Hahahaha..mantap mak, yo samo samo kito tunggulah kaba dari Pak James, mungkin MAPPAs bisa konfirmasi ?
1. klo mancaliak berita tampaknyo Astaghfirulloh ambo ndak usah ditariak mak. ko beritanyo Toilet dibangun di kawasan wisata resor Bukittinggi dan Minangkabau, Padang Panjang. "Toilet ultra modern akan dibangun untuk mendukung citra wisata Sumatera Barat," ujar Kepala Dinas Kebudayaan dan Pariwisata James Hellyward MS, Senin. 2. Mungkin bisa mamak simulasikan dari duo tampek wisata tuh jo modal 200 M dan biaya pipis Rp. 1000 dan tacik Rp 2000 bara taun kiro2 ka BEP ko eh dan bara urang nan harus tacik kasinan. harus di perhitungkan pulo bara PAD nan didapek dari pajak dan retribusi di daerah wisata nantun. 3. Hahaha..sero juo mak kalau anak SD pai darmawisata ka bukiktinggi sekalian manerai WC canggih nan bisa manyemprot surang. BIsa dicaritokan ka nenek dirumah. ambo patangko mambao anak bini jo pangasuah anak ambo main ka taman mini. tibo di pondok indah ambo mampia ka ATM Mandiri nan maambiak pitih lsg dari oto. ondeh tapakiak pangasuah anak ambo nan lah baumua 50 tahun tu. keceknyo anyo di kampuang antri panjang bana di BRI maambiak pitih, iko urang dalam kotak sae dan ndak paralu antri. sudah tu nyo caritoan pulo ka urnag sabalah rumah nan samo2 jadi pembantu dan dari kampuang. alah tacangang2 pulo lah urang tu. 4. klo masalah prioritas ko yo agak panyiang pijabaik kito ko mak, indak di sumbar sajo tapi didaerah lain. pengecualian mungkin Jembrana. 5. BUdaya barasiah ko yo padiah bana di awka ko mak. ambo surang se masih dikatokan jorok dek urnag rumah. padahal kok iduik dikampuangnyo ambo lah tamasuak paliang barasiah. ondeh lah panjang cito ko mah, jadi bilo kito makan uwok patai dirumah Bundo ko ? tapi jan lupo manyiram tandeh bekoh panyiang Bundo deknyo hahaha salam Ben/27 --- In [EMAIL PROTECTED], "Darul M" <[EMAIL PROTECTED]> wrote: > > Angko Rp. 200 M > > 1. Apo angko batua atau sala? > > Salah, awak tunggu perbaikanno. > Batua, bara banyak WC nan dibangun tu, maksudno bara Uriner (tompaik > kanciang) bara WC duduak dan bara WC jongkok. Kalau jumlahno 200 set, mako > angko sagitu rasional, malah kalau diitung bangunan no bagai, mungkin pitih > sagitu kurang mah. Jadi astagfirullah sanak Benny harus ditariak. Ambo > pernah masuak WC nan super mewah dijalan antaro Jakarta jo Semarang, lupo > ambo tompaikno. Kalau dinilai jo angko saroman itu, rasono logis. WC no > babarih barih dan kwalitas No. 1. Ado cafe, ado mushola, ado mini market dan > super mewah. > > 2. Baa jikok awak caliak dari suduik ekonomi. > Dalam perputaran uang barek, mako pemerintah harus menstimulant perputaran > pitih nantun. Carono iyo jo mambuek proyek pemerintah, sahinggo pitih > beredar. Apo iko tamasuak katagori iko. Mudahan jo masuak proyek WC ko > didapek multi effek dari perputaran pitih disekitar proyek tu, sahinggo akan > mambuek iduik agak lapang saketek. Makin banyak peredaran pitih mako ekonomi > makin lapang (teori memang). > > 3. Jikok dicaliak jo responsif birokrat. Dek banyak urang mengeluhkan WC di > Sumbar indak ado man basindereh. Mako pemerintah mambuek WC percontohan. Dek > ka jadi contoh tantu nan diadokan adolah nan klas 1. Nan super canggih. Jan > sampai mamak si Benny indak bisa lo mamakai WC nantik. Kini WC percontohanko > bisa dijadikan "Training Center" pemakaian WC modern. Jikok satiok anak > sikola SD di kampuang di gilir maikuik trainingko, mako satiok hari akan > tapakai waktuno tu. > > 4. Jikok dicaliak jo suduik emosi. > Ondeh jikok dibantu petani, dibuek sikola jo pitih tu, alah bara nan tabuek > tu. Tapi paralu dikana, satiok anggaran ado peruntukanno. Sudah tu satiok > komponen atau bagian harus ado bagianno. Kudian ado nan namono prioritas. > Kini jikok dianggap ekonomi sarik, atau iduik sampik, mako nan manstimulan > ekonomi tu paralu diparatikan. Jikok dianggap parawisata dapek manstilmulan > ekonomi jo caro capek, mako pariwisata di prioritaskan. Jikok di dunia > parawisata nan paliang menyedihkan adolah WC, mako WC jadi prioritas didalam > bidang wisata. Dek bidang nan lain alah adolo nan mamparatikan, jadi indak > taicia bana doh. > > 5. Disuduik Budaya. > Budaya urang awak dalam sadar WC-ko iyo bana parah. Ada suatu pandapek, > budaya masyarakat dicaliak dari kamar mandino (tamasuak WC). Jikok > katagoriko dipakai mako budaya urang awak iyo bana menyedihkan. Mungkin kito > harus bapikia pulo jo caro iko sakali-sakali. > > > Maaf jikok ado kato nan indak talatak ditompaikno. > > Wassalam WW > St. Parapatiah > > --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
