups.com. Untuk opsi lainnya, kunjungi https://groups.google.com/d/optout.