Sanak sapalanta nan ingin pariwisata Minang maju, Ambo nak sato sakaki maagiah komen, tp ambo agiah warna se dih di bawah ko? Heri Koord Mappas Perancis. L44+, Paris
alif <[EMAIL PROTECTED]> a écrit : Iyo, ibo ati wak, ndak masuak top 10 do. Padahal, kalau bacarito katonyo, Nagari awak indak kalah jo nagari urang. dan mungkin juo alun di ekspos dek pemda ko. padahal banyak urang bacarito, ombak di Mentawai tu Nomor 2 Hebat di Dunia, di bawah Hawaii. dan itu bisa di buktian dari jumlah kunjungan ka Mentawai ko maningkek taruih, malah karano alah agak rami, bule bule nan manjua jasa ka mentawai tu, mulai bacakak. Sampai bakuhampeh. Dan akhir akhir ko. di tagak an organisasi, oleh bule bule ko. yang ma atur, ba a caro main, untuak operator ka Mentawai ko. Kebetulan ambo nan mabuek an website Organisasi tu. Pariwasata ko paralu kito ketahui sadonyo adolah industri nan hasilnyo langsung jatuh ka tangan pelaku jo masyarakaik partamonyo. Kaduo, kalau pemda atau eksekutif nagari ko lai mamikia an pitih nan masuak untuk PAD, lai namuah bakureh, inyo buliah dikatoan cadiak jo pintar, disiko inyo baru tahu bahaso pariwisata ko adolah ayam nan batalua ameh. Inyo paliharo jo urus saelok mungkin. Bak urang jawa maurus burung perkutut untuk lomba. Tapi nan kenyataannyo di lapangan, pemda cs hanyo namuah karajo kalau ado SPJ, itu alah indak rahasia umum lai do. Alah mentalnyo co itu. Dan untuak sanak Reza, Sabananyo, bukan indak ado website tu. Ambo tahun 2005 lah mambuek an website untuak Dinas Pariwisata tu. Cuman website nyo, indak (di)update. Katiko masonyo pelatihan, bacarigik karyawan tu ikuik, karano ado SPJ nyo. Pas giliran ka ma update, ndak jalan kalau indak ado "uang lelah" nyo. jadi model tu juo lah kondisi website nyo sampai kini. Batua tu sanak, no SPJ no karajo. sayang bana. Ciek lai, masyarakaik banyak harus diddiak agar melek alias tahu apo itu pariwisata, baa tingkah laku dalam manyambuik tamu ( klo ndak salah, Minang kan terkenal jo masyarakaiknyo nan elok budi bahaso nan pandai bapantun suok kida, yo ndak?). Tapi nan nampak dek ambo, alah banyak terjadi erosi alias gerusan jati diri di lingkuangan awak. ABG kini ingin modern dengan maninggakan baju kurung sebagai identitas diri Minang. Diganti jo jilbab jilbaban dengan pakaian bagian bawah nan ketat. Beko urag Minang co urang tabaka sunguik klo Malaisia mempatenkan baju kuruang sebagai baju nasional nyo. Padohal di awak dari dulu, buliah caliek di foto tahun 80 ka bawah, apo ado amai amai na bajilbab, tapi hanyo basalendang? Klo ndak baju kuruang, pakai saruang sarato salendang selalu ado dibahu , mukasuik nyo di kapalo. Tp kini antah apo nan mambuek inyo kini pakai jilbab nan sabagian besar ndak tahu apo artinyo. Apo salamo ko amai amai awak tu terbuka auratnyo tanpa jilbab tu dulu? Apo itu doso? Eh alah ngawur lo ota ambo. Ambo nampak nyo, mancikarao an sajo karajo urang pemda ko yo? he he he. Sabana nyo, satiok dapek klien baru, biasonyo urang bule bule nan manjua mentawai tu, tambah ibo ati ko. Salain sanang dapek pitih. Ba kondak ibo, tiok hari ambo mancaliak, photo ombak ombak mentawai tu, ado nan satinggi rumah bagai. Ado nan manyilam bagai, wahhhh rancak rancak tarumbu karang nyo, ado nan manangkok ikan, ikan nyo samo lo tinggi ( panjang) no jo nan manangkok nyo. jadi di Mentawai tu bukan manjua ombak sajo. dan 2 tahun terakhir ko, alah tagak beberapa RESORT di mentawai tu. ado ribuan, gambar gambar model tu di komputer ambo. Samantaro, pemda .......... Oh iyo, kini pemda mentawai alah agak lumayan, satiok bule nan datang ka sinan, kanai cash, ndak salah $2 US / hari. Dan kalau ado kapa nan parkir kanai cash, kalau ndak salah sekitar 15 jt an ? lupo ambo pas nyo. Jempol untuk mentawai. Semoga jadi contoh dek Pemda/pemkab/pemkot lainnyo. Kok yo lai ado sanak lain nan amuah bakureh jo bausaho mamajuakan pariwisata Minang, tolonglah sosialisasikan ka masayrakaik, alim ulama, urang surau, sakola dari TK sampai Univ kalau paralu bahaso pariwiasata tu hasilnyo rancak untuak nagari awak. Nan pandai buek cendera mata, silahkan berkreasi di cendera maata, nan pandai masak, bukak lah lapau nasi atau restoran klo mau modern lo namonyo, nan pandai baciloteh jo bahasa inggirih ataau parancih atau jerman atau jepun, silahkan berkarya sebagai pemandu wisata. dan masih banyak model karajo nan tasangkuik di bidang apriwasata ko. Jadi lapangan karajo indak sebagai PNS sajo doh. Dan ambo yakin dalam wakatu limo (5) tahun , tingkat kemiskinan di awak akan bakurang, nagari awak akan labiah dikenal dek urang . Tukang palak kito rangkul sabagai security man di kampuang, di hotel atau dima sajo nan paralu. Baa kiro²? Sakiti se dari ambo Wassalam Heri Tanjuang(44) Rang Tabiang Paris, Perancis HP : +33627532880 Fax :+33140598958 HP Indo : 0811885627 (hanyo utk SMS) --------------------------------- Envoyé avec Yahoo! Mail. Capacité de stockage illimitée pour vos emails. --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---