Untuak pentingnyo hubungan Gunung Sitoli - Padang ko, dalam hal "saudara" nan dikulasuikkan Angku Andria tadi, ambo copas postiang lamo untuak diinok-inokkan multi-culturan unteractionnyo.
Salam, -- MakNgah Sjamsir Sjarif Copas: 5/14/12sjamsir_sjarif Maa Angku ZulTan, sarato Rang Lapau nan Basamo, Salain Tanjung jo Chaniago tu, ado ciek lai kelompok namo-namo Urang di Padang nan lah dahulu salangkah dari segi waktu mamakai kato-kato nan sabunyi "suku" tu yaitu Sikumbang. Kato-kato sabunyi Tanjuang, Chaniago, dan Sikumbang tu dilatak di bulakang namo. Tadanganyo di ambo saisuak cuma dipakai di Padang, indak ado di Darek doh. Status atau fungsi dalam namo-namo dari kato-kato nan tigo ambo kiro bukanlah "Gala" [dan mungkin pulo indak dapek dianggap sabagai "Suku" sabab Urang Minang idealnyo indak mamakai namo suku dibulakang namo doh] tapi marupokan "Namo Bulakang" sajo, "Last Name" kato Urang Rantau ambo, kadang-kadang ambo tarjumahkan sabagai "Namo Pancik". Baa mangko "Namo Pancik" nan tigo ko kini jadi paratian dalam pangalaman pajalanan pangamatan budaya ambo? Salamo tigo tahun waktu itu 1963-66) ambo bakarajo sabagai Research Assistant untuak seorang anthropologist nan sadang mampalajari Kebudayaan Minangkabau. Dalam tahun 1965 kami malakukan pajalanan kuliliang ka Pulau Nias dan Aceh. Dalam interview dengan masyarakat Perantu Minang di Gunung Sitoli kami dapati tigo namo Suku Minang nan dominant di sinan. Gunung Sitoli adolah kota multibudaya di Pulau Nias. Di sinan ado jaleh Urang Nias asli, ado Urang Batak, ado Urang Aceh, ado Urang Bugih, dan tarang kami tamui ado Urang Minangkabau. Sabagai indentifikasi dari relasi interetnik ko, masing-masing etnik mamakai namo "marga"nyo, seperti halnyo Urang Batak dan Urang Bugih. Urang Aceh mamakai namo bulakangnyo nan indak diidentifikasi jo "marga". Urang Minang dari mamakai Namo Panciknyo saireh jo namo-namo sukunyo Tanjuang, Chaniago, Sikumbang tu mungkin untuak mambedakan diri manjalehkan dirinyo Perantau Minang, bukan Batak atau Bugih, atau Nieh. Baliak ka Padang, kamungkinan urang-urang di Padang nan muloi dahulu mamakai namo Tanjung, Caniago, dan Sikumbang tu, ado hubungan kefamiliannyo jo para perantau Minang di Gunung Sitoli atau Pulau Nieh tu. Kaadaan pamakaian namo pancik perantau Minang ko samo halnyo dengan di Natal, Sibolga, kemungkinan taruih ka pantai barat atau Utara ka pantai Aceh seperti Singkil dan Barus. Karano para perantau Nias, Sibolga dll ko muncul pulo di Medan, mako ado pulo nan manaruihkan Namo Pancik ko mamakainyo ka Medan. Kalau dicaliak-caliak, mungkin baitulah pajalanan Namo Pancik ko dengan munculnyo salah satu namo Tokoh Nasional, Akbar Tanjung tu. Interesting enough sasudah namo Akbar Tanjung jadi populer, mako di Ranah Minang bamunculan pulo lah urang mamakai Namo Pancik Tanjung sebagai status baru. Di Lapau ko taraso pulo, misalnyo ado Uztazah Rahima anggota Lapau awak tko tadinyo, kini indak tadanga lai. Kalau tadidnyo baliau mamakai namo Rahima sajo, mangko sasudah Akbar Tanjung populer, mangko Ramima di Lapau muncul pulo banamo pancik Tanjung, manjadi Rahima Tanjung. Labiah-labiah karano inyo padusi, poin ambo Namo Pancik itu bukan Gala samakin jaleh karano Urang Padusi Minang indak bagala doh. Itu sabagai salah satu contoh sajo. Agak takileh pulo di Lapau, Angku Dr. Saafaruddin Bahar lai pulo manyalekkan Tanjuang dalam namo baliau. Panjang pulo carito nan dapek ditaruihkan. Sadangkan tanyo Angku Andri Satria Masri adolah masalah katurunan hasil kawin-mawin antaro Minang dan Non-Minang nan banyak pulo saluak baluaknyo. Sebagai kalanjutan kawin mawin antaro Laki-laki Minang jo Padusi Non-Minang memang menimbulkan maslah pertanyaan status Keminangkabauan anak-anaknyo, sehinggo timbua istilah nan ambo katangahkan dalam suatu postiang di Lapau kapatang ko, "Urang Minang nan Indak Basuku". Kelompok ko banyak tersebar daerah Urban di seluruh nusantara dan luar negeri. Bahkan banyak pulo tasalek jadi masalah pertanyaan tak terjawab (atau terdiamkan) di Ranah Sandiri... Sabagai tambahan. Kalau ambo caliak postiang AjoDuta, kato Tan dibulakang namo ZulTan itu ruponyo Tanjung pulo, kamungkinan Namo Pancik Almarhum Bagindo Aziz Chan Wali kota Padang maso revolusi tu adolah Chaniago pulo... Sakitulah dahulu, Salam, --MakNgah Sjamsir Sjarif --- In rant...@yahoogroups.com, ZulTan <zul_tan@...> wrote: > > > Mak Duta, > > Chaniago maniru tradisi sia? > Acok dipakai dinamo urang. > > Salam, > ZulTan, L, 51, Bogor > > Sent from my iPad 2 > > On 13 Mei 2012, at 22:52, ajo duta <ajoduta@...> wrote: > > > Apo nan dilakukan Akbar Tanjung ko bia sajolah. Apolai inyo indak > > lahia nan gadang di ranah. Ditambah lai indak menjadi tradisi diawak > > malatakkan namo suku (marga) dibulakang namo, cando urang Tapanuli. > > - show quoted text - -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke rantaunet+unsubscr...@googlegroups.com. Untuk opsi lainnya, kunjungi https://groups.google.com/d/optout.