Maa Angku Lembang sarato Rang Lapau nan Basamo, Assalaamu'alaikum wa rahmatullaahi wa barakaatuhu,
Lah ambo caliak-caliak sumber katarangan nan sampai ka tangan, iyo tapurangah awak maagaki arati namo-namo kampuangawak nan jarang kito tanyoan salomo ko. Sabana rancakawak baiuo batido di Lapau ko. -- Balai Gurah? Gurah, sabangso tumbuhan nan buahno dapek digunoan panubo ikan. Latin: Sapium indicum. Ciek lai aratino mancuci muluik bakumua-kumua, barangkali indak ado hubuangan jo Balai Gurah doh. -- Sitapuang? Namo pohonm tapi indak disabuikan bantuak aa dek Inyiak Thaib 1935. -- Cangkiang? Cangkiang kio rupono samo lo jo Cingkariang, sabangso dadok kecek Inyiak Thaib 1935. Mamaikua batang cingkariang, selalu menanggung kesakitan. -- Pasanehan? indak basuo info doh. -- Lasi? Takuik, jaro. Malasi, mangalahkan kawan-kawan sampai jaro. -- Gobah? Dari Bahaso Arab, Kubua, Kubah. (Thaib 1935). Tapi kamus lain Kubah aratino atok malangkuang, dome. -- Bonjoalam? Bangkak-bangkak. Aa nanbangkak-bangka di Bonjoalam indak jaleh di awak. -- Pilubang? Palubang. Kali lubang timbun lubang; dibuek utan baru pambaia utang lamo. -- Lungguak Muto? Mjto sabangso rumpuik. -- Koto Hilalang? Hilalang, lalang, rumpuik tinggi-tinggi gadang, Imperata cylindrica. -- Canduang? Samacam parang, ladiang. Itu nan dapek. Salam, --Nyiak Sunguik. --- In [EMAIL PROTECTED], Muhammad Dafiq Saib <[EMAIL PROTECTED]> wrote: > > Assalaamu'alaikum wa rahmatullaahi wa barakaatuhu > > Iyo pulo. Ambopun baru katau arati dari 'pua' jo 'salo' nan dijalehan dek Buya HMA. > > Padohal di sabalik ambo banyak pulo namo nagari nan indak tau ambo arati atau asa katono. Katiko anak-anak ambo batanyo indak dapek di ambo manjawab. > > Nan ambo mukasuik adolah namo-namo di bawahko; > > Balai Gurah? (kampuang awak bana nyiak Sunguik!). Aa arati gurah ko sabanano? Apo ado kaitanno jo gurah dalam bahaso Jawa? > > Sitapuang? Dek baagiah awalan 'si' jadi indak tau ambo aa aratino. > > Cangkiang? > > Pasanehan? Aa arati saneh, nan diagiah awalan 'pa' jo akhiran 'an'? > > Lasi? > > Gobah? > > Bonjoalam? Apo arati bonjo nan diciek-an atau digabuangan jo alam? > > Pilubang? > > Lungguak Muto? > > Koto Hilalang? Aa arati hilalang? > > Canduang? > > Mungkin banyak lai nan lain. > > Wassalamu'alaikum > > Lembang Alam > > ----- Original Message ---- > From: hambociek <[EMAIL PROTECTED]> > To: RantauNet@googlegroups.com > Sent: Friday, March 28, 2008 1:46:24 AM > Subject: [EMAIL PROTECTED] Re: Arti kato. > > > 1. Pua jo andilau lah ditarangkan Buya cako,lah ambo tambah lo stek. > > 2. "Katah lakang", salah cetak dari "ka tanah lakang", tanah kariang, > lah kareh, lah ratak-ratak dek paneh. > > 3. Mangkucambah, asakato "kacambah", variassi "kucambah", tumbuah > kacambah dari bijo nan dirandam, misanyo saroman toge dari kacang > padi. Mangkucambah,tumbuah manjadi kucambah; Inggirih: sprouting. > Manyularo, asa kato "salaro", variasi ucapan "silaro" jo "sularo", > aratinyo daun nan lah tuo. > "Kasumba", salah eja, ejaan Caro Awaknyo "Kasumbo". Ejaan > Indonesia "kesumba", asakato Sanskerta. Tanaman nan buahnyo punyo zat- > zat sirah. > > "Sadang le pucuak le tak sirah, kononlah pulo sularonyo." > Sadangkan wakatu mudo dan kuat ndak tampak gunonyo, konon lah pulo > lah tuo-tuo. > > Salam, > --MakNgah > Sjamsir Sarif --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---