Asssalamu'alaykum w.w. sidang palanta !! tanggal 24 April 2008 kapatang ko ambo baminantu anak ambo mandapek jodoh (bini) urang jawa,
sabalunno manuruk adat jawa, kami iyo datang malamar, wakatu malamar tu ado pulo serah-serahan (pambaoan), wakatu manyampaikan ujuik jo mukasuik datang malamar tu, ambo sampaikan pulo kalau pambaoan nan ado kami bagi dalam duo kalompok, nan partamo pambaoan dalam bantuak kue-kue, hanyolah sakadar mamanuahi adat jawa, lah dtarimo wakatu kami ka masuak rumah , sadang pambaok-an kalompok ciek lai adolah pambaoan sacaro adat nan balaku di Minangkabau (Banuhampu),nan barupo kain paneh (salimuik / kain saok) dan ciek kopor nan baisi pakai marapulai jo pakaian anak daro sapatagak. pambaon sacaro adat awak tu, indak langsung basarahkan wakatu dinanti dimuko rumah doh, tapi babaok langsung ka dalam rumah, disinan lah basampaikan apo makna dari pambaoak tadi tu, sasudah itu ado pulo saketek-banyakno uang dapua untuak kaluarga nan padusi sasudah akad nikah, basampaikan pulo kalau nan anak ambo wakatu ketek baagiah namo, kini lah gadang babari gala, lakek lah gala Limbago (gala pasukuan ambo), yaitu St. Bandaro Diateh, basampaikan pulo kalau alah babari gala tu, mako nan diimbaukan galano sajo, indak namo ketekno li doh alhamdulillah, ambo danga satiok penatacara (pambaok acara adat jawa) manyabukkan marapulai, iyo lai galano nan disabukkno, sanggahan nan datang iyo dari angku kali, walaupun sanggahan tu sabanano lah tapek pulo, kecek angku kali tu : "dalam akta / surek nikah, jan diganti pulo namono (hahahaha)" kajawek di kami : "nan gala tu adolah sasuai aturan adat nan balaku di minangkabau, kok nan ditulih di akta nikah iyo indak ka diganti doh" ciek lai, nan basampaikan, dan manjadi niak pulo di kami, karano nan minantu kami tu adolah urang jawa, mako kutiko ano pai (pulang ka kampuang) bisuakko, iyo ka kami lakokkan ka suku kami, supayo nan minantu manjadi urang Minangkabau. sakaligus manjadi anak-kamanakn kami, baitu pulo anak katurunanno. Mandanga kalau nan padusi ka dimasukkan ka suku kami tu,, urang tuo nan padusi sarato kaluargano, iyo maraso sanang dan gadang hati pulo Dalam garah kami sadang bacarito, bakatokan, iko lah nan namono pulang ka bako, kuah talenggang ka nasi, nan nasi ka dimakan juo jo caro itu lah jalan nan dimukasuk *marangkul nan disampaikan** * bundo Evi N dibawah ko, tantuno ditambah jo pangajaran nan lain Wasssalamu'alaykum w.w. Bandaro Labiah Pada tanggal 07/05/08, HIFNI HFD <[EMAIL PROTECTED]> menulis: > salam buat anak-anakku, > Ada dua posting yang menarik yang disampaikan oleh ananda Trisna Dewy, > yang disimpulkan, yaitu : > 1. pendataan mahasiswa minang dan kiprah bagi masa depan untuk Sumbar. > 2. Masalah perjodohan ; gadis jawa versus gadis minang. > > === kuduang == > > 3. Jika seandainya ananda yang pria mendapat gadis non minang, ndak > masalah juga. Rangkullah isteri kalian dengan adat dan budaya minang, yang > jelas-jelas adat basandi syara` dan syara` basandi kitabullah. Isteri > harus berbakti kepada keluarga; suami dan anak-anak, orang tua dan mertua. > Karena demikianlah agama mengaturnya. > > Demikian pendapat bunda buat anak-anak muda kita. > > Wassalam, > > Evi Nizhamul > > > > *trisna dewy <[EMAIL PROTECTED]>* wrote: > > > > --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
