Aa rancak tu tambahannyo saketek, lokasi Lubuak Lintah di sakitar Padang tampaknyo. Baa pulo terkenalnyo "Bujang Sabaleh" tantu kok dapek Angku "andre suchitra" mambantangkannyo tantu rancak lo yo ndak?
Manganai pangalaman main-main aia batangaia, pantai, danau, iyo bana anak-anak paralu diawasi dek nan dewasa karano indak sakali duo pangalaman baitu barulang. Takana di ambo, carito dari Kampuang (ambo indak di Kapmuang waktu itu) anak kakak kami dari Kototuo, main-main ka Batangaia Lurah di Biaro. Urang baru mambuek baramban tembok kabano. Anak-anak main-main samo ketek. Nan anak kakak ko ilang indak basuo dicucuik aia, mungkin tasangkek di bawah indak ado kawan- kawanno nan tahu. Syukurlah Angku Nofend wakatu ketek tu lai salamat. Lah sampai ka Aceh jo Nias bagai. Tampak diambo gambar-gambar di Bawematalaue. Ambo lah duo kalai ka sinan, 1965 jo 1989. Tapi indak barani maloncek batu tinggi tu doh. Ambo raso sabalun mambaco carito mandi di Lubuak LIntah tu taruihno kok ka mancaritoan dipantak lintah bagai. Kok dipantak lintah, jan takajauik bana, walaupun lah badarah batih tu, taraso gata, lintah tu tatap bagayuik. Untuak malapehanno diliyuai (diludahi) sajo jari tunjuak, sudah tu di kacukehan lintah tu jo tunjuak-baaia-liua tu. Nan jaek iyolah acek; inyo maloncek-loncek di daun samak-samak satinggi awak dalam rimbo. Indak tahu-tahu inyo lah tibo sajo di kuduak atau di liia langsuang manyasok darah. Maanjakanno samo juo jo maanjakan linta cako. Di Malaysia, acek ko dinamokan Lintah Gunung. "Minyak Lintah Gunung" ko dijua urang dalam boto-boto ketek. Manuruik kataranganno khasiatno rancak untuak panagakan barang pusako. Bana tu Angku Datuk Endang? Lai mangkuih tu? :) Sakitulah dulu carito Lintah jo Acek. Salam, --Nyiak Sunguik --- In [EMAIL PROTECTED], "Nofend St. Mudo" <[EMAIL PROTECTED]> wrote: > > > Nyiak Sunguik. > > Lubuak lintah ko nan ambo tau adonyo di Kota Padang, (mungkin ado nan > lain?) antah padang bagian ma, karano wakatu ketek2 ambo acok kasinan, > dek etek2 ambo kos di daerah Lubuak Lintah ko wakatu di sekolah di > IAIN. > > Kalau dari namo, mungkin kampuang Lubuak Lintah ko barasa dari Lubuak > nan banyak Lintahnyo zaman dahulu. > > Ciek nan jadi ingatan dan kenangan nan pahit bagi ambo samaso ketek2 > ka kota padang sekitar IAIN Imam Bonjol ko, antah di Gunuang Pangilun > antah Dilubuak Lintah ko, wakatu baumua alun panuah 10th (masih SD) > pai main2 jo anak punyo rumah kos mandi kasungai, dek awak masih > ngenek, mandi di daerah nan alun pernah di ranangi, ambo tabanam > (tenggelam) ka lubuak tampek ambo mandi, sehingga ambo ndak sadarkan > diri. > > Setelah sadar, kironyo ambo alah ado di tapi tang ayia gadang tu, > antah sia nan manolong, kok kawan nan ketek2 samo jo awak tu ndak > mungkin. > Kok nasip bakato lain maso itu, antah a lo jalan carito kini ko, heheee... > > Salam. > > 2008/3/29, hambociek <[EMAIL PROTECTED]>: > > > > Kok ingin mambari mamostiang info, jan diulok-ulokkan dipaingin- ingin > > baitu sajo kami di Lapau, sudah tu manghilang. Ibo hati kami nan awuih > > informasi ko. > > > > Dimaa bana latak kampuang Lubuak Lintah tu, caritokan saketek untuak > > paubek hati kami. > > > > Iko tampaknyo saroman saroman mangecekan Lubuak Angtahbarantah terkenal > > dengan Bujang Lapuaknyo. Indak ado gunonyo ota kariang saroman itu. > > Maaf, caritooo lah saketeeeeek ... > > > > Nyit Sungut > > > > > > --- In [EMAIL PROTECTED], "andre suchitra" <89.andre@> wrote: > > > > > > "...Lubuak Alia, Lubuak Ulang Aliang, Lubuak Bonta, Lubuak Pandan, > > *Lubuak > > > Lintah *..." > > > > > > Kampuang Nan jauah di mato.. dakek dijari... LUBUK LINTAH walaupun > > terkenal > > > dgn 'bujang sabaleh' nyo... :D --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
