RATOK "Bijo" ta TUMPAH Di simpang duo jalan ka lurah Di suduik pamatang sawah Katiko Tuan sadang marambah Ado rasonyo nan tacurah
Taserak bijo dari salapah Mungkin dek sadang bagarah-garah Iseng sambie ma ulah-ulah Antah dek karano antah Nan kini tanyato sudah Bijo lah tumbuah mangacambah Lah kambang daun di palapah Dek bijo baiak tanaman sa ulah Di caliek bungo lah malayah Walaupun jauah ka ba buah Nan putiaknyo lah tacilah Bantuak sagadang bijo zarah Kok dipandang tunggua ka bawah Di liek urek nan tacacah Lah tampak mancakam tanah Haluih sabantuak banang lawah Tapi nan ma mambuek mabuak jo rasah Dek tumbuah di luluak nan sabingkah Ta onggok di pamatang sawah Luluak siso urang malunyah Musim abih patahunan sudah Tuan baladang lah bapindah Pamatang ndak lai Tuan jajah Kinilah parak nan Tuan olah Bijo nan tumbuah tagak lah guyah Dek angin sajo lah nak rabah Kini maratok ma arok bilah Mancari junjuang ka panyanggah Kok nyampang nanti masak babuah Raso ka tandeh dek barabah Sadangkan kini masih matah Putiak lah kariang di isok labah Bungo nan rancak muloi manyirah Lah banyak nan ma arah Nak manggutie nak manjarah Alamat ka cayie kanai jamah Samakin lamo samakin parah Ibarat urang lah kurang darah Lah sakik paruik sakik magh Tingga manunggu Innalillah Lah kariang urek nan basah Batang nan tagak samakin lamah Tiok rantiang manunggu patah Tiok palapah lah nak sakah Untuak kanduang nan ba Tuah Iko dek tuan nan punyo ulah Usah mailak jo malengah Apo lai nak manyanggah Dek Tuan dangakan melah Denai tunggu kato sapatah Dari pado manjadi fitnah Elok lah Tuan basitinah Ba pailah batinggalah Nak nyato kito kok bapisah Nak tau bana bareh jo atah Dek Tuan cubolah pilah Kami bukanlah sampalah Sudah ba rameh jo di parah Santan lah masuak dalam kancah Kami ka Tuan buang ka sampah Kami bukanlah urang sarakah Saketek suko mintak tambah Hati tungau samo di cacah Hati gajah samo di lapah Kami danga kaba dari subalah Tuan kini lah kayo balimpah Lah bolak baliek pai ka makah Pai haji pai umrah Ingek-i tabang ka baliak awah Jan sampai Tuan tamakan sumpah Agak-i isuak ka kanai tulah Kanai kutuak si kalamullah Kini ka Tuhan kami basarah Kami adok-i sajo jo pasrah Kok tibo garak dari Allah Kami tarimo jo Alhamdulillah Tanah sabingkah, Y.Jambak. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke rantaunet+unsubscr...@googlegroups.com. Untuk opsi lainnya, kunjungi https://groups.google.com/d/optout.