Selamat pak MN dan Mak Ngah
Di bulan Januari ko, urang ulang taun, awak rancak nostalgia sajo. Sampai kini alah masuak ka 77 tahun lo ambo mauni duniako. Umua baru ditanyokan rang kantua, wakatu ka mambuek ijazah SMP tahun 1955, ditakoklah ambo lahir 1938, ikolah nan valid sampai kini, jadi alah masuak 77 tahun sampai kini. Umua ambo batakok-takok sajo, dulu dikampuang ambo, masuak SR kini SD (dulu namonyo Sekolah Rakyat-SR) syaratnyo lai sampai tangan katalingo, masuak/ditarimo. ( iko mungkin teknologi cangih sangkek dari zaman Balando ka - Ma’endek-sampai—ambo indak tahu mulai bilo tanggal kelahiran ko dicatek masuak SD) Nan mancatek kelahiran io kapalo nagari, nan lain karano buto uruih, catatannyo hanyo maingek karambia rabah maimpok rumah, kabau annyuik, rumah tabaka, hari gampo dsb, itulah nan diingek untuak kalahiran anaknyo. Dulu di SD indak ado tando layie, indak ado ijazah, hanyo karateh salai barisi namo jo catatan luluih ujian SD, ito nan ditarimo dari kapalo sakola tahun 1952, tampek ujiannyo di Solok, 15 kilo dari kampuang ambo Talang, kapai dapek oto, kapulang bajalan kaki tapak itiek. Hasil ujian isinyo: Bahso Indonesia Berhitung Ilmu Alam Kini tapikia-pikia di ambo, sambia tamangu-mangu maingek-ngek maso tahun 1952 tu, dalam pengetahuan umum urang dulu tu mungkin io lai hebat saketek. Walaupun SD klas 5-6 tapi saluruih dunia inyo lah tahu walaupun alun pai kiun. Klas 5 lah mulai mambuek peta Indonesia. Klas 6 mulai mengenal peta dunia, mulailah tahu Ibo Kota Negara seluruh duniako. Kemudian latihan mambaco peta buto, Indonesia dan Dunia. Jadi anak SD alah kenal pulau, kota besar Indonesia dan ibu kota negara Dunia dan letaknya diatas bumi., wakatu itu nan baurusan jo petako namonyo Ilmu Bumi, kini dirubah namonyo GEOGRAFI. Tapi anak-anak kini SMP kalau ditanyo dimano Tarakan, indak tahu, dimano Palu jawabnyo dakek Palupuah kali yo, apolagi SD, tanyolah anak awak masiang-masiang. Salamo mauni dunia ko alah dicubolo kamari pai, bakureh kaniak kaniin, io dunia takambang jo jadi guru nampaknyo, itulah sekedar kenangan masa lalu, semoga umua kito nan masih siso ko masih bisa bermanfaat bagi diri kito sekeluarga dan bermanfaat untuak perjuangan kebaikan bagi kepentingan urang banyak, amin. Wass, Maturidi (ka 77 sampai Juli), Talang, Solok, Kutianyia, Duri Riau -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke rantaunet+unsubscr...@googlegroups.com. Untuk opsi lainnya, kunjungi https://groups.google.com/d/optout.
