Maa Angku Suryadi, Angku Dt. Bagindo, sarato Rang Lapau nan Basamo, Di ambo iyo lai lo tingaran cando itu du dengan variasi 'cakam' jo 'cangkam', mancakam jo mancangkam; rasono mancangkam nan labiah acok tingaran di ambo.
Kito danga pulo katarangan Angku Dt. Bagindo tantang 'mancukap' nan memang sakali ko ambo danga, apokoh kato ko 'kato iduik' ataukah suatu variasi kato-kato lain nan saireh. Baitu juo kato 'paduniran', samo-samo kito tunggu katarangan baliau. Manganai PREFIK GANDA BASI ko kini lah bakambang pulo manjadi ILIMU BASI, dengan variasi contoh saroman basikacekak, basikacikak, basituncik, basirangak, basirengeh, basikareh-hiduang, basigarumeh, tambah lo ciek lai [baru dari Nyiak Sunguik] basihanden [verba: mahanden]. Salam, -- Sjamsir Sjarif Santa Kuruih, Kalipornia, Amaireka [Nagari Biyai Reka] :) --- In [EMAIL PROTECTED], Lies Suryadi <[EMAIL PROTECTED]> wrote: > > Mak Ngah sarato sakalian dunsanak nan ado di lapau... > > Nan acok tingaran (kata Minang arkhais untuk 'tadanga') dek ambo, ungkapan "tabang basitumpu, inggok basicakam" (jaleh ungkapan ko maliek ka caro buruang ka tabang jo ka inggok). Prefiks (awalan) ganda BASI- adolah khas dalam Bahaso Minangkabau. Ungkapan ko, dengan bentuk formologis nan lain, acok juo digunokan untuak menggambarkan karajo samo nan baiak dan kekompakan: KOK TABANG ALAH SAPULUN, INGGOK ALAH SACAKAM; KA ILIA ALAH SARANGKUAH DAYUANG, KA MUDIAK ALAH SARANTAK GALAH; KOK DATA ALAH BALANTAI PAPAN, LICIN ALAH BADINDIANG CAMIN; LAH SACIOK BAK AYAM, LAH SADANCIANG BAK BASI...." > > Salam, > Suryadi yang daif > > > > ----- Pesan Asli ---- > Dari: hambociek <[EMAIL PROTECTED]> > Kepada: RantauNet@googlegroups.com > Terkirim: Senin, 17 Maret, 2008 14:41:30 > Topik: [EMAIL PROTECTED] Balasan: [EMAIL PROTECTED] Re:<, malakok > > > Maa Angku Azmi Dt. Bagindo sarato Rang Lapau nan Basamo, > Assalamualaikum warahmatullahi wabarakatuh, > > > "Kok inggok mancukap, kok tabang basitumpu, inggok mancari suku > tabang mancari indu". > > Kok buliah ambo batanyo, apo aratinyo 'inggok mancukap'? Apokoh samo > jo 'inggok mancokok' atau 'inggok mancukam'? > > > Kiranya di jelaskan pula bahwa, `"condong mato iyo ke nan > elok, condong salero kenan iyo ke nan lama, tapi mato indak > sapandangan, salero indak saraso. Mato awak mamandang sumbang di > urang pamenan hiduik paduniran, di awak lamak gulai padek, diurang > lamak gulai manik`". > > Mungkin sajo ado salah tep di siko saroman nan dapek > diluruihkan 'condong salero iyo ke nan lamak'; baitu juo 'gulai > padeh' jo 'gulai manih. Cuma nan kurang jaleh di ambo arati > kato 'paduniran'; apo aratinyo ungkapan kato 'pamenan hiduik > paduniran'? > > Tarimo kasih banyak. > Salam, > -- Sjamsir Sjarif --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
